انفصال الروح

Part 1

لم يتوقعون مني التغير
ـــــــــــــــــــــــــــــــــــــــــــــــــــــــــــــــ
اركض بممرات الكلية و صدري يعلة و يهبط هم اتأخرت بسبب عمتي وصلت گدام قسمي و لگيت دكتور عز هوة الي يشرح يبو على حظج هذا شجابة والله اليوم معدنة محاضرة اله دكيت بابا المدرج وگلت
=صباح الخير دكتور عز ممكن ادخل

رفع راسة و باوع لي بعيونه الزيتونية وگال بكل برود
عز=متاخرة على المحاضرة نص ساعه
=اسفة دكتور بعد متتكرر
رجع نظر للمدرج و اني دخلت خجلانة كل يوم اتأخر بس هذا ما يمنع اني متميزة درست واني بعمر خمس سنين و دخلت كلية بعمر 17 سنة وصارلي شهرين اداوم شكد احاول ما اتأخر بس لازم تلزمني عمتي تغسل وجهي حتى تتأكد اني ممخلية مكياج... قطع شرودي و تفكيري الصوت الي مخبل بنات قسمي
عز=شباب وصلتني اوامر اني ابغلكم انو عدكم رحلة لـ متحف بغداد اسبوع الجاي
صوته كلش هادء و مايعرف شنو معنى الصوت العالي حته من نتأخر على المحاضرة او نخالف يرزلنة بهدوء تحسة مدا يرزلك تحسة دا يسولف وياك على احوال الطقس وكذا بس ما انكر انه ما يتساهل وية الي يقصرون بمادته.... خلصت المحاضره وطلعنة اني و صديقاتي
=نيرڤانا تروحين ويانه للرحلة؟
لا جانت هل كلمة على طرف لساني بس منعت نفسي من اني اكولهه و كلت
نيرڤانا =ماعرف اشوف نيرة اذا تروح و اگول لـ اخواني
=عليش دگولين شنو انتِ طفلة ترة عمرج 17 سنة؟.. و انوب دگولين اگول لهاي المتشردة اوووي
نيرڤانا =رحمه احترمي نفسج تعرفين اخواني شكد يخافون عليه.... ودگولين على نيرة متشردة تره هيه احسن منج على الأقل ما تستغلني
هل شلة حذرتني منهه نيرة بس مسمعت منهه گالت انهن مو خوش بنات ويومية بسيارة ولد واني مثل الثولة گعدت وياهن و صاحبتهن
شگد متندمة... دورت لـ نيرة و شفتهه گاعدة بـ الكافترية گعدت يمهه و ابتسمتلهه وگلت
نيرڤانا=هلو كبد اشو ماكو؟
باوعتلي بعيونهه الحادة السود وگالت بحدة
نيرة=شكو جايتني؟
عگدت حواجبي بأستغراب و گلت
نيرڤانا =نيرو حبي شبيج سويت شي من غير ما اقصد؟
نيرة =والله گولي شنو ممسوية تروحين دزين هاي الكح***رنيم دگول للبنات اني طالبة منچ فلوس و مصادقتج علمود فلوسچ؟
باوعتلهه بصدمة متوقعت انهه تصدگ كلام رنيم معقولة معدهه ثقة بيه
نيرڤانا =هاي تالي صداقتنة الي دامت 13 سنة تصدگين بوحده خسيسة مثل رنيم؟
باوعتلي بأستنقاص و اشمأزاز
نيرة =والله علمي بيچ اسوين الأزود
نرفزتني كلش و باوعتلهه بحقد.... بعد عندي محاضرتين ضربتهن و طلعت صعدت بسيارتي و طلعت للبيت نزلن دموعي مثل الشلالات اليوم كلهه متراكمة عليه
تأخرت علة المحاضرة
كلام رحمة
حچي رنيم
و كلام نيرة الحاقد و المشمأز مني
وصلت البيت او اگول القصر احسن طبعاً ما يلائم الـ سُلطان بس القصور الـ سُلطان ما يگعدون اله بقصور فخمة و چبيرة.. فخم بطريقة تنرفز و چبير بطريقة مبالغ بيهه اني احب البساطة و الأشياء الهادئة
نزلت ورگعت باب السيارة بقوة دخلت من البوابة الأمامية باوعت للحديقة الي يتمرنون بيهه المصارعين الأربعة تأفأفت ودخلت للبيت... شفت اخوية الجبير ابتسمت بخبث و نزعت حذائي و مشيت على روس اصابعي گمزت بوجهه
نيرڤانا =بووووو
باوعلي بملامح جامده بدليل انه ما فز..... قوست شفتي و گعدت يمه وگلت
نيرڤانا =نوح اريد ازوج
نوح= هرموناتج صاعدة اليوم؟
نيرڤانا = لا والله بس المرة ما الهه غير قصر زوجهه
=انجحي هاي السنة وانتي بس اشري على الي تريدينة و اني اجيبة وهوة الممنون
=هههههه لك منو يخاطر بحياتة و يحب وحده عدهه سبع ثيران اقصد خوان
كمزت من القنفة و صعدت لغرفتي واني اضحك.... شفت بابا نازل من الدرج باوعتلة بخوف شوية و وكفت على جنب
=هااا بنت ال*** اشو جاية بوكت اليوم؟
نزلن دموعي بصمت ما اگدر احجي تعودت على حجية صعدت وعفتة ينزل
فتت لـ غرفتي الي لونهه اسود مثل حياتي ذبيت جسمي على السرير و گعدت اشهگ و ابجي بنص ساعة حسيت احد تلمس كتفي ويطبط عليه رفعت راسي شفتهم سبب فرحي و تمسكي بهل دنية اخواني الله عوضني بيهم
(نوح
جبريل
اياس
لهيب
سيردار
رئبال
ابريس
الكسندر) طلعت بيهم من هل دنية من روحي همة صحيح احنة مو من نفس البطن بس احبهم موتت همة من ام واني من ام بس الأب واحد
جبريل=شبيچ يبعد ال سُلطان كلهم
هزيت راسي بمعنى(مابية شي)
ابريس=اهاا عرفت شبيهه جايتهه الشهرية مو؟
نيرڤانا =ابـــــــــــــــريـــــــــس
صرخت بي بخجل سواني طماطم كدامهم
اياس=عليمن هل خجل بعد جبدي تذكرين لو اذكرچ من اجيتيني تركضين ودگولين.. اياس دم دم بيه دم
نعم صوته اخر شي يحاول يقلدني شگدر ينرفزوني هل ثنين سرعان ما اجاهم الرد
لهيب=اياس و ابريس طي***بلب** واحد ماكو خجل مدگولون بنية ولازم نحافض على الفاضنة يمهه
رئبال=نهجم بيت الألفاض و السبة الي كلتهه شنو هاي بياعت خضرة ابن الم**
واحد يسب الاخ واني كاعده بينهم..... سيردار جان على المبايل شوية وذبة مخترع اخذه مرة ثانية و دز بصمة مدري شحجة بيهه...ورة شوية گام يمشي بغرفتي سردادي مردادي (رايح جاي) ضلن عيوني مركزة وياه يروح يمنة اباوع يمنة يروح يسرة اباوع يسرة
نوح=لك سيردار هيجت خبالات البنت علينه رحمة للكأنات اگعد
الكسندر= لا يربي اجتهه الحالة
نيرڤانا=سيردار شبيك تمشي سردادي مردادي؟
سيردار=ولكم صارلي شهرين احجي ويه بنية اگللهه ابوسچ من رگبتج دگلي اووي حبيبي ما اريد هل سوالف عيب.... وقبل كم يوم دزيتلهه تخم برازيلي بـ 45 الف كوة حصلتة گتله دزيلي صورته وانتي لابستة دزتلي هذي
گمل كلامة و نزل يجيب مبايلة رفعة وطلع صورة رقبة سودة وبيهه قلادة فضية... الولد وگعو بالکاع من الضحك واني هم اضحك
نوح =انطيني عنوانهه ادزلهه تخم ذهب مو برازيل على هل دگه هاي
كتف سيردار ايديه گدام صدرة و قدم شفايفة معاجبة الحجي
اياس =شنو رأيكم نروح للمرطبات؟
كلهم وافقو عده الكسندر
الكسندر=شگد بخيل گول نروح لمطعم للشط نطلع لـغير محافظة..... لو گايل نروح لـ كافترية هم بيهه مجال
قرب اياس من الكسندر وگله بهمس سمعناه كلنه
اياس=اسكت لتفضحني اضحك عليهم موطة ام الربع احسن من اربعمية الف بس حرامات راح اخسر الف و سبعمية و خمسن دينار
الكسندر=يربي لو گايل ام الألف بيهه هم مجال ام الربع و تبخل علينه؟
اياس=دشو استقر ام الألف عود واحدكم جنة ثور و تتملعطون بنص الشارع
رئبال =اجينة نواسي الاخت راح نطلع مكسرين
دحگ عليه و گال
رئبال: بعد اخيچ روحي بره لو تنعدين من عدنة
نيرڤانا=والله غرفتي دشو اطلعو لو تعرفون شسوي
دحكولي كلهم ياربي اقصر واحد بيهم طولة 186 سم عود هذه القصير واني يمهم كتكوت مبلول... ابتسمو كلهم بخبث وبللت شفايفي من عرفت الي ناويلة..... لحظات بس وكمزو على سريري هذا الي نام بصفي وذاك بصفحة الثانية والي وراهم والي فوكاهم
نوح بقة واگف مديتلة ايدي حتى يطلعني منهم هوة سحب ايدي و الكل اعترض نام بمكاني ولأن مكاني صغير بنسبة لجسمة وگع الكسندر من التخت
الكسندر=عصعوصي ياربي جعلهه بـ سيردار ولا بيك اييييي يمة
نوح=لك مو عيب عليك بكد جدي و تتلوة مثل البنات؟
كمل كلامة و جرني من ايدي و نيمني على صدرة
نوح =اميرتي شبيچ؟
نيرڤانا=بابا كل شوي غالط عليه ويگول الفاض بعد اسوء من الفاض اياس و لهيب و ابريس
شهگ ابريس بصوت عالي و ضرب على صدرة وگال
ابريس=يلههوي الفاضة اسوء من الفاضي ده انتو ظالميني اخص عليكم
ضحكنة كلنة ابريس يموت على اللهجة المصرية بحيث ضابطهه اكثر من العراقية
نمنة كلنة على السرير مالي الله يساعدة طبعاً شايله طنين... فتحت عيوني وگلت
نيرڤانا=نوح
نوح: نعم اميرتي
نوح يموت على العربية الفصحى دائماً يحجي بيهه
نيرڤانا = باچر عيد ميلادي الـ 17
ما حسينة اله الستة كمزو عليه و يگولولي شرايدة وين نوديج هذا يگول رأي الثاني يضربة و يگول رأي ثاني
نيرڤانا=بس بس بس راح اقسم الوقت من تصير بـ 12 بليل
لـ رئبال و الكسندر و جبريل لأن ارأهم مشابهه
وبـ 4 الفجر يستلمون
لهيب ابريس اياس نفس الرأي هم
وبـ 8 يستلم
نوح ايله الساعة 2 الضهر
و نرجع نرتاح و بليل الحفلة
جبريل=عود ليش نوح ست ساعات و احنة أربعة؟
اياس=جلبت بالست ساعات وعفت انهه تريد طلعة وحفلة؟
غميته وگلت
نيرڤانا =مو صوچك
دحگ سيردار للغرفة وگال
سيردار=اشو غرفتج سوده؟
=اول مره تشوفهه؟ اگللگم ترة اريد ابدل
=هاي گومو اطلعو برة بس لابسة قاط
=لا والله مو گومي انگلعوا بره
=افااا انتي تطردينة
=نوح گللهم خلي يطلعون
نوح نظر الهم ببرود وهمة شردو من شافوا
نيرڤانا =اگلگ تعرف هذولي وين حياخذوني؟
باوعلي بنظارات تفكير بعدين گال
نوح=امممم اعتقد رئبال و الكسندر و جبريل راح ياخذونج للنادي تتمرنون على كرة سلة
و اياس و لهيب و ابريس راح يودونج للشط
واني خليهه مفاجئة
ضحكتة وكلت
نيرڤانا =شگد خبيث
ابتسم و محجة شي نمنة اني وياه وهوة يلعب بشعري
ــــــــــــــــــــــــــــــــــــــــــــــــــــــــــــــــــــــــــــــــــ

هلو طبعاً هل بارت قصير ومابي احداث تشوق بس الرواية راح تبدة من البارت الجاي ان شاء الله
دُمتم سالمين 🌹🌺
(

شهد سلطان)