التفت لنيكولا وابتسمت له رغم ضيقي من قلق الكل عليا فى البيت هنا .. قولت ببساطة : رايحة اقابل سارة فى نايت كلاب هنسهر شوية مع بعض
ابتسم وقال : اكيد حقك تخرجى و وقت الليل ملكك بس اتمنى تاخدي بالك من نفسك وتكوني حذرة لأن المدينة هنا مابتكونش امنه بليل وخصوصا فى العطلات
هزيت راسي وافتكرت خوف دروجو عليا والكلام اللى قاله .. حسييت أن وش نيكولا اتغير وأنه تتضايق من حاجة لكن قال بابتسامة: لو اى حاجة ضايقتك ياريت تتصلي بيا
هزيت راسي وانا بقول : ماتقلفش يا نيكولا أنا هكون فى وسط المدينة وسارة معايا
خرجت وانا كلي حماس لليلة اللى هسهرها برا
__________________________________
قابلت سارة فى وسط المدينة قريب من النافورة
اول مشافتني قالت بانبهار : ايه ده كله ... ماكنتش اعرف انك بالجمال ده .. سيكسي مووت
ابتسمت وقولت لها : وانت كمان حلوة اوى
خدتنى من ايدي وروحنا ناحية البار
لكن قبل ما ندخل سمعت صوت بكرهه ورايا : أنا شايفة انك لازقة فى ساره بردو
التفت ليها وانا هيغمى عليا .. سامانثا هنا .. كمان
كان لوان معاها ونظراته كانت هتاكلنى ولمحت حركة لسانه و حركة تفاحة آدم وهو بيبص للفستان وبيبص لوشي
قولت بضيق : هو انتى بتراقبينا ولا ايه؟
قالت بخبث : الغريب انك قررت تخرجى من الشخصية الانطوائية والمنغلقة بتاعتك .. بتاعة المدرسين
سارة بغضب : واضح انك شاربة كتير المرة دى يا سامنثا
ردت سامانثا بخبث وهى بتحط أيدها على بؤها: اووه .. صاحبتك ماقلتلكيش .. اووه عسيب عليكي يا كيارا
كملت قبل ما حد يتكلم : ازاى ماقالتلكيش على اجتماعاتها السرية مع بروفيسور جونز فى مكتبه
حسيت بالغضب لكن بصيت لجزمتى وانا مش عارفة اقول ايه لسارة
كملت سامانثا بصوت زي الفحيح : فى ناس شافوكى وانت خارجة من مكتبه
قولت لها بابتسامة : شكرا ليكي على اهتمامك بحياتي بس انا مش زيكوا ومش بنط لاستنتاجات شخصية تخص حياة غيري
عيني جت على لوان فزعقت سامنثا : ماتبصيش على صاحبي ياخطافة الرجالة
ابتسمت واصحابها جم ياخدوها
اتحركت أنا وسارة ودخلنا البار لكن سارة كان باين عليها الضيق ومهما قولت من كلام بس بعيد عن الموضوع كان باين عليها الزعل
كنت بحاول افتح معاها مواضيع لكنها كانت بترد بإيجاز
بعد شوية سألتني: ليه ماقولتليش عن اجتماعهم مع بروفيسور جونز؟
حاولت الاقي حاجة اقولها لكنها قالت : ماتتعبيش نفسك وتدورى على حاجة تقوليها لانك مش بتعرفي تكدبى .. ماحدش فينا بيعرف يكذب على التاني يا كيارا
فضلت بصالي فقولت : أنا اسفة جدا يا سارة أنا ماكنتش عايزة أكذب عليكي .. أنا بس ماكنتش عارفة اقول ولا لا ..انا فعلا رحت مكتبه امبارح .. بس خوفت اقول لأن زى ماشوفتي ممكن تنتشر اشاعات عن الموضوع ده
