سِحّرُ ألْدُجًىْ

مَنْ هُمْ

فتحت عيوني على صوت بنيه تصرخ وريحه بارود وسماعه تهتف بسعر محدد اليه ومعروض كدام كومه عالم
انداريت لليمين جانت اكو بنيه واكعه بالكاع وجسمهه يختض من البجي والتواسيل
وشخص واكف فوك راسهه
ويتخير هوه وصاحبه يودوهه للملهى لو يبيعون اعضائهه

وعلى اليسار مجموعه من النادلين اللي واكفين كأنما بآستعراض يشبه الاستعراض العسكري لا صوت لا نفس لا حركه
فقط لابسين زي موحد وشايلين صواني بيهه كاسات ومشروب

اما بمسافه اقل منهم جان واكف شخص لابس بدله رسميه
وكدامه سماعه على ميز يوصل لصدره وهوه يفصح عن السعر اللي محددي اليه

درت وجهي ليكدام واني اشوف كومه عالم كاعده كبالي
وكلهم مبينين اجانب من كميه الوشوم اللي على وجوهم واجسامهم

يبده المزاد ب15 الف دولار منو يتفضل يزيد

_18 الف

_السيد هنا دفع 18 الف منو يزيد

_20 الف

_سيد كمال عشرين الف دولار منو يزيد

بروح خاويه اسمعهم يزيدون سعري
وبنفس الوقت اكو ثنين واكفين وموجهين اسلحتهم اليه

انداريت على اللي واكف على المنصه واني احجي بيأس عسى ولعل يتأثر
ومن كل عقلي وضني توسلت بي يعفيني

.... عمو الله يخليك لا لتسوون بيه هيج ماريد انباع الهم عمو

شال نضره ونقله عليه وعل وجهه شبح ابتسامه ومستمر يتداول وياهم بالسعر

.... صرخت بقهر يممممممه وينج الله يخليج يووووووووم

ما حسيت اله طلقه انثارت يم رجليه

رجعت عطت مره لخ واني الزم راسي والم رجليه لصدري
بس انتبهت هل المره شلون كلهم وكفوا تماما وصوت نفس واحد بعد ماكو بالقاعه
حته البنات اللي باليمنه وجانن يبجن هم سكتن فجأة وياهم
.
.
.
دخل شخص أو بالاحرى مجموعه أشخاص لابسين بدلات رسميه كلهه اسود بأسود وبأيدهم اسلحه وبنصهم يمشي شخص ما مبين منه شي من الحيطان التمشي كباله

فجأة بأشاره وحده انقسموا نصين بأنتظام ووكفو بأسطر منظمه وبين الشخص الواكف بنصهم

تحس نفسك بآستعراض عسكري من كد ما منظمين... أما الشخص اللي بين بيناتهم فأحسه عنده علاقه بالشياطين هلكد ما شكله يخوف