ببقى على عهدي لو فرقتنا السنين

البارت الثامن

مر اسبوع نفس الروتين المعتاد
في الحوش الامامي الكل متواجد ، كل جمعة يجمعون في مجلس الديره ، شياب الديره وعيالهم ، راح الجد وهو وعياله و كل احفاده ، القاء عبدالرحمن السلام بصوت الرخيم
: السلام عليكم
التفتو لمصدر الصوت و ردو السلام ، استقبلهم حمد ورحب فيهم بحراره ، جلس الجد معى الشيبان ، ابو عبدالمحسن
ابو عمر ، ابو سهام ، ابو يوسف ،بعد السؤال عن الحال خذتهم السوالف ،
ابو عبدالمحسن : قلي ياسلطان كيف المدينه وكيف اطباعهم
سلطان : فنانه والله بس مافي مثل الديره ولا توصل لديره اطباعهم شوي مرفهين عيالهم كل شي يجي لحدهم ماقول كلهم بس الاكثرية
فصل الجد وقال : الا قول كلهم لا تقول الاكثرية
متعب بضحك : لايبه مب كلهم
ابو يوسف : شكل عبدالله كارهم
ابو عمر بضحك : شكله شكله
قامو عبدالرحمن وسهم يجددون لهم فناجين القهوه ،
ماسك سهم الدله بيده اليمنى والفنجان بيده اليسرى ، صّب لانصف الفنجان و مده له : سّم
اخذ منه ، وكمل سهم يصبب ، رائد بهمس لسعود : سعود تشوف نظرات ابو سهام
التفت وناظر بـ اهتمام و تدقيق : ايييه
رائد : تشوفه وشلون يناظر في سهم والله احسه ماهو بناوي على خير
وهو ملاحظ نظراته من اول مادخلو طرد كل الافكار السلبية اللي جته وقال بتخفيف لتوترهم : لا يارجال تعوذ من ابليس واضح انه مسرح
رائد بعدم ارتياح : ان شاء الله
جلسو عبدالرحمن وسهم ، عبدالرحمن ليوسف : ايوا يايوسف قلي كيف الحياه الزوجية معك ؟
عبد المحسن من اخر الجلسة قال : قصدك الحياه النكدية
اُسيد بضحك : شكل المدام غاسله شراعه
حمد : والله شكلها
تربع يوسف وقال : والله شف ليتني ماتزوجت
تركي : عطاك من الاخر
نيار : صريح الاخ
عبدالرحمن بندماج قال : بس اسكت انت وياه ايوا ليه ليتك ماتزوجت ؟
يوسف : في نواحي اجابية من ضمنها انك تروح على الاكل جاهز وتلقى الاهتمام و التقدير و الاحترام والاستقرار اما السلبيات تتحمل مزاجها المتقلب وعصبيتها وحساسيتها منك
وزعلها عليك اعطيك مثال انت وعدتها تجي على ثمانيه وجيت تسعه تلاقيها نايمه او تجلس ايام ماترد عليك هم كذا حساسات تشوف عليك لانها تحبك
اُسيد: ابوك يالبلشه صدق
تكى يوسف وقال : هم كذا حساسات حاول انك ماتزعلها
رائد : ونا على بالي الزواج حياة ورديه
ضحك حمد بسخرية وقال : قال حياة ورديه هههههههه
عبدالمحسن : اما طلعت تعاني نفس معناتي
عبدالرحمن : اجتمعو المتزوجين يلا انت وياه قومو وأجلس هناك حنا العزابين مانصلح نجلس سوا
تنحنح ابو سهام وقال : يبو سهم
التفت سلطان وقال : سّم
التفتو كل المتواجدين على صوت ابو سهام وهو يقول
نطق بصوت جهّوري : انت خابر ولدك ماعاده بزر صاير كبير و عمره قرب يصك الثلاثين ولابد له من بنت الحلال وماشاءالله
سهم رجال كريم خلوق وعاقل وبن ناس ونا والله ودي بلـ قرب منكم ونا وماني جالس لها طول عمري ابغى لها رجال كفو
يصونها ويحافظ عليها ونا واثق بسهم انه بيصون بنتي ويكون لها الزوج والسند والظهر لجور الايام
اعتلت وجوه الحاضرين الصدمه
سهم كأن سكب عليه ماء بارد شلت به اطرافه وانعقد بها لسانه التفت رائد لابوه و بنظرات راجيه الرفض
صعب على سلطان رفض طلب رفيق دربه وهو خابر قلب ولده انه متعلق بإنسانه ، داس على قلبه ثم تنحنح سلطان ونطق بثقه : لي الشرف ان ولدي سهم ياخذ سهام ونا خابر طبوعك وهي بنتك ابد اعتبرنا موافقين ننتظر موافقة البنت
ابو سهام بفرح بحصوله على موافقتهم قال : لنا الشرف بشوف رد البنت ها ياسهم انت موافـ قاطعه سلطان بقوله : لا تخاف موافق شوره من شوري
رائد بـ استياء من فعل ابوه قال بـ عتراض : بس يبـ
قاطعه وقوف سلطان وقال : يلا حنا نستأذنكم معنى اشغال رائد سهم نيار يلا هيا
طلع سلطان ، قام عبدالرحمن مُسرع ورا سلطان ،
ولحقه نيار و اُسيد ، قام رائد وسحب سهم من معصمه ،
وطلعو وراهم ، وصلو بعد مده زمنيه ، الكل متواجد في الحوش ، صاح عبدالرحمن بقهر من قراره الخاطى : وشلون توافق ونت داري ان ولدك قلبه متعلق بوحده و بعد من دون ما تاخذ رايه ؟
سلطان بحده : لا تدخل سهم ولدي واعرف مصلحته
زفر نيار بغضب ونطق : يبه لا تضحي بسعادة ولدك علشان خويك
دخل رائد وسهم جلس رائد الا سهم وقف قدام ابوه
عاقد الحاجبين وبنبرة صوت حاده قال : منهو اللي عطاك الأذن انك تقرر عني
سلطان بحده : صوتك لا يطلع انا ادرا بـ مصلحتك
تكلم بوجه جامد وبنبره متوسطه :  انا مابي اتزوج
فقد اعصابه سلطان ونطق بصوت عالي : بتجلس تنتظر غيم غيم ماتت غيم بح حتى لو هي حيه بيمسكونها و يعدمونها
حبها خلاك مريض اربع وعشرين ساعه فـ لبيت ماعاد تطلع
ومنعزل عنى كأنك مب فرد من العايله صاير مريض بسبب
ذي اللي ماتتسمى
تكلم بصوت هز اركان البيت وبوجه اكتساه الحمار : ايييه حبها امرضني صاير أكل في ذا الحبوب ليل الله ونهار حبوب الاكتئاب ماغير افكر فيها ليين يغلبني نوم واصحى وهي اول من يجي فبالي انا من بعدها جسد بلا روح
سكت لثواني ثم نطق بصوت هامس وعينان لامعه اثر الدموع : انا راضي دام مرضي بسبب حبها لو قتلني حبها انا راضي
وبنت يحيى سهام ماني متزوجها
دخل الجد ومتعب اقبل عليهم الجد ونطق بغضب : اصواتكم واصله لاخر الشارع
نهض سلطان ونطق بكل برود دم : حط فبالك لا انت ولدي ولا انا ابوك ليوم الدين يا اما تتزوجها او لا ونت عاد بكيفك القرار راجع لك
نطق نيار و رائد ولين بصدمه وبصوت واحد : يبه
فتح متعب عيونه على الاخر وقال : سلطان الامور ماتنحل كذا
رفع يده بعلامته انتهى النقاش نهض وقال : بس انتهى النقاش و القرار راجع لك ياسهم
قبل ماتخطي رجله عتبة الباب , نطق سهم بصوت مهزوز : تكفى يبه لاتكسر ظهري
اوجعه قلب من سمع نبرة صوته , داس على قلبه ومشى ,
يبغاه ينسى منها , وانه لو تزوج بينساها , وبينشغل بـ سهام , في نظره انها دمرت ولده , وهي سبب مرضه ،
الجده بحسره : حسبي الله ونعم الوكيل على يحيى يبي يفرق بين أب وأبنه
هيله بتخفيف لتوترهم : لا ان شاء الله كل شي بينحل بأذن الله
باغتت سهم دمعه اللتي نزلت كل جمرة على خده الايمن , بدأت كلتا عيناه بذرف الدموع , استشعر حرارة دموعه رفع يده لوجه ومسح وجهه بعُنف , حصه تبكي بحرقه على حال ولدها
قامت لين لامها وضمتها لصدرها وجلست تُتمتم بِبعض الكلمات كي تهديها , طلع سهم و توجه لاسطبل الخيل
زفر عبدالرحمن بغضب على حال سهم وقال : سلطان ماله حق يجبره على شي مايبيه ذي حياة سهم ماله فيها دخل تكلم يبه قل لولدك شف له حل
هز راسه بأسى وقال : ماقدر اقول له شي هو حر في ولده ونت تعرف سلطان اخوك لاقد حط شي براسه يسويه مافي شي يقدر يمنعه الا الموت
ضرب فخذ بقهر بكلتا يديه

انتهى البارت اتمنى تدعموني بنجمه و كومنت علشان اتحفز واكمل لكم 🌟