Enjoy ♥️
فتحت عيونها وتين لقت وائل راقد على الكرسي جنبها قعدت تبحت فيه بعدها فكت المحاليل من يدها لبست دبشها وطلعت من المستشفى مقاومه الالم في كل اطرافها
ركبت سياره تاكسي وعدت
فتح وائل عيونه بشويش شاف سرير وتين فاضي توقع انها في الحمام امتاع الغرفه خشت الممرضه
....: صباح الخير
وائل: صباح النور
....: يبيك الدكتور في حجرته
وائل: عليش
...: التحاليل طلعن وين المريضه
وائل: في الحمام اكيده
... : اها بس لو كلمتني كنا فكيت المحاليل بس هيا تعال
طلع مع المررضه لحجره الدكتور خش
الدكتور: صباح الخير
وائل: صباح النور
الدكتور: تفضل قمعز كنت نبيك في موضع التحاليل طلعن
وائل: وشن طلع عندها
الدكتور: الف مبروك زوجتك حامل
وائل فتح عيونه من الصدمه : ك..كيف حامل
الدكتور: اها حامل والف مبروك وتوا نكتبولها خروج
وائل: تمام شكرا دكتور
طلع من الغرفه و الفرحه مش سايعته ان حيكون اب
خش لغرفه وتين ملقاهش قاعده ناده عليها فتح باب الحمام
ملقاهش طلع بره على امل يلقاها بس مش موجوده
طلع من المستشفى للسياره ركبها وعدا لحوش نهله وطلعت مش قاعده
تالين كملت خط الدبش في الشناطي وخطتهن جنب بعضهن عند الباب بعدها خذت بنطلون كلاسيكي مع بلوزنه حرير على تدرجات البيج
طلع محمد من الحمام لاف منشف على خصره وخصلاته المبلوله طايحه عل جبينه اول ما شافها ابتسم بوسع
محمد: صبح الحب
تالين: صباح الورد
محمد: مزال الطياره في الليل عليش لابسه من توا
تالين: نبو نطلعو انا وياك مطلعنش كيف البشر مره باليز
محمد: تمام نلبس بس
تالين: تمام توا ندير قهوه ونجيك
محمد : تمام بس نسيتي حاجه
تالين: شن هيا
محمد : تعالي
تالين جت عنده وهوا حاوط من خصرها
محمد: نسيتي حاجه
تالين: وشن هيا الحاجه
محمد باسها : هكي عشان يقعد صباحي ورد كيف ما قلتي
تالين خدودها توردو : هيا غير دبشك بسرعه
محمد باسها علي خدها وسيبها وتالين طلعت من الدار و احساس جميل حاسه بيه
موده : كانت مقعمزه في مطعم افطار صباحي وحاطه يدها علي خدها وسرحانه مفطنتش للي قعمز قدامها
حسام: صباح الخير
وموده مزلت سرحانه
حسام طق على الطاوله وهي فاقت من سرحانها
حسام: وين رحتي
موده: شنو
حسام: صباح الخير
موده : صباح النور
حسام: قاعده بروحك هنا قلت نقعد معاك
موده: امم بعدين الرحله
حسام: اها ومحمد وتالين وين
موده: طلعو اكيده
حسام: به نطلعو حتى نحنا
موده: لا نقدرش
حسام: طلعه شغل هيا
موده : شغل شنو
حسام : حمله اخره مستلمينها بس اختي حتديرها ونحنا توا نمشو نشوفو الزبون
موده: اوك
طلعو هما الاثنين للسياره وفي عقل حسام مخطط.....
...................
زيد: هيا رفيف طولتي
رفيف: اسفه على التأخير حبيب
زيد: ما عليك توا جبتي الاوراق الي قتلك عليهن
رفيف: اها جبتهن كلهن
زيد: تمام حبيبه توا ننطلقو
رفيف: مشعارف شن يقول الدكتزر المره هذي
زيد: انت تفائلي وانا متفائل جدا ان حتبقي كويسه
أنت تقرأ
Forced marriage زواج اجباري ♥️
Romansashahad_almoqsapi:🤍 هاااي هذي اول روايه ليا بقلم طبعا روايتي تحكي ع اتنين تجمعهم صدفه ف جامعه وتنتهي بزواجهم اجباري 🤍 اي وحده تقرا تدعمني بي فولو فوت وتعليق بليزز🥺🥺🤍
