رجعت داليا من عند الدكتورة حكمت بيس وراحت تتسوق تشري ذوي صوالح لبيتها من الدراهم لي طمتهم.
رفدت اول شي شوي خضة وفاكية ومبعد شرات شوي ليزارت تع فراش ووسايد وشرات صبيغة تع لحيط وهك صوالح تع تزيين كملت رفدت صواشيها تمشي وتريح حتى وصلت للدار لقات فؤاد جا الفرملي تع الترويض رح يديه يبدا يتريض ورائد برا كلعادة وليلى فلكوزينة تغسل وتنقي كيما كل ام جزائࢪية.
ليلى: " طولتي دلوشتي وين رحتي ووش هاذي صواشي كامل"
حطت داليا صواشي الخضرة والفاكية فلبوطاجي: " شوي مصروف للكوزينة وشريت صبيغة للدار وفراشات وهكا نبدلو شوي جو الدار ونشاءالله هاذو ليمات نديرو الكرلاج فلرض اكي عارفة ياماما طميت بزاف دراهم وقعدو مطمومين وبابا الحمدالله بصحتو رايح ستما خلي نتلهاو شوي بدارنا"
تبسمت ليلى ورفدت صواشي الخضرا ولفاكية تغسل فيهم باش تخبيهم: " الله يعطيك الصحة بنتي"
تبسمت ومشات لبيتها فتحت التاقة وونحات الريدو مغبر من الغبرة عطست وخرت جابت الصبيغة خلطتها وبدات تصبغ فلحيط باللون الباج هي كملت وخلات الحيط ينشف بدات تمسح فلغبرة تع الخزانة وتفيرني فيها وطبقت اللبسة تاعها وتع رائد بحكم كيما قلنا عندهم بيت مشتركة ودارهم صغيرة اكيد كي تتزوج حتقعد البيت لرائد وحدو.
المهم هي نشفت الصبيغة ثمثم لصقت ستيكرات وكوادر كانو عندها مسبقا وبدلت الليزارت تع الفراش والوسايد وركبت ريدو جديد وسيقت لرض وحطت لي تابي وعطرت البيت خرجت تحفة مع بدلت اللومبة شرات وحدها ضوها مليح.
وريحت فالسرير تمسح فلعرق وتشرب فلما عيات بزاف حتى حست بتشنجات في كرشها.
لاعلينا غلقت بيتها وخرجت جات ليلى عاونتها صبغو كامل الدار ونقاو وسيقو وعطرو الدار خرجت تحفة يخص غير الكارلاج.
دخلت داليا ديراكت للدوش دوشت ولبست هك ورفدت شعرها كعكة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خرجت للصالون لقات امها مدوشة ولابسة جبة جديدة وتحط فلطباسا على الطابلة وتعيط لفؤاد ورائد
أنت تقرأ
شُعلة مشاعر | A flame of feelings
Mystery / Thrillerفتـاة فقيرة تقدم في أكبر مستشفيات الجزائر لتعمل من اجل معالجة والدها ويتم القبول وتصبح ممرضة رسميا هناك. لكن بعد شهر يحدث مالا فالحسبان تظهر زوجة مديرها وتهددها بأن تكون ام بديلة وتحمل طفل لهما او تقتل والدها المريض.. 🔥
