ببقى على عهدي لو فرقتنا السنين

البارت السابع

{صباح اليوم الثاني} ~ {في الديره} ~ {الساعه ٥:١١ص}
يدق سلطان باب غرفة العيال : ياولد قم انت وياه صلاه
صحى عبدالرحمن على دق الباب قام وفك الباب تكلم بصوت ثقيل اثر النوم : ها
سلطان ببتسامه : صح نوووم يلا قومو صلاه
فرك عيونه وقال : الساعه كم
سلطان ببتسامه خبيثه : خمسه و لا اوصيك على اللي عندك
هز راسه بالايجاب ابتسم بخفه وراح لزوايه والتقط مخده
فز نيار برعب وأنفاسه متسارعه من الكابوس اللي شافه فـ منامه عبدالرحمن بفزع : بسم الله اللهم سكنهم مساكنهم
عقد حاجبيه اقترب من نيار وقال : ايش فيك لونك مخطوف
مسح وجهه بكفه من العرق نيار : حلم بس
ربت على كتفه وقال : طيب معليه تعوذ من ابليس اسمع انا الحين بـ اكتم رائد بذي المخده ونت اصرخ اقوى ماعندك تمام ؟
هز راسه بالايجاب ، مشى على اطراف اصابع رجله ، بحركه سريعه اعتلى رائد وكتمه ، حس رائد بالاختناق ، رفع رجوله وينزلها بقوه ، يضرب عشوائي بيديه ، صرخ نيار بصوت هز اركان الغرفه ، فزو برعب من صوت نيار ، قام عبدالرحمن من فوق رائد ، احمر وجهه وبزرت عروق عُنقه يلقط انفاسه بصعوبه ، التفت سهم لرائد شاف شكله فز له بخوف وقال : انت بخير ؟ فيك شي ؟ صدرك يعورك ؟
مسك رائد يد سهم  وضغط عليها وهز راسه يطمنه انه بخير
رفع سهم نظر للباب ونطق بكل حدة : وش حركات المبزره ذي
طل براسه من عند الباب عبدالرحمن بـ ضحك : والله ان نيتي طيبه علشان الصلاه يلا بسرعه تحركو
نيار في اخر الزوايه دخل بحاله هستريه من الضحك
تربع سعود وتمغط بكسل قال بـ فهاوه : خير اش صاير
اُسيد بنرفزه من حركة عبدالرحمن ونيار : اعوذ برب الفلق منكم الواحد ماينام زي الناس في ذا البيت
عبدالرحمن بصوت عالي : يلا بسرعه قبل يجي ابوي ويسطرنا
قامو واحد ورا الثاني للحمام خلصو وتوجهو للمسجد

{غرفة البنات}
دخلت لين وبيدها جركل ماء ،  بارد قربت منهم وبحركه سريع كبته عليهم كلهم الثلاث ، فزت نهار من الشي البارد اللي انكب نصه على جسمها ، اقشعر جسمها من برودت الماء
رفعت نظره ونطقت بغضب : الله يلعنش بكل كتاب
لين بـ ضحك مستفزه : ههههه يلا صلاااه قوم يا بنوتات
قامت سراب على اصواته المرتفعه ببرده لمست فخذه المبلل قالت بـ فهاوه : اش ذا الماء ليكون شخيت ونا نايمه
دالين بنرفزه : ماتبطلين حركاتك البايخه
قامت نهار وقالت : تعالي ياحيوانه
طلعت ركض لين : ههههههه مافي طريقه ثاني الا كذا علشان تصحون
احتمت ورا ظهر هيله : عميمه انا في وجهش من بنتش
من الصاله الجده بصوت عالي : اصص اصواتكم واصله لاخر الشارع
هيله بقلة صبر : خلاص يا بنتي نهار علشان خليها ذي المره يلا الحين صلو وعلى المطبخ
نهار بتوعد قالت : حسابش بعدين
طلعت لين لسانه وقالت بصوت منخفض : تخصين وتعقبين
مشت نهار للغرفه وقالت بتوعد : طيب يصير خير
شغلت لمبات الغرفه : يلا صلاه يبنات
قامت سراب وهي ماسكه لبسها من تحت نهار وهي تشيل الفرش وتحطه فـ دولاب قالت لسراب : اللي فملابش مويه
سراب بفرح : احلفي
نهار : من غير ما احلف يلا دالين وسمر قومو
قامت دالين وتوجهت للحمام (اكرمكم الله) صحت سمر جلست ثواني وقامت