-إِبْــتَأَسَ.

↠𝚙.𝚜𝚎𝚟𝚎𝚗𝚝𝚎𝚎𝚗

‏يا راحلين عن الأوطانِ أسألكُم
‏هل الرحيلُ عن الأوطانِ أحياكم؟
‏هذي الديارُ بها أرواحُكم بقيت
‏أجسادُكُم عجبًا عاشَت بمنفاكُم
‏ما جفَّ دمعي مُذْ فارقتُمُ بصري
‏يا ويحَ قلبي أقبلَ الموتِ ألقاكُم؟
‏على النوافذِ بعضٌ من طُيوفكُمُ
‏وفي المرايا سرابٌ من بقاياكُمْ

چان حَرير جالس بـَ غرفته ويحس وكأن الفتره
الي چانت تخنكه وتأذي رجعت والشخص الوحيد
الي طلعه منها هو أبسَل ورجع الها بسبب
بعده عنه

رجع يدخن ويسهر ويسمع اغاني
وغرفته چانت انارتها كالعاده
خافته،چان منزعج من تصرف
أبسَل وانه رجع لعادته ورجع
ميتصل بيه مِن اول يوم وهو
ممتصل بي ولا يعرف عنه اي شي

"ادخل"

نطق بعد ماسمع صوت الباب يندك
،دخل أدَم وچان هم شويه حزين جلس
بـَ جانب حَرير

"شبيك؟"

"أكرَم متغير ويايه"

"ليش؟"

"مادري متغير مو مثل قبل يعني صاير
من اخابره لو يجاوب لو لا واذا جاوب بسرعه
على كد السلام ويروح،اسئله شبيك يكلي
مابيه شي"

"يمكن تعبان"

"مادري وليش ميكلي اذا تعبان"

"هو هسه انت شنو اعترفتوا لو بعدكم
لو شنو الوضع؟"