سِحّرُ ألْدُجًىْ

ألقَصّرُ ألأوَلْ

.تفاعلوا وعلقوا بين الفقرات لطفا🌸
.
.
.
.
.

._____________________________________
.
.
.
.

علي.....امير يمعود اصحه شبيك

امير.... دتشوفه علي شوف شلون كبران حبيبي
واكف زيودي واكف على رجليه وديتمشه
يعني طاب حبيب ابو مو مشلول

فرقان..... أمير عفيه لتخوفنه هيج ماكو احد هاك شوف ماكو
.... وكفت كدامه واني احرك ايدي بالفراغ عسا ولعل يصدك ماكو شي
بس صار العكس.... رفع عينه اليه خازرني وهجم عليه بهمجيه

أمير..... وخرررررري ايددددج عنه لا اكسرهه
لتمدين ايدج على ابني

بسرعه سحبني علي ورا وعاط بي
جمدت بمكاني اشوفه يريد يهجم عليه بأي فرصه تسمحله

مثل اللي تخبل وفقد عن الواقع جان كل همه شلون يوصل لابنه اللي حسب كلامه وحركاته جان ديمشي بأتجاه باب القصر

لحد ما وصل للباب الرئيسيه مالته انفتحت وبين من بدايته تلث درجات تؤدي لباحه القصر

رادوا الولد يمنعو خاف اكو شي موجود داخل القصر
حيوان أو شي معين
توقعت حتى جن أو شبح جوه موجود
بس محد كدر يوكف بوجهه جان يتهجم على الكل وكل باله ويا ابنه اللي بس هوه يشوفه

عيونه انكلبت وصارت حادات وسواد محيط بيهن
سواد كأنما ما نايم صارله ايام وتعبان
وكلسا السواد يختفي بيهن

فاضل.... اميييرررر ولك اميير اوكف لتدخل وحدك اصبر

اراس..... أمير اصبرلنه عل الاقل خلي ندخل وياك لتروح وحدك

جان كل ما واحد منهم يحجي يندار يباوع عليه ويرجع يستمر بالمشي للقصر

فاضل جان متخبل رسمي عليه
حسب ما عرفت فاضل وامير كلش مقربين من بعض بحيث صايرين الروح وحده

ضل فاضل يصيح عليه وذاك يريد يهجم فاقد وكلسا يدفعون بي مالك وعلي بس مو حيل خايفين عليه وبنفس الوقت خايفين منه
خاصتا جان كل شخص بيهم متسلح بنوع من الاسلحه مثل السجاجين الصغيره والمسدسات

بحركة سريعه قبل ليصير هذا كله كدر علي يسحب السلاح من خصر أمير

وبقه عنده فقط السجينه وشفره صغيره مدسوسه بطرف الحذاء مثل علي

نزلت عيني بسرعه للكتاب وشفت اول شي قابلني اسم القصر بخط اسود وثخين نوعا ما وواضح جدا

قصر الزهور!

وصوره اجنحه سوده جوا

اراس ومرتضى وفاضل راحو ورا أمير ودخلو لداخل القصر

اما علي ومالك وروزانا بقو ويايه
احنه فقط الموجودين هنا

تقربت روزانا تباوع ويانه بالورقه
ابتعد مالك يسويلهه مجال