Forced marriage زواج اجباري ♥️

part 1🤍

تالين : الله مطر بره خلاص نا شويا ونطلع باهي ي رفيف نطلعو باهي
رفيف: اسكتي توا مش طالعه معاك نا دبشي مش زايد عليا بعدين المحاضره تبي تبدا لذالك اقعدي وانتي ساكته
تالين: انلااا نبي نطلع اقعدي فيهاا صاحبه العازه 😭
طلعت بسرعه قبل ماتبدا المحاضرا ونزلت نجري من الدروج وانا نازله ننقز ع دروج نخبط ف واحد نطيح علي الوطا
تالين : اههه ي يدي اهه
محمد: متشوفيش وين عيونك وانتي نازله ناقصني نا اصلا
تالين: انته وين عيونك انا المتضرره مش انته كله منك يعني انا لناقصني مش انته افف جاكتي كله منك ياربي اقلب وجك عديي افففف😭😭
محمد: يقلد ف صوت ااه جاكتي افف يماما سكري فمك مش نا الي حوله وتنقز ف دروج لذالك انا ماشي قالب وجي محاضرتي تبي تبدا لذالك اقعدي فيهاا باااي وعدى يجري
تالين : ااااه كراعي محماط كانهو جنتل كيف ناس را عرض المساعده مش عدا ااااه ياييد خلاص جمالي عدى😭
رفيف: ههههه كنك طايحه مكي صبي الي ماشي والي جاي يبحت فيك نوضي 😂😂😂
تالين : تعالي تعالي طحت نا جمالي راح 😭
رفيف : هههه اتاي جمالك يا عبد الواثق اتتي هاتي يدك
وساعدتها لين وصلو ع مقاعد امتاع الجامعه
تالين : رفيف كراعي توجع ووه شكلها التوت حسبي الله فيك كراعي اااههع😭رفيف تبي تروحي امعايا اليوم فاهمه نبش نقعد بروحي
رفيف: من الي مروح بيك
تالين : ي حبيب القلب ي معتز
رفيف : حبيب القلب طيح سعدك نا خوك الي مثقل من دمه ماريت تقولي حبيب القلب 😒اتفووو
تالين: خلاص معش انقولك صحبتي توا مرت خويا عزيزتي رفيف: سكفمك را نصبيلك توا نعجنك باهي قولي كيف طحتي
تالين : ههه توا انقولك شصار كنت نازله نبي نلحق المطر قبل ماتبدا المحاضره نخبط ونا نازله ف واحد باهي ونطيح ع الوطا وتخيلي التافه الحقير شن دار قالي وين عيونك وهوا خابط بظال ما يساعدني قعدت طايح نين جيتي غار نشوفه توا نرده له وننتقم
رفيف: زعما طرف
تالين : اشتبي فيه ي صايعه ودايرتك مرت خويا 😂
رفيف: هههه كنك انتي عشتي الدور شن مرت خويا في احلامك هذين قولي طرف ولا لا
تالين : منذكرش مشفتش خليقته كنت معصبه بس مش احله من زيد يعني 😂
رفيف : انتي مش طبيعيه وربي ماك طبيعه باهي اشدخل زيد افهمي خوك ثقيل دم منحباششش🙂تالين
تالين: استني هوا الحقير الي خبطني امبدري
رفيف: تييي حيي هذا محمد
تالين: تعرفيه اخره نبي ننتقم منه انا فكري معايا ف خطه بسرعه
رفيف : عارفه هذا بنات الكليه كلهن متهبلات عليه يا انتي طرف امطرف تطريف
تالين: لا مش عارفه ومنبيش نعرف تي سكفمك لقيتهاااا
توا نوريه باي
رفيف : وين ماشيه استني انتي ووووه وه منها عدت
تالين توا ننتقم منك توا تشوف الضربه الجايه الي جايتك ي استاذ محمد 😈
تالين : عديت الكفتيريا وخذيت كابتشينو دبل وعدت شور محمد تجري
محمد كان لابس هودي ابيض سروال جينز وكويش ابيض
تالين: هاااي
محمد: برفعه حاجب هاي من انت
تالين : انا الي هبطت فيها امبدري 🙃
محمد: به
تالين : جبتلك كابتشينو كأعتذار مني لك
محمد: اووو شكرا واعتذارك مقبول
تالين: كبت عليه الكابتشينو ااااه اسفه
محمد: ااااه شنو درتي انتي هبلتي ااااه
تالين: لا حبي ماهبلتش بس هذاعشان جاكتي لذالك انتقمت منك بس انا توا تريحت
محمد: تي انتي شنجابك عندي ااه الزفت تي اقلبي وجك طيري حرقتنتي اااع
تالين: اسمي تالين يا عزيزي وتوا نا قلبتوجي سلااااام
رفيف : حي شندرتي طيح سعدك
تالين: رفيف  عارفه توا انا جعانه لذالك تعالي نعزمك ع سندوش وببسي ع انتقاني 😂
رفيف: انتقامك هي ياماما نا جعانه
تالين: ههههه انتي مشفتيش شكلهلما كبيت عليه الكابتشينو هههه يانتي قعد شكل وجه كيف الطماطمه ههه ولا شنو متهبلات عليه  طيح سعدهن ريت هجمال الي مارته عيني اااههههه خلاص *  تقلد ف صوت *انتي هبلتي ااه هههه يا رفيف خلاص بطني ودايرلي روحه جميل الجميلن توا بالله هذا بشبوا اللوح كيف زيودي ي رفيف
رفيف : هههعع انتي وزيودي امتاعك
تالين: لا انتي مشفتش لما البنات زعلن عليه توا تلقيهن المعجبات ببشبو اللوح منزلات ع الهودي امتاعه ههه
رفيف كنك ساكته الستر مش كنه نضحكو ولا زعلتي ع بشبو اللوح ي بعدي
رفيف : اسكتي
تالين: باللهيي زعلت ع بشبو اللوح وانا جاكتي هذي زعلتش عليهاا اااه بس
رفيف : اسكتي تالين فضحتينا وراكي ي همي وراك
تالين: توا بشبو الوح وريا اكيده قاعد يبكي ع هوديه.
رفيف : اااه عدى سمع كلامك كله وعدى
تالين: اهمديلي سلم بنتي منحسش فيه اصلن نا بتروحي معايا بعدين ايواه خلي انرن ع حبيب القلب
تالين: الو زيود
زيد: الو تالين
تالين: تعال روح
زيد : لا مش فاضي رني علي عزو
تالين: خلاص توا نروح انا ورفيف مع عزو
زيد: رفيف معاك هياا هي حاي مترنيش ع عزو جاي
تالين : ههههه به اكشخ وانته جاي عارفتك منخمر كنت
زيد: تم سكري
رفيف: اسمعي نا نعدي الحمام وانجي نعدل  مكياجي
تالين: اوووو عشان زيدو ههه 😂 ورفيف عدت
♡♡♡♡♡♡♡♡♡♡
محمد: نبي نعرف كلشي عنها من جدها لعند اضغر وحد فيها.
وسام : تالين مجدي مسيبهم بوهم  من هما صغار ومتكلف بيهم عمهم الكبير ومعاندها الا عم وحده عنده اخت وجده وخوين زيد و معتز وتيماء هذي اختها امها وداد تشتغل ف روضه أطفال اما معتز يشتغل مدير مالي ف شركه كبيره حالتهم الماديه كويسه ويسكنو ف مكاان&^'$##،&&-**&'
محمد: اهاا
وسام : عليش تسال عليها يعني را تطلع واخذا عقلك ي صديقي بس البنت طرف يا صاحبي شن دارتلك البنت
محمد: تي انا ينقال عني بشبو لوح ولا تكب عليا كوب كابتشينو ف كليه قدام الناسونسكتلها وحكت عليا عند صاحبتها لذالك هكي
وسام: ااه من الغرور الي عندك بس البنت صاروووخ 
محمد: لا انا حنخليها تعتذر مني توا تشوف
وسام: واو هههه كيف تبي تعتذر وانته ع قولك خبطت فيها اكيد انته حتقولك اعتذر لذالك انته مش هعتعتذر ولا هيا
لذالك حطاها
محمد: اممممم به توا انجي
*****************
تالين : كنت مقعمزه نستنى ف رفيف اففف ياربي ماتت ف الحمام
محمد: استني ومسكها من يدهاا
تالين :اوووو بشبو اللوح
محمد:  بشبو  عينك اسمعي تالين انا نبي نعتذر منك ع موقف الي مبدري واسف
تالين: اووو شكرا واعتذارك مقبول بس كيف عرفت اسمي مقتللك اسمي شنو
محمد: سمعتك لما كنت تحكي مع صحبتك عليا بلكي ليا اعتذار حتى نا 🙂
تالين: اااه سمعت كل حاجه يعني
محمد: يسس🙂
تالين: اسفه ع كلامي يا بشبو قصدي ااه
محمد: محمد اسمي بس نا نبي اعتذار ع دبشي لقعد كله كابتشينو شوفه عينك
تالين: اسفه بما انك اعتذرت بشبو قصدي محمد اسفه ع كلامي ودبشك تمام هكي
محمد: كلامك اثر فيا شوي🤏
تالين: به نا حماره الي اعتذرت منك اوكي سلام
محمد: استني اسنتي من ناحيه حماره صاح حماره بس اعتذارك مقبول
رفيف: سلام ااه تالين تعالي
تالين: تصافينا بشبو ااه محمد ولا لا 😂
محمد: تصافينا 😂ومعش لتقولي بشبو
تالين: ههه هي سلام بشبو اللوح😂😂
رفيف: تعالي ي بقره شن دويتو مبدري ونا نبحت فيك تحمست بذات لما مسكك من يدك قصدي يعني شن كنتي دتوي معاه
بنت: معلش ممكن اتجي
تالين: اناا
بنت: اهاا انتي تعالي نبيك شوي
رفيف اشرتلها بعيونها بمعني شنو فيه
تالين : رفعت يدها بمعني مش عارف وعدت مع البنت
البنت: انا وتين
تالين : وانا تالين شنتي فياا
وتين: ااه كنك مع حبيبي محمد اشتبي تحكي معاه مزلت نلقاك مصبيه معاه اتشوفي
تالين: لا يمامتي لا هوا يعرفني ولا نا لذالك ريحي روحك انتي وحبيبك القرد هذا تمام وشن بديري مثلا يعني كان قربت منا ااه حبيبتي حبيبك هذا كل يوم مع بنت شكل ف كليه ممكن انتي تكوني مسجلك حبيبتي سته ولا حتى اسم مش حاط تمام يعني طيري من قدامي يالله ولا يشرفني يقعد صيوعه افندي هذا حبيبي يا ماما عقوللك شنو هيا الكلمه ااه تذكرت مش ستايلي تمام وي حبي كان نبيه ناخذه وقدامك اخره وقدام الكليه كلها وشن تبي اديري يعني 😏
وتين: توا اتشوفي نا نبهت نلقاكي مصبيه معاه مره تانيه عندي حساب معاك تمام وسلام وعدت شور صحباتها
تالين: ما كان ناقصني غير بشبو اللوح وحبيبته ااه يارب
رفيف : كنها
تالين: حبيبه بشبو اللوح ي بعدي جايه تحسابني نتلصق عليه تسحابني دحناسه كيفها
رفيف : هههه مريضه وربي عليك الي جايه هاده ووه عليها
تالين: ههه ناقصني
ترن ترن
تالين: الو زيد
زيد: هيا قدام  الباب اطلعو
تالين: تمام طالعين
رفيف : زيد جانا
تالين: يس ييييه
رفيف : كنك
تالين : نسيت شيتاتي ع نقعد امتاع القاعه  عدي اركبي توا انجيبهن وانجي
رفيف: تمام
رفيف: صباح الخير
زيد: صباح الورد وولع المسجل وبدت اغنيه وزيد قعد يغني معاها: يا ذات العيون ارحمي هاذي العيون الي ماشفت نوم غير اليل وموالو اي اي اي اي
رفيف : هههه ي خيتي
زيد: بلكي ترحمينا وتعيطنا رقم فونك
رفيف: لا يا حبي مش عاطيه
زيد: اااه ي قلبي نا عاوديها حبي
رفيف:  هات فونك
زيد: كان تبي عمري كله نعطيه مش فوني وبس
رفيف: لا ي رومنتك انته ترا قول كم رقم بنت عندك
زيد: مش واجد: ثمانيه وانتي تسعه
رفيف: وتبي رقمي امشي محماط مانيش عاطيتا وبطل كذب عليا مره تانيه اتفوو عليك
زيد: ههههه لا ي شيخه
رفيف: خطاني نبي تشوف تالين طولت
زيد : اشتبي فيها تعالي شوفيني نا
رفيف:  به ي حناطه انته
*************
تالين: عديت للقاعه وكنت مستعجله عشان زيد يراجي فياا
وصلت للقاعه شفتهن ع نقعد خذيتهن وطلعت ونا طالعه حاجه تمسكني من يديا الاثنين نلقها وتين وصحبتها مسكوني ويكرو فيا من يديا نين خشينا لدار صغيره قعدو يضربو فيا نين اغمي عليا وقدت الوعي وطلعن سكرن الباب وطلعن
نهال: اسمعي بلكي تكون ماتت نحنا ضربنها ضربه سمحه
وتين: كنك متأثر بي مسلسلات تي ع مهم مسحت كبدي ودار هذي محظ يخشلها المعلمينف الفينال وتوا لافي فاينل لاشي لذالك محد حيشوفها هههههه يا نهال تعالي هي نعدو الكافتيريا ههههه
*********
رفيف: زيد هذي تجيب في شيت ماتت
زيد: هي ديما تسحون اكيده ف وحده تحكي معها ف الكليه
توا فوتيها توا اتجي ترا قوليلي منين جايبه الجمال هذا كله تي انتي غزال مصور
رفيف: زيد🙂
زيد: عيون وقلب وروح زيد😍
رفيف : توا انته تحبني صاح
زيد: تي نا نحبك نموت فيك عارفه كان تبي توا نعدو للمأذون وتزوجو
رفيف: ههههه ووه انته مش طبيعي هههه
زيد: به عطيتي رقم فونك ي عسل
رفيف: هاتي فونك وكتبت الرقم
زيد: اصلي نا كرزيما وسمح ترفضيني
رفيف: وااو ابهرتني وقعدو يهدرزو نسوا تالين
*********
محمد: كان ماشي وسمع وتين وهيا تدوي عظا لدار بس ما كنش يعرف ان تالين خش الدار لقاها طايحه وحالتها حاله ومغمي عليها
محمد: حيي تالين تالييين انتي نوضي
تالين: ....
محمد: حل شنطتها ةطلع عطر وبخ ف حشمها عشان تنوض وبدت تصحصح
تالين: ااااه يا بنات الكلب ااااههع
محمد: نوضي انتي توا وبعدين اشتميهم لين تبطلي
تاليت: خزي عليها محماط التافه استنا شويا انته بشبو اللوح ماه
محمد: اها بشبو الوح نوضي را نكمل عقابك توا هي ونوضها
تالين: ااااه كراعي توجع فيا كسر انشاله ف يدها ااااهعع😭😭😭🥺
محمد: امسكي فيا تعالي
تالين : اااه والهيي طلعت كويس ي بشبو اللوح 😭
محمد: امشي يكويسه انتي هيا
تالين: اااه 😭
محمد: خناينك ع دبشي معش تبكي يا بكايه توا بكرى اعجنيهن طريحه الي ضربوك اسكتي
تالين: حبيبتك ضربتني الحقيرهعشان تحسابنينتلصق عليم التافها ناقصني ناااا ااااااههههع😭
محمد: وتين مش حبيبتي هيا واخذه وجه بروحها
تالين: اشدخلني فيك نا هي نبي نروح اعه😭😭وصلني لسياره خويا بسرعه
محمد:تي خدام بوك ناا اماله وين ما نوصلك تقعدي
تالين: محمد قالك حول  معش  نبي مساعده منك 😭🥺 حول خطاني
محمد: خلاص اسكتي توا انوصللك
تالين : وصلني وانته ساكت اهه يا مراعي كله منك انته وحبيبتك  المقرفه اااه كسروني الله يمسروهم 🥺😭😭😭
محمد: اشمال اني نا كل حاجه منك انته مش شوري
تالين: ماهو حبيبتك غايره عليك ي بعدي  لذالك مش شوري
بيك انته السبب
محمد: وصلنا اسكتي خلاص
تالين: زيد زيد اقتح الباب
زيد: 😨كنك
محمد: اختك بنات ف الكليه عاجنينها طريحه
رفيف : وووه هذي تالين 
تالين: ي كلاب تمعشقولي هنا وانا ننعجن ف طرايح  خو وصاحبت العازه 😭
محمد: به اركبي سياره انسه بكايه وبكرا راك تنسي  تعجنيهن طريحه 😂
تالين: واولهم انته 😂
زيد: هيا اركبي شن تخرطي هيا
تالين: هي سلام وركبت السياره
محمد: سلام
زيد: اييي عجنينها طريحه اييي
تالين: انته سادك تمعش مع رفيف ومتندري علياا
رفيف: ءءءءا تالين ريحينا
تالين : ااااهععع كسروني الحقيرات
زيد: ومن ال ضربتك
تالين: حبيبه بشبو اللوح
زيد: ههه ومنو بشيو اللوح
تالين: مشعارف واحد اسمه محمد حبيبته شافتني معاه تسخاب نتلصق عليع
زيد: وانتي شديري مصبيه عندي الراجل🙂😒
تاليت: لا مش الي بالك  خبط فيا وطحت عا الوطا
وجا اعتذر مني وشافتني حبيبته يعني مرتبط هوا 🙂
زيد: به وين حوشكم
تالين: اااممم عدي لمكان !%&@% ولف ع يمين بس هيا مش مروحه لحوش عندنا مروحه
زيد: خشييييي
رفيف: 😂
تالين: الله عشق ممنوع🌝
رفيف وزيد😂😂🙂
ترن ترن
رفيف: الو تتمام مروحه ف طريق جايه تمام توا نشوف  باي
زيد: كنك يتروحي
رفيف: لاه لا بس ماما ناكته الحوش كله لذالك كان مفيش تعب  تروح بياا
تالين:  خساره 🥺 زيد
زيد: نعم
تالين: راحت عليك😂
رفيف 😂
زيد: سكفمك انتي وياهاا 🙂
تالين و رفيف😂😂😂
زيد: هي انزلي وصلت
رفيف: هي لس نزبط وشاحي
تالين: نا نازله نسلم ع خالتي فاطمه( ام رفيف )
رفيف: تمام
زيد: قولي متى اشوفم اني متى عياني الشوق نار وهايجه ف قلبي اي اي ااي ااي
رفيف : لا يا مطرب انته هي سلااام
زيد: نتكالمو بعدين؟
رفيف: تمام😂 ونزلت وسكرت الباب
زيد: اااه تي طرف لنم😍
*****
رفيف: ههاااي ماما الحلوه
فاطمه: وينك لتو شديري برا
رفيف: لا جتني رساله من فرح بنت عمتي وخذاني الهدرزه
فاطمه: هي يماما شمري ذرعانك وخشي انكتي المطبخ
رفيف: اااه تمام نبدل ظبشي ولبس توتا
تالين: هي سلام زيداكيد يراحي من مبدري
فاطمه: سلملي ع وداد
تالين: يوصل سلامك💗
فاطمه: مع سلامه وطلعت معاها وسكرت باب
*******************************
تالين: ااه ي كراعي كلا منك ي بشبو اللوح
زيد: خلاص حتى انتي من قالك اقربي من حبيب البنت والبنت غارت عليه
تالين: ياااي
زيد:😂😂
تالين : تي توا تشوف كما خليتها عبره الكليه كلها والي يقرب من تالين بنت وداد
زيد: تشاهدون مسلسل اصول القدعنه بطوله تالين مجدي اووووو
تالين: نجكليا الحانط انته
زيد: به شت بديري تبي تضربيها وتصوريها وتنشريها ع نت مثلا
تالين: لا نا مش حقوده لدرجه هذي
زيد: ااه يا حنونه انتي  معرفتكش
تالين: تي اصبر عندي فكره😈
زيد: نظرتك الشيطانيه هذي نعرفها زييين شنبديري
تالين: مش صاحبك يهكر ف حساب
زيد : لا مش صاحبي صاحب معتز
تالين: الله  توا نقول ل زيزو
زيد: ااه من المصالح من امتي زيزو وحركات اااه😂😂
تالين: 😂😂
زيد هي انزلي ورايا شغل
تالين: لا ي بزنس مان غار تخرج واشتغل وقول عندي شغل
زيد: هي تيتي يالله
تالين: سلام
زيد: سلام
************)
تالين  : سلام عليكم
وداد:  عليكم سلام  وين طولتي مش من عوايدك
تالين: ماهو وصلنا رفيف لحوشها ااه وتسلم عليك امها
وداد:  سلمك وسلمها
تالين : نبي نعظي ندوش نا خلاص
وداد: هي دوشي وبعدين تعالي كولي غداك ف كوشه
تالين: اوك
********
تالين: خشيت لدلري طلعت بيجاما خضره واسعه
وخشيت ادوشت ودرت دوش طويل وبعد ربع ساعه طلعت دهنت لوشن لجسمي ومرطبات لوجي ولبست بيجامتي وجففت شعري و بعدها سحبني النوم ورقدت 💤💤
♡♡♡♡♡♡♡♡♡♡♡♡♡♡♡♡♡♡♡♡♡♡
هذا هو نهايه البارت الاول كان عباره عن تعريف شخصيات بس مزال ف  واجد شخصيات  وانشالله تعجبكم💗💗🌌
Shahad💗✒.....