بعد ما كتبت البارت نصه اتمسح😭😭😭واكتشفت الصبح وبقالي ساعة بكتب فيه إنه اتمسح وللآسف كان الواتباد مهنج وسجلت خروج فاتمسج😭😭فأقروا بقا من أول مشهد عمار ورقة وهو بيقولها إنتي اتنشن😭😭😭😭😭
|خلف الكواليس|
"الحلقة الخامسة_للآن يحبها"
"____"
حركت رأسها بقلة حيلة، سألتهم بمرحٍ_:
_ويطلع مين سي العريس!
_تخيلي؟
مرح معها شقيقها بسؤاله، لم يخطر على بالها شيء، وهزت منكبيها بعدم معرفة، ووالدتها بالأساس لم تمنحها الفرصة وتحدثت تخبرها بسخرية_:
_حبيبك.
ضيقت نظراتها باستغراب، ووالدتها أكملت باسمه، ثوانٍ وتوسعت عيون رغد وهي تسألها بصدمة"دا من إمتى!!"
_من إمتى إيه يابت؟ هو أتصل بأخوكِ أول إمبارح وقاله إنه ابن محفظة القرآن إللي في المسجد إللي بتروحيه وعايز يقعد معاه، فقابله إنهاردة بعد صلاة العصر وقاله إنه عايز يجي يتقدملك ترشيح والدته وكدا.
سردت عليها ببسمة واسعة، والثانية بدون شعور منها لمعت عيونها، وابتسمت بسمة كبيرة خجولة، في لحظتها تلاشت وهي تردد بنبرة خافتة خجولة_:
_القارئ أنس؟
جلس بجانبها حمزة وهو يسألها سريعًا_:
_إيه رأيك ياست رغد؟ أقوله يجي يقعد هو وعيلته ولا لاء؟
دفنت وجهها بين يديها وهي تحاول إخفاء خجلها الواضح، رددت بنبرة لم تصل لهُ_:
_إللي إنت وماما شايفينه.
نهض من جانبها، وردد بنبرة جادة_:
_نتوكل على الله ونقوله يجي يقعد، الراجل ماشاء الله بيقولي إنه دكتور أطفال، مش عارف واللهِ هو دكتور ولا في تكليف مقالش بس شكله صغير وملامحه صغيرة.
فورًا رغد تحدثت سريعًا بعدما رفعت وجهها لهُ_:
_هو في التكليف في تاني سنة ليه؛ سنة الإمتياز، وعنده 25 سنة.
_ماشاء الله، متعرفيش مقاس رجله كام؟
سخر منها بكلماته، مع حاجبه المرفوع، ضحكت وهي تردد بصدق"واللهِ الدكتورة "ليلى"هي إللي كانت بتقول وكدا عشان هو إللي بيصلي بينا ساعات وهي بتتباهى بيه وكدا."
هز رأسه بهدوء، وغادر من غرفتها وهو يتحدث بلين_:
_طيب ياست رغد هبلغه موافقتنا، مع السلامة هروح السنتر بقا.
ودعته والدته، وجلست بجانبها تحدق بها كثيرًا، ضحكت وهي تتحدث بنبرة سعيدة_:
_يعني وافقتي عليه؟ ماهو جالك عرسان قد كدا وكنتِ بتقولي لاء! ولا هو عشان دا بقا الواد إللي كانت عينك منه!
سخرت منها في النهاية، والثانية نطقت بعدم تصديق_:
_عيني منه إزاي يعني!!
_يابت إنتِ هتصيعي عليا؟؟؛ دا أنا حفظاكِ مش دا إللي بتيجي تقوليلي ماشاء الله ياماما دكتور أنس دا صوته مغعرفشي إيه، تلاوته أبصر إيه، وبيسوي ويعمل؟
قالت حديثها بنبرة خبيثة، والثانية أصفر وجهها، وتحدثت باستماتة"لاء على فكرة كنت معجبة بصوته في القرآن مش أكتر".
أنت تقرأ
خلف الكواليس.
Fiksi Umumخلف الكواليس! قد تعتقدهُ اسم مسرحي أو كواليس مسلسل ما، وأنا سأخبرك وأريح قلبك نعم هو يشبه كواليس مسلسل لم تسرد من قبل، لم تظهر في مسلسلنا، لم نتلمسها، وهُنا أنا أُركز بصرك على خلف الكواليس وليس على مسلسل حفظتهُ وأصبح مكرر لدرجة تُصيبك بالمللٍ!! إذا...
