انفصال الروح

Part 2

وهل يهتمون بي كما افعل؟
لا تنسون النجمة ☆ رماناتي
ـــــــــــــــــــــــــــــــــــــــــــــــــــــــــــــ
لمسات باردة و خفيفة على وجهي فتحت تك عين بنعاس و ادحگ للتلاثة الواكفين گدامي و متخصرين
ابريس = قومي يختي كفاية نوم
غطيت وجهي بالحاف وگلت
نيرڤانا = ابريس مو وكتك امانة اريد انام نعسانة
ابريس= تنامي ايه يختاي نامت عليكِ حيطة..... گومي رمانة الساعة بـ 11 باليل
من گال هيج شبيت من مكاني معقولة نايمة كل هل وكت.... الكسندر صرخ و رجع وره و گال
الكسندر=اعوذ بالله من شر الخبث و الخبائث انصرف انصرف....
رئبال =فززت البنت شبيك.... اول مرة تشوف شكلهه وهية توهه گاعدة من النوم
ضحكو اربعتهم و اني مطيت شفايفي معاجبني الحجي
نيرڤانا =ابو الأباريس شكو اشو بأي عرس حطيت راسك ترة انتَ بـ 4 وقتك؟
جبريل جر خدي و گال
جبريل =نيرو تعرفين محد يگدر يگعدچ غير ابريس لهيج طلبنة مساعته
رفع ابريس راسة بغرور
ابريس =ماعرف لو يموت ابريس شتسوون بدونة
الكسندر =انتَ بس موت يا اخي
نيرڤانا =عوفونة منكم.... صحيح راح تاخذوني للنادي ندرب على كرة السلة؟
رئبال =اي صح... هذا نويحان الخبيث کالج مو ؟
ضحكت و طلعو برة و اني رحت سبحت و بدلت لبست تيشيرت نص كم و هوت شورت لنص الفخذ طلعت لگيتهم ملتمين و متوترين و نوح واگف و يسولف وياهم من شافني سكت سلكت الموضوع
اياس=سكر محلي محطوط ع كريما
ابريس=كعبك محلي و العود على القيمة
جبريل =وجيني تلقيني لسة بخير مش هتبقي لغيري و شرب خمر و حشيش
كملو الغنية واني واگفة علة الدرج و اضحك
الكسندر =يالا بعد اخوچ ترة نويحان تطخ عنده يجيبلج كيكة و يسد الموضوع
سحبوني التلاثة واني احاول اجاريهم همة يمشون واني اركض وصلنة الگراج و صعدوني بسيارة (رانج روفر)
نيرڤانا=السيارة حديثة مووو اول مرة اشوفهه هناا؟
جبريل =اخر موديل
ما علقت.... الكسندر يسوق و رئبال بصفة و اني ورة و جبريل بصفي.... اباوع للشارع الي خالي اله من كم ضو ومحل مفتحين شگد اجواء حلوة مال اغاني هادئة ورقص سلو..... قاطع سيل افكاري صوت الأغاني الي شغلهه رئبال ضحكت واني اسمع الأغنية (بفراگة اطگ اصبع)
جبريل =بفرگاه سهر ضنيت اخلص اليوم
اشو الله بغيابه ذب عليه النوم
اول مره انام اهواي
عكس من جان هوه اوياي

رئبال=بفراگة سهر ضنيت اخلص اليوم
اشو الله بغيابه ذب عليه النوم
اول مره انام اهواي عكس من جان هوه وياي سهل نساينة شربت ماي وانا جنت شايل همة
الكسندر=بطل ولله يگلبي شلون ماحنيت
ضل نبضك طبيعي وبيه منادكيت
ضنه گلبي متگطع
وعيني بفرگته ادمع
مايدري اطك اصبع
على فراگة و نسيت اسمه

جبريل طلع راسة من الجامة وبدة يرگص و جسمة نص بالسيارة و نص بره
=تره فرگا جديد وصار اله يومين
نسيته وبسهوله شحال إذا سنتين
ضنه گلبي متقطع
وعيني ابفرگته ادمع
مايدري اطك اصبع
على فراگه ونسيت اسمه
نيرڤانا=بفراگة سهر ضنيت اخلص اليوم
اشو الله بغيابه ذب عليه النوم
أول مره انام اهواي
عكس من جان هوه اوياي
سهل نسيانه شربة ماي
وانه الشايل جنت همه
الكسندر عاف الستيرن وبده يطگ اصبعتين
=ما يدري اطگ اصبع على فراگة و نسيت اسمة
نيرڤانا =ههههههه والله اني ممنفصلة حتى تشغلون هل اغنية اليوم عيد ميلادي مو يوم طلاقي هههههه
خلصنة الطريق كلة اغاني و رگص و ضحك و جبريل كل شوي و گال هذا المكان مسكون وبي جن واني اگللهم خلي يطفون الأغاني و يبطولن رگص بس همة شاطرين يخوفوني وكافي..... وصلنة ونزلت واني ارجف من الجوع و الخوف
جبريل = رمانة اكو اكل جوه اذا تريدين ادري بيج ما اكلتي من الصبح
دخلت جوه جانت صالة كرة سلة مرتبة و حلوة تعود للصالات مالتهم الي لا تنعد ولا تحصى.... الكسندر نزع جاكيتة وضل بـ تيشيرت اسود نص كم و بنطلون اسود ويااا الكسندر اضخم الموجودين هناا بحيث ما اتعده نص صدرة..... رئبال لابس قميص رمادي و بنطلون جينز  رفع اكمامة  لفوگ و برزت عضلاتة  و عروق ايده..... جبريل لابس تيشيرت نص كم لونة بيج و بنطلون اسود فد طالع شخصية
جبريل =نبدي لو لا
اكلت شوي وشديت شعري ذيل حصان و اخذت كرة وبدينة نلعب
(العمالقة&الفراشة)
ضلينة نلعب و ندرب للساعة 2:30 بين الضحك و الشقة  مني... والفشار و السب من قبل الولد
اركض و الكرة تصعد و اطخ بأيدي و تنزل للأرضية وشعري الي شادته ذيل  حصان يتطاير  وراي و ملابسي المكونة من تيشيرت ابيض مخطط بأحمر و اكمامة قصيرة و الهوت شورت مالتة الي يصل لنص الفخذ... قابلني الكسندر ضحكت واني اراوغة و هوة يحاول ياخذ الكرة مني تقرب مني حيل وطبع بوسة على خدي ضحكت واني اعبره و توجهت جبريل  درت جسمي كلة و انطيته ضهري ركض ولزمني من خصري رفعني جان تگع الكرة من ايدي باسني بخدي الثاني
=والله غش ليش
كلتهه واني اضحك نزلني جان اخذ الكرة من جديد وعلى نفس الوضعية و اخيرا عبرتهم وصلت للعملاق رئبال جان اطكهه بضحكة
=لك انت َليش هيج عملاق
=اذا انتِ قزمة اني شسويلج؟
ضحكت اكثر اجه عليه بسرعة راد ياخذ الكرة مني بس راوغته و مررتهه من فوكه واني كمزت من يسارة ضحكت بفرحة گمزت ولگحت الكرة و اخيرا اجتي بالسلة ضحكت واني ابوع للتلاثة بغرور
=واخيراً سجلت عليكم واحد هههههه
=1 مقابل 31 مكيفة محررة القدس
=اييي شبيك كبد....
بعدني ممكملة كلامي و سمعنة صوت رمي رصاص قوي خارج النادي اني اخذت وضع القرفساء و حطيت ايديه على اذاني و دمعت عيوني
الولد مصدومين ممفتهمين شي واني دموعي تنزل بصمت.... سمعت صوت الباب جان يدخل واحد ملثم و اتقرب عليه باوعت للشباب واكفين ماعرف شبيهم سحبني هذه الكلب من ايدي وصار ضهري على صدرة اني خفت كلش و راد يغمى عليه واحد من الشباب راد يتقرب بس حط السلاح على خصري وخفت من سمعتة يگول
=گليلة خلي يوگف لو اوديج يم ربچ و اخلي يلحگج
خفت علي كلش و بچيت بصوت عالي واني اللعن الي كان السبب
= لالالا تتقرب امانة
ما سمع مني و اتقرب اكثر و وجهه محتقن بغضب صار بوجهي و راد يسحبني من ادين هذه الحقير....
بس جمدت كل حواسي من سمعت صوت الرصاصة الي انطلقت... و الدم انتشر بكل مكان وصار بوجهي.... اختلطن دموعي الي نزلن مثل اللهيب على خدي ويه الدم وصرخت برعب و خوف
=لاااا
ما حسيت بشي اله اني بحضن جبريل و يمسح على شعري و اني اشهگ احاول اشوفة بي شي هو الي تصوب لو غيره... ابتعدت عن حضنة واني اتفحصة واني ارجف
جبريل = اش اش اش مابيه شي لتبجين
حضنتة واني ابجي اتأكد انو هو ماتصاوب
=ها هذا من منو ول يش هيج سوه
احجي بين شهگاتي المتواصلة
جبريل دحگ لجثة الرجال بأشمأزاز وگال
=كلب حالة من حال الاف الكلاب الي يريدون يلوون ادينه
بعدني عنه و رجعت نظري للجثة رفعت نظري من سمعت صوت رجولي خشن
=اعتقد مهمتي خلصت.... اتصل بجماعتك رئبال خلي يشيلون جثث الحثالة الي بره
بلعت لعابي واني اشوف رجال متحشد بالاسود من راسة لأخمص رجليه و ممبين شي منه بس عيونة السود
رئبال بأمتنان=اشكرك شيطان
باوعلة المسمى شيطان بكل برود و خرج مثل ما دخل
نيرڤانا = اسمة شنو؟
الكسندر = شيطان اسم على مسمى..... خا ما خفتي بعد اخوج؟
جبريل = لا والله مخافت بس شوية وجان راح يصير عدهه صرع..... لك الكسندر انتَ غبي لو تستغبه الطلقة اجتي براس الي جان لازمهه اكيد راح تخاف
شال الكسندر جاكيتة و ضم راسي بي وگال
الكسندر =متأكد اذا  تشوفين المجزرة البره تروحين تبلغين عنه فـ بعد اخوج غمضي ولا تفتحين
شبكني من كتوفي و رحت امشي وياهم بس قادني الفضول اشوف شنو صار بره.... رفعت شويه من الجاكيت و تمنيت اني ما رافعتة لعبت نفسي من المنظر و ردت اتقيء بجيت بصمت..... معقولة اخواني هيج يقتلون بدم بارد  شنو انتظر من ابناء عثمان يطلعون امام جامع و شيوخ لو شنو شأنتظر من ناس ابوهم ما ترك ذنب يعتب علي (قتل... تجارة اعضاء... تجارة بشر اطفال نساء.... تهريب مخدرات... تهريب اسلحه.... تهريب و سرق اثآر... غسيل اموال)  يتعامل ويه الماڤيا اكثر مما يتعامل ويه البشر الطبيعي انسان اسوء من ابليس و اسوء من فرعون و اسوء من نمرود..... بس اخواني معقولة ماعدهم ضمير حتى يقتلون كل هل عدد من الأشخاص..... شفت الأربعة الباقين يتقربون و يريدون يطمنون عليه بعد ما صعدت بالسيارة
نوح =شبيج رمانة مو اسولف وياج؟
ابتسمت بأنكسار واني اشوف لهفتهم و خوفهم عليه جانت هاي المره الأولى الي يصير هجوم عليه و اشوف اخواني بين الجثث و اديهم مليانة دم.... اشوف بيهم ابوية كلهم بدون استثناء
نيرڤانا =اريد ارجع للبيت ممكن
حجيت بصوت مبحوح شگد قرفت منهم بهل لحظة اعرف ان شغلهم هيج بس ولا بيوم من الأيام توقعت اشوفهم بهل منظر
ــــــــــــــــــــــــــــــــــــــــــــــــــــــــــــــــــــــــــــ
وصلت للبيت و اني گوه امشي خانتني رجلية و ردت اگع سندني اياس رفعت راسي و باوعتلة بحقد و قرف و دفعتة عني و رحت اركض لغرفتي واني ابجي
ضرب اياس الحايط بقبضة ايده وگال
اياس =  الله يلعنه الله يلعنه..... شايفتنة
ابريس = شنو الي ضامنلك انهه شافتنة؟
نوح تنهد و گال = نفورهه من اياس من ساعدهه نظراتهه النه من اجينة تسولف كلشي..
جبريل =لا يالله لا
رئبال=شحنسوي هسه؟
نوح =مادري مادري عقلي فارغ هسه..... ما صافي بس لـ ابوكم الكو** اني اله يروح يرهن بنته للحثالة و الچلاب والله ما اخلي عظمة سليمة بجسمة
سيردار=استغفرالله.... اني ما عليه اريد راسه
لهيب=واني اريد الجسم
نوح =محد يدخل اني اعرف اربي بطريقتي الخاصة بدون ما نوصخ ادينة بجلدة
ــــــــــــــــــــــــــــــــــــــــــــــــــــــــــــــــــــــ
~نيرڤانا~
اختلطن دموعي ويه المي الي مليت بي البانيو ابجي و ابجي بدون صوت... شنو حالي واني عايشة ويه مجرمين من ساسهم لراسهم..... هههههههه ضحكت بمرارة واني اتذكر كلام البنات الي وياي بالكلية عن اني شگد محظوظة... محظوظة بشنو اني عايشة ويه مجرمين؟... تفكيرهم سطحي لأبعد حد معقولة وصلو العالم انه تتمنى حياة غيرهه لمجرد انهه تلبس احسن لبس و تركب اغلى السيارات و احذيتهه اغلى الماركات؟
غطست بالبانيو واني احاول اتألم اكثر مما اني متألمة فتحت عيوني واني بعدني جوه بالبانيو بجيت و صرخت بس كبت المي صرختي.... حسيت انو عيوني راح يطلع من مكانهن..... طلعت من الحمام واني لافة البرنص (منشفة الحمام) على جسمي طلعت بجامة لونهه ازرق فاتح.... لبستهه و دحگت للساعة بـ 4:45 دقيقة رميت جسمي على التخت واني تعبانة موووت بس سمعت الشي الي خله شعر راسي يوگف
=اني مستعد انطي نيرڤانا بمقابل انك تبعد كل الشبهات عني

يتبع.... ☆

ـــــــــــــــــــــــــ

القفلة 😫😣
طبعاً اغلب احداث البارت كشفت اشياء نار 🔥
مثل ان عائلة نيرڤانا (مافيات)
و كره اب نيرڤانا الهه لدرجة انه سلمهه لناس شغلهم طيخ طاخ طوخ
تتوقعون نويحان شراح يسوي؟
ومنو هذا شيطان؟ الي بكلمتين خطف گلبي 😂

دُمتم سالمين 🌺🌹
(شهد سلطان)