Tell Her About Me ( Published Under IMMAC PPH La Gran Lista )

Chapter 28 ~Broken Destiny

CHELSEA RAMOS

“Tuloy na tuloy ka na niyan?” lumingon sa akin si Zane at nagtanong. Tinutukoy niya ang pag-alis ko ng bansa. Hindi mapakali ang puso ko sa tuwing nagtatagpo ang mga mata namin.

“Oo naman, wala namang pipigil,” pagbibiro ko at natawa naman siya. It’s funny being single, right?

“Walang pipigil . . .” inulit ni Zanero ang sinabi ko at nag-smile siya. “That’s good to hear.” Zane was driving the car smoothly. This is my first time being his passenger. I can see that he has a lot of patience, or is he just enjoying being with me?

“Wala kang boyfriend?” Napatingin ako sa kaniya nang tanungin niya sa’kin ’yon.

“Wala,” I replied.

“Since then?” Nagagawa niya akong kausapin habang patingin-tingin lang sa kalsada. I feel my heart bursting. Isa pang tanong niya ay talagang bababa na ako. Ang isipin pa lang na kaming dalawa lang sa sasakyan ngayon ay nakakapanghina na. My God, Chelsea! Akala ko ba, nakamove-on ka na?!

“Wala kang nakita na mas higit sa akin?” medyo mayabang na tanong niya. We both know we are perfect for each other. He stared at me, then smiled—and that melted my heart. The way he looks at me reminds me of how beautiful I am in his eyes.

“Wala. Paano ako makakahanap ng higit pa, kung lahat sila taob sa’yo?” Bigla niyang kinabig ang manibela at inihinto ang sasakyan sa gilid ng kalsada na ikinagulat ko naman. May masama ba akong nasabi? Tinitigan niya ako na para bang may gusto siyang itanong o sabihin pero hanggang titig lang ang ginawa niya.

“I’m sorry, dahil hindi na tayo nagkita since the day na bumalik ka sa Maynila,” he’s suddenly apologizing. Is he affected by what I said? Baka iniisip niya na hindi pa ako nakakamove-on sa kaniya dahil hindi ako nagka-boyfriend o tumanggap ng manliligaw man lang, o baka ako lang ang nag-iisip na nakamove-on na ako?

“No. Ako dapat ang humingi ng paumanhin. That was all my fault. Mababaw ang pag-iisip ko at hindi kita binigyan ng pagkakataon para magpaliwanag. Masiyado akong nagselos kina Lily at kahit kay Myrtle nang hindi man lang ako nag-usisa.”

“Okay lang iyon, that was all in the past. Naiintindihan ko rin naman ang side mo dahil naging masikreto ako at hindi ako nagtiwala sa’yo. Dapat, sinabi ko sa’yo para hindi mo ako pinag-isipan na niloloko kita. Sorry pa rin, Sea. I was so immature at that time. Ang inisip ko ay ang kapakanan ng kapatid ko at hindi ikaw na girlfriend ko,” he explained.

“Okay na ’yon, ‘di ba? Kalimutan na natin ang nakaraan. How’s your dad?” I asked him to divert our mood. I needed to come up with various topics since we were going to spend almost five to six hours on the journey home. He let out a deep sigh and started the engine of his car.

“He’s good. Nasa Marikina siya. Doon ako nakatira sa bahay niya ngayon.” He shared while maneuvering the car back onto the highway.

“And Lily?” I asked. “She’s in Cebu with Tita Mariel. ’Yong share ni Daddy na minana niya kay Lolo ay ibinigay niya kay Lily.”

“Grabe! Noong sinabi sa akin ni Myrtle ang tungkol kay Lily, hindi rin talaga ako makapaniwala. Kahit si Myrtle ay walang alam sa bagay na ’yon. Masaya ako na mayroon kang kapatid. Pasensiya na talaga, dahil pinagselosan ko ang batang ’yon. Kasi, dapat sinabi mo agad, e.”

“Nagulat din ako. Noong paalis kami ng Cebu ay sinabi sa akin ni Tita Mariel ang katotohanan at talagang plano na nila Lolo at Tita Mariel na ipasama sa akin si Lily dahil nakiusap si Daddy kay Tita Mariel. Gusto niyang makita at makilala si Lily. That night when Lily sent the message, I decided to tell her the truth and I was so mad at her because she crossed the line. ’Yon nga lang, hindi ko sa’yo naamin na kasama ko siya dahil alam kong selos na selos ka sa kaniya,” mahabang salaysay ni Zanero. Alam ko na rin naman ang lahat-lahat, pero hinahayaan ko siya para gumaan din ang pakiramdam niya.