سِحّرُ ألْدُجًىْ

طَرِيقُ ألمَوت

.
ملاحظة: كل اللي ديصير هوه بعد خروج داعش من المناطق المذكروه
.
.
.
.
.
.
.
.

صوتوا وعلقوا بين الفقرات لطفا مو فقط مشاهدات للقصه اكو تره النجمه متسوي تس تس لتخافون🌚
.
.
.
.
.
.
.
.

_______________________________________

.
.
.
.
تعودت على حياة الرفاهيه والعز والدلال متنقله بين ابواب بيوت والدي العزيز...

مره ابيته اللي بسليمانيه مره ابيته اللي بالموصل
مره انتقل مثل الاميره برا لدهوك مره ارجع لغير محافظه رغم احنه عرب تماما مو كرد ولا تركمان

مرات اكون بمكان اول مره اكتشفه ومرات اكون بمكان زايرته اكثر من مره

بأفرشه ناعمه بنعومه الحرير ذات بياض ناصع مثل حبات اللؤلؤ جنت اتوسد
صحيح جنت افتقد للارتباط الاسري والحياة العائليه بس جنت اتغلف بأرقى الملابس والماركات

اي شي يعجبني اوصي عليه بس يا ترى هل هاي الاموال جانت حلال تغلفني وتدخل لاحشائي

هل ابويه جان ينطيني ذيج الكميه من الاموال كل مساء جمعه المبالغ بيهه لبنيه ستوهه عبرت 18 سنه حلال وعن طيب خاطر محصلهه لو لا

ما جنت افكر بهيج امور واني اشوف الدلال محاوطني من كل الجهات

دلال مادي فقط... اما دلال العائله فلا ما ذقته بفد يوم بين ابويه وامي

فأبويه جان حاير شلون يحصل اعلى كميه من الاموال ويجيبهن لنسوانه وامي جانت كل همهه شلون تتباهه بينه وبلبسنه كدام صديقاتهه محاوله تغطي خيباتهه اللي استولت عليهه بأفعال والدي بآمواله اما كأمور تربيه فأمي ما جان الهه علاقه بهيج شي ابد اصلا مادري شلون تربينه وكبرنه وحدنه... اساسا السر اللي اكتشفته عنهه حيرني وكرهني بيها كأم

.
.
.
.
.
.
.

...... رجعت من صفنتي واني احس حلكي متجرح من العطش بصفي درازن بطاله مال ماي بس اخاف اكوم وافتح اي واحد وخصوصا هسه واني اسمع صوت اطلاق النار صار بفلسين فوك السقيفه مال المخزن

انتفضت حايره والرجيف لزم عضامي ما اعرف وين اروح وشلون واني اسمع اصواتهم بره بدت تعله لدرجه احس فقط الحايط يفصل بيني وبينهم

رجليه احسهه خيوط وبطني توجعني من الجوع والخوف عل لحم بطني صارلي اكثر من يومين تقريبا

الرؤيه بعيني دتغوش بس ابد مو وقتهه هسه

سمعت واحد منهم يكله للثاني راح يوصلون لهنا وما بقت عدنه اسلحه القائد لحد الان ما بين ولا دزلنه خبر

ضليت لابده بمكاني واني ادعي ربي ميدخلون المخزن هذا لان اذا دخلوا معناهه اروح بالرجلين