-إِبْــتَأَسَ.

↠𝚙.𝚎𝚒𝚐𝚑𝚝

-وَ سَارَ قَلبِي خَلْفَهُ
‏فَلَمْ يَعْدُ حَتَّى اكْتَوَى
‏لِكُلِّ شَيْءٍ آفَةٌ
‏وَآفَةُ الْقَلْبِ الْهَوَى.

"تعالوا تعالوا خلي ناخذ صوره قبل
لـَ نموت"

ثبت امير التليفون وبعدها رجع لـَ خلف وبدوا يتجمعون
اخذوا كُلهم اماكنهم چان حَرير جالس على ارض،اجه
حسين يركض وجلس يَم حَرير

اخذوا لـَ صوره وبعدها رجعوا لـَ اماكنهم،
چان أكرَم ماخذ موقعه وأبسَل واقف بـَ صفه ويتكلم
بـَ الجهاز الاسلكي وهَم يعطي لـَ اوامر

"امير انتَ وحسبن صعدوا فوك،
محمد ورائد روحوا للبيت الثاني...
وحَرير ابقى هنا"

سمعوا صوت مِن جهاز أبسَل وچان رائد الي يتكلم

"سيدي،لكيت مقر الهم هنا قريب
تعال للبيت"

التفت أكرَم على أبسَل،وراحوا حتى يشوفون
دخلوا لـَ بيت بَس مشافوا احَد بالطابق لـَ ارضي
صعدوا لـَ طابق الثاني وبعدها چان اكو
باب مفتوح وسطح فـَ طلعوا

"شنو وينه؟"

"سيدي هنا تعال"

راح أبسَل لـَ رائد واخذ لمنظار منه وفعلًا چان
قريب ميبعد عنهم غير بَس كَم بيت

"لازم نروح الهم مِن مكان اعلى حتى ميشوفونه"

"سيدي شلون اذا عدهم قناصين"

"لا شوف لوضع هادئ يمهم عبالهم هَم بـَ امان
ومقرهم بَس ارضي و ما حواليهم عمارات،ماعتقد
حاسبين حساب قناص"

"أبسَل بَس لازم ناخذ احتياطاتنه"

"كُول لـَ شباب خلي يجون وهسه نشوف لَـ خطه"