ببقى على عهدي لو فرقتنا السنين

البارت الخامس

{الساعه ١١:٠٠مساءً} ~ {بيت ال سلطان}
في الحوش حول شبت النار حصه،لين،نيار،رائد،سهم
حصه وعيالها الثلاث سوالف وضحك
سهم منعزل عنهم في اخر الجلسة يتأمل السماء
المليئة بنجوم اللتي حولها السحب البيضاء
ناظر رائد لسهم الي في عالم ثاني
نهض وجلس قربه نزل سهم سده لجيبه مالقى بكت الدخان
رفع راسه وضل يتأمل نطق وهو مشغول الفكر وعيناه لا
تفارك السماء : غيم بالله جيب لي بكت الدخان في صالة
ناظرت لين وراها ارجعت نظرها لهم اشرت على نفسها بستغراب : انا ؟
نيار بشبه ابتسامة بصوت منخفض : غيم اجل ها
اقترب رائد من سهم وهمس بجانب اذنه : لين ياسهم لين
صحى من سرحانه ناظر لرائد من ثم للي قدامه
الام حصه بحزن على حال ولدها : ذابحك الهوى شف كيف نحفت وكيفها وجهك شاحب مرضت اربع مرات بسبب سوء
التغذيه طول وقتك سرحان شوف الهالات السوداء اللي تحت
عيونك ليه تسوي بروحك كذا
انزل نظره للارض وتنهد : مب كيفي يمه
ربت على كتف سهم رائد بتفاؤل وببسامه : بتعدي ياضلع بتعدي

{صباح اليوم الثاني} ~ {الساعه ٥:١٤ص} ~ {ال سلطان}
دق سلطان الباب يصحي عياله فتح عيناه سهم من اول دقه
نهض من فراشه تشوشة عليه ‏الرؤية كاد ان يسقط تشبث
بـ لباب في في آخر لحظة سند نفس على الباب حتى
يلتقط انفاسه الشبه المعدومه أنتظم انفاسه ثم فتح
الباب رفع نظره سلطان للذي فتح الباب ركز على
عينا سهم باهتت اللون وعرق عيناه البارزه
المحمره و وجهه المصفر
سلطان بقلق على ابنه : انت كم لك مانمت
سهم : توي قايم
سلطان : شايفني بز عندك لا انت الظاهر تبيني انومك عندي
ضحك سهم بتسليك وتوجه للحمام
صحى سلطان الباقين لصلاه قام صلو جماعه وخلصو ورجعو
لغرفهم
استلقى سهم وضل يطالع السقف التفت رائد لسهم رائد
بهمس : ولد علامك مانمت
التفت سهم لرائد وابتسم ابتسامة باهته : والله ياخوك ماجاني
نوم
نهض رائد واشر لسهم يلحقه طلع برا وراح لورا البيت
لحقه سهم وجلس بجنبه رائد : كم لك مانمت
سهم بإحباط من حالته : من يوم ما انفقدت غيم
مسك رائد يد سهم رائد : وش بعد
سهم : احس نص مني نايم ونص مني صاحي التفت سهم وحضن رائد نطق بصوت متعب : انا تعبت يارائد احس راسي بينفجر من التفكير
شد رائد على اخوه وطبطب عليه تكلم رائد بعد ثواني : تثق فيني ياسهم
سهم وهو لازال في حُضن : اذا ماوثقت فيك اثق بمن
رائد : بنروح اليوم لدكتور نفسي يشـ
ابتعد سهم من حُضن رائد واشر على نفسه نطق ببتسامه ساخرة : تشوفني مريض
رائد بتبرير : لا وربي العباد اني ما اشوفك مريض بس ابي اطمن عليك لا تردني تكفى ياسهم
مايحب يرد طلب لاخوه دامه يقدر عليه وافق رغم رفض الذهاب للعيادة : متى بنروح
ابتسم رائد ثم نهض مد يده له : بشوف لنا موعد اليوم هيا ترقد لين الساعه ٨:٣٠ واشوف لنا موعد
مسك يد رائد وتوجهو للغرفه
عدل المنبه ونام صحى على صوت المنبه نهض وتوجه للحمام
(اكرمكم الله) غسل وجهه بماء بارد وفرش اسنانه وطلع
التقط الهاتف وطلع من الغرفه
اتصل على رقم المستشفى
اجابت موظفة الاستقبال : تفضل
رائد : السلام عليكم
الموظفه : وعليكم السلام
رائد : الدكتور النفسي سعيد ********* موجود ؟
الموظفه : اييه موجود طال عمرك
رائد بفرح : بالله شوفي لي اقرب موعد معه
الموظفه : خلك معي لحظات . . . . . اقرب موعد اليوم الساعه ٩:١٤
رائد : احجز لي
الموظفه : ابشر بيكون بنتظركم على الموعد
رائد : يعطيك العافية
اقفل الخط وتوجه للغرفه راح لفراش سهم : سهم يا سهومي يلا قوم
ازاح معصمه عن عينيه سهم ببتسامه : سهومي في عينك ياورع
مد رائد يده لسهم ساعده على الوقوف ومن ثم توجه للحمام
(اكرمكم الله) اغتسل بماء بارد وفرش اسنانه وطلع
رائد وهُوا يرتدي قميصه : هيا بسرعه قبل يفوتنا الموعد
خلع سهم لبسه العلوي والتقط الفنينه وارتداها
ومن بعدها القميص الابيض طلع رائد
وبعد دقائق لحق به سهم وركب السياره
سهم لرائد : مر ستاربكس ابغى قهوه
رائد : وانت ما اكلت شي لا الف لا
سهم : بزر من بزارينك انا علشان تمنعني اقول مر على ستاربكس لا ترفع ضغطي
رائد : طيب طيب
وقف قدام سوبر ماركت
ناظر سهم سوبر ماركت وارجع نظره لرائد نطق بستغراب
: وش تبي من سوبر ماركت
نزل رائد من السياره اشر له من برا انه مابيطول
دخل اخذ كيس راح اخذ حبتين حليب سعودي
وتمر ابو ريالين ونص الصغير وسكين وصحون بالستيك نزلهم على جنبه واخذ
كيس توجه لقسم الفواكه والخضروات اخذ تفاح
وعنب طلع وراح يحاسب خلص وطلع لسياره
وركب
سهم بستغراب : لمن ذا كله
طلع رائد من الكيس التمر وفكه وطلع الحليب
طلع حبة تمر ومد يده لفم سهم : لك يلا قول اااااااااا
دف سهم يده بنرفزه : خير شايفني بزر
ضحك رائد : لا بس هاك كل تمر وحليب يلا علشان نلحق على الموعد
سهم : اكره التمر واكره الحليب مالي مشتهيه بعدين قايل لك ابي قهوه
نزل رائد الحليب : قهوه ونت ما اكلت شي لا معى نفسك ماني متحرك من هنا لييين تشرب ذا الحليب 
اخذ الحليب وناوله طلع صحن وسكين وقطع التفاح
خلص الحليب وحطه في كيس وقفل عليه علشان بعدين
يرميه قرب له صحن التفاح ناظر في صحن التفاح وارجع نظره لرائد سهم : لا انا عطيتك وجهه بزيادة
قبل رائد انفه : خلاص ذي اخر مره وربي
اخذ الصحن منه رمق لرائد بنظرات حاده
حرك للمستشفى رائد بضحك : وش ذي النظرات اعوذ بالله والله ما ابي الا مصلحتك
قضم من التفاح سهم : يمين بالله ان ماسكت اني واتوطى في بطنك
كبت رائد ضحكته : ابشر
وصل بعد مده زمنيه ركن سيارته ونزل دخل المستشفى
جلسو في قاعة الانتظار
دخلت الممرضة : سهم بن سلطان بن عبدالله
مسك رائد معصم سهم وطلعو ورا الممرضه
دقة الممرضة الباب وجاه صوت يسمح لهم بدخول
دخلو القى رائد
الدكتور ببتسامه : وعليكم السلام تفضلو
جلسو قبال بعض
الدكتور : مين فيكم المريض
سهم بصوت خافت : انا
الدكتور : طيب ياسهم انا بسألك ونت جواب بـ اي او لا
الدكتور : هل فكرت مرا في الانتحار
اغمض سهم عينيه وهز راسه بالإيجاب
فتح رائد عينيه على الاخر من اللذي سمعه هز راسه بنفي انه مستحيل سهم يفكر يقتل نفسه علشان وحده
اكمل الدكتور : طيب قلي وش اللي تحس فيه
سكت لثواني ثم نطق : احس اني ما اقدر انام يعني نص مني صاحي ونص نايم وافكر كثير واحس بخمول ماودي اسوي شي
الدكتور : يعطيك العافية طيب يارائد في شي ماقاله او انك لحضت شي ماقاله
رائد بتفكير : اااا ايه ماعاده مثل اول يطلع ويسولف اكثر وقته منعزل عنا ولا يطلع المناسبات واتفه شي ينرفزه

هز راسه الدكتور التقط قلم حبر وكتب على ورقه بعد ثواني من كاتبته رفع راسه ونطق : مصاب بمرض الاكتئاب الحاد
الاكتئاب ثلاث مراحل الاكتئاب البسيطة والاكتئاب المتوسط
والاكتئاب الحاد الحاد اسوء مرحله وفي ناس كثيراً انتحرو
بسبب الاكتئاب والاكتئاب ينتج عن الظروف او انه وراثه
ناوله الورقه وهاذي الوصفه اخذ الورقه ونهض
رائد ببتسامه : شكراً يعطيك العافية يادكتور
الدكتور بذات الابتسامة : واجبي
راح سهم لسياره وتوجه رائد لصيدلية المستشفى صرفو له
العلاج وطلع لسياره ركب وتناول حبة مويه وفتحها
فتح علبة العلاج وطلع له حبه
رائد بحنيه : هاك ياخوك
سهم بإحباط : طلعت مريض نفسي
نزل علبة الماء والحبه وحضن اخوه  : بتعدي ياضلع مسألت وقت وتعدي طبطب على ظهره حطمت قلبه كلمت سهم
"طلعت مريض نفسي" ضاق صدره على ضلعه دمعته
بين اهداب عينه مايبي يضعف هو الان مصدر قوة
سهم وقت ضعفه ابتعد عن حضن اخوه ابتسم سهم بذبول
ابستم رائد لابتسامته : ابتسم انت وتضحك لي الدنيا ضحكتك تنسيني ضيقة صدري
اخذ الحبه والماء اخذ سهم الحبه وشرب عليه ماء
حرك رائد وظلو يفرفرو بسياره مرا يسمعون مفضلينهم مرا يرقصون مرا يسولفون غير مود سهم طلعه من اكتئابه
رجعو البيت ١١:١٩
الكل متواجد في الصاله دخلو التقاهم نيار : وين كنتم
رائد بضحك : وش حارق رزك انت
سلطان : من صباح الله خير وين كنتم
رائد : رحنا فطرنا وفرفرنا شوي
تكتف نيار : ليكون انا ولد البطه السودا ونا مادري
شهق لين وحصه ودالين
دالين : ايا قليل الحياء
نزل سلطان العقال من على راسه نهض
وتقدم بخطوات ثابتة : تعال انا وريك انت ابن البطه السودا ولا البيضاء
ناظر نيار بالعقال اللي فيده سلطان نطق وهو يرجع ورا : يبه امزح
هرول له سلطان : حتى انا ابغى امزح معك
هرب نيار وطلع من الصاله لحقه سلطان
حصه : ايييه أدبه
لين و رائد و دالين بصوت واحد : كفوووو
نهض سهم وتوجه للغرفه
رائد : على وين
فتح الباب ودخل الغرفه تكلم بصوت عالي : برقد لي شوي
عرف مفعول الحبه مشى رائد بـ ارتياح : نوم العوافي

انتهى البارت اتمنى تدعموني بنجمه و كومنت علشان اتحفز واكمل لكم 🌟