مش عارفه روحت ازاى لان كل اللى كنت فاكراه المحادثة اللي كانت بيني وبين البروفيسور اللى اعطتني طاقة دفع كبيرة وملتني ثقه ف في نفسي وكلامه أكد لي انى كنت صح لما سبت البيت وبلدى وجيت هنا
مش قادرة ابطل احسس على الورقة اللي كتب فيها عنوان الايميل بتاعه ومرعوبة تضيع منى
مش مصدقة أنه ادهاني .. لكن ده معناه أنه عارف انى طالبة مجتهدة وشغوفة بالعلم وواثق فيا وانى مش هزعجه
وصلت القصر .. النهاردة أنا متأخرة عن انى اهتم بلوري .. واكيد نيكولا مش سعيد بأنه كل يوم يقوم بوظيفة استحمام لوري .
كنت طالعة السلم بتاع القصر بسرعه لحد ماخبطت بعنف فى حاجة أو بمعني اصح فى شخص
"ده وقت توصلي فيه البيت يا شئ ياصغير ؟"
دروجو .. كنت بين ايدين دروجو
من بين كل الإخوة بارثولي دروجو هو الوحيد اللي عنده حاسة السخرية ومش بيفوت أي مناسبة عشان يغيظني ويضايقني
ابتسم لى ابتسامة ساحرة عشان يضحك عليا وقال : أنا عارف انى ساحر وانك هتستسلمي لسحري بس ماتوقعتش يكون بالسرعة دى
كنت غافلة تماما عن محاولته اغوائي بسبب طريقته المتكررة
قولت : أنا شايفة انك نوعا ما ساذج بالنسبة لواحد المفروض أنه خالد
ضحك وشد أيده موالين وسطي وبعدين وقفنى كويس وسابني وهو بيقول : تحت مظهرك اللطيف المؤدب أنا عارف انك عايزة تعيشي حياة المخاطر .. كمثال : ذوقك فى التمشية الليلية بتاعتك
قلبى نط فى مكانه .. أنا افتكرت أنه مش هيجيب سيرة الموضوع ده فكرت اعمل ايه وقولت : الحقيقة انى كنت بحاول اهرب من هنا شوية .. عشان أتجنب انى اعيش معاك فى نفس المكان
ماظهرش عليه أنه اهتم بكلامى لكن ظهر عليه القلق
قررت العب معاه بكارت الإثارة فقولت : هو انا بيتهيألي ولا انت قلقان عليا ؟ انت مين وعملت ايه فى دروجو إللي مش بيهتم غير بنفسه
رد : مدهش يا شئ يا صغير انك عرفتي تحافظ على روح الدعابة عندك .. لكن ماكنتش هتفيدك فى حاجة لو قابلتى الشخص الخطأ فى الغابة ..
حسيت أن كلامه فى صدق لان الغابات دي فيها طاقات غريبة لكن قولت بهزار : قصدك شخص مخيف اكتر منك فى الغابات
عض على شفته كأنه ندم أنه اتكلم فقولت : انت قولت كتير أو ما قولتش يا دروجو .. لو سمحت قول اللى عندك فهمنى
ظهر عليه التفكير لكن قال : زى ماقلت لك .. انك تروحي الغابة فى وقت متأخر كده لوحدك مش فكرة كويسة أبدا
كمل : انت مقولتيش بردو ايه اللى وداكى الغابة فى اليوم ده
قولت ببساطة: كنت عايزة اشم هواء منعش وبعدين سمعت دوشة غريبة
قال بترقب : عاملة ازاى الدوشة دى
قولت : صوت عواء ذئب
واضح أن اجابتي معجبتهوش خالص وقال بغضب لكن بصوت مش عالي : المفروض لما تسمعي حاجة زى كده فى المنطقة الخاصة بينا تعرفينا الاول مش تروحى لوحدك
قولت باعتذار: اسفة بس ماكنتش اعرف ان ده مهم
سالني : ولما وصلتي البحيرة لقيتي ايه؟
قولت بهدوء وانا بصاله فى عينيه : شكرا على اهتمامك يا دروجو لكن ماكانش فيه اي وحوش ماتخافش
