Enjoy ❤
الساعه7:30
ناضت موده صلت ودارت دوش طلعت ولبست بلوزه ورديه مع سروال جينز واسع ووشاح ابيض حرير بعدها فطرت
تالين ناضت حتى هيا مع محاولات انها تنوض محمد .
تالين: هيا محمد نوضض
محمد:همم
تالين: زوجي العزيز نوض هيا
محمد: زوجتي العزيزه خليني نرقد
تالين عيطت: انلاا هيااااااا
محمد نط مفجوع: تي باهي سمعتنا حتى امي من وراك
تالين: ادبب ، مكنت تنوض من البدايه لما نوضتك
محمد: ناض خش الحمام خذا شاور وطلع
تالين: هياا هذا كله حمام دفاته وخشت
محمد: باهي باه
طلع دبشه ولبس وهش دار فنجان قهوا وقعمز ع نقاله
طلعت تالين وهيا تنشف في شعرها بيمنشف صغير
مسكت المجفف وقعد تجفف شعرها
خش محمد الدار وعيونه ف نقال رفع عيونه لقا تالين لابسه ديشمبر الحمام مشا عندها وطفا المجفف
تالين: ههيهه كنك
محمد قرب منها واجد لعند ما لصقت ف الزيانه : هاتي
تالين: شن
محمد مسك المجفف من يدها وولعه وقعد يجفف ف شعرها وهوا مزال محاصرها
اما تالين كانت تأمل فيه
محمد: عارف روحي جميل غ
تالين: وااو اصل.. قطع عليها محمد لما باسها
محمد: اسكتي
تالين: اطلع خليني نلبس
محمد: تمام البسي نشوف موده ونطلعوا
تالين: اوك
طلع محمد وتالين لبست سروال قماش مريح للسفر مع هودي اسود ووشاح وكويش ابيض ودارت واقي شمس وقولس وبخت عطرها المفضل وطلعت لقت محمد وموده طالعين
موده: صبحخير
تالين: صباح النور
موده: هاكِ جبتللك معايا سندوتش
تالين: عارفه انا مفطرتش اصلا
موده: عارفتك بسلامتك بايره
تالين: عليش وانتي قاعده
محمد: هيا اركبي انتي وياها
ركبوا للسياره وطلعوا للمطار بعد وقت طوويل وصلوا
وتالين من اول ما طلعوا من الحوش وهيا راقده
محمد: تالين هيا نوضي وصلنا
تالين فتحت عيونها
محمد: هيا وصلنا
تالين نزلت من السياره ومسكت نقالها وقعدع تصور في ستريكات اما موده تمشي وتراجع في الاوراق ومحمد ماسك الشناطي
نختصر ...
بعد ما وصلوا تلاقوا مع حسام وتعرف علي محمد بعدها دارو الإجراءات وطلعوا للطيار بعد اربع ساعات وصلوا تركيت ونزلو من الطياره للفندق
تالين: تعباانه نبي نرقد
موده: اها حتى انا نعسانه
محمد: هيا هوا مفتاح الغرفه
تالين: نشوفك بعدين
خش كل منهم الغرفه امتاعه
تالين عزقت روحها علي : الللله السرير مريح
محمدعزق روحه جنبها : تالين
تالين: همم
محمد: شرايك بعدين نطلعوا نغيروا جوا
تالين: وليش لا
محمد:تمام توا ناخذوا نومه عميق
محمد تمدد كويس ع سرير وفتح يديه لتالين بمعنى تعالي
وتالين قعدت تحتت فيه
محمد: تعالي وانا ماد يديه ليك
تالين قدمت عند وحطت راسها غي حضنه وغمضت عيونها وبعدها كل واحد هش في نومه عميقه
.
.
.
.
.
موده ناضت من النوم ولبست وطلعت
نزلت للكافيه وطلب قهوه وقعظت تراجع في الملفات
حسام سحب كرسي قعمز قدامها وهيا حست عليه من بنه عطره الي سبقاته
حسام: مساء الخير
موده: اهلا
حسام: شجو المكان عجبك
موده: اها سمح
حسام : هذا نفسه المكان الي نبو نديروا فيه الحمله في صاله المناسبات عندهم
موده: اممم تمام توا نشوف الديزاينرز امتاع المكان عندهم
حسام: لالا درت كل حاجه
موده: به كويس
حسام: تطلعي نشوفو المكان هنا
موده: وليش لا
حسام : هيا معناته
طلعو هما الاتنين بره وقعدو يمشوا وكل مره واحد فيهم يفتح موضوع ويقعدة يهدرزوا لين محسوش للوقت وهما مع بعض
أنت تقرأ
Forced marriage زواج اجباري ♥️
Roman d'amourshahad_almoqsapi:🤍 هاااي هذي اول روايه ليا بقلم طبعا روايتي تحكي ع اتنين تجمعهم صدفه ف جامعه وتنتهي بزواجهم اجباري 🤍 اي وحده تقرا تدعمني بي فولو فوت وتعليق بليزز🥺🥺🤍
