انفصال الروح

Part3

احتميت بمن يجب ان اخاف و اهرب منهم
لا تنسون التصويت و تعليقاتكم تشجعني اكمل
صلو على نبي الرحمة
(ملاحظة/كلية نيرڤانا كلية آثار)
صحيح اكو مفاجئة بنهاية البارت
ــــــــــــــــــــــــــــــــــــــــــــــــــــــــــــــــــــــــــــــــــ
~جبريل~
گاعدين كلنة بالصالة الي متمدد على التخم ولي يدخن ولي صافن...
فزينة كلنة من شفنة نيرڤانا نزلت و وجهه شاحب عبالك طاير وراهه جني

رئبال=شكو شكو شبيج بابا نيرڤانا شصاير؟
نيرڤانا مسحت وجهه من دموعهه وگالت
نيرڤانا = سم.. سمعت باا با يحجي بالتلفون ويگول.... ان ا اني مس مستعد ا انطي نيرڤانا بس تبعدون الش شبهات عني
تحجي گوة وهية شهكاتهه ماخذه صوتهه
نوح =كافي بچي بوية مو عصرتي گلبي.... و تمشين على حجي ابوج تره ابوج خرف و كام يمسلت
نيرڤانا =لا لا والله راح ينطيني الهم.... جبريل نوح امانة لتخليهم ياخذوني
=اييي مو هية بكيفج ست نيرڤانا و بكيف اخوانج
باوعنة كلنة للي نزل من الدرج و وجهه يقطر خبث و سخرية
ابريس =تؤ تؤ تؤ تؤ... الجريذي تنازل و طلع من حفرتة.... ما تخاف تنسمط بنعال؟
ضحك عثمان بقوة و گال
عثمان = شوفو من يحجي..... نيرڤانا راح تسافر اسبوع الجاي و اشوف الي يمنعني ما انطيهه
سيردار = لك عثمان لا تحجي كلام انتَ مو كده.... و محمد اگتلك هناا و ادفنك بالحديقة ومحد يدري
عثمان =ااااه تالي عمري اطفال يهددوني
لهيب=لك انتَ شنوو يا اخي... رجل بالدنية و الباقي بالأخرة سوي شي الأخرتك
=هههههههه شوفو منو يحجي ههههههه..... نيرڤانا الج اسبوع بنيتي
جبريل بعصبية =لا دگول بنيتي انتَ ابعد ما يكون انك تكون ابوهه.... ولك ولخلق محمد ما اخلي جنس مخلوق على الأرض اذا صابهه شي
ضحك عثمان بطريقة مقززة و گال
عثمان =تره ماكو فرق هناا تمتعكم و هناك تمتع غيركم.... اني واثق بأصدقائي
من گال هيج اني سحبت اقرب مزهرية على الميز الي بصفي و شمرتة علي و دمة نزل للأرض الرخامية البيضة
جبريل = و محمد اگتلك و اشرب من دمك و ما يشفة غليلي منك كو** ابن الك**
جن جنونة من سبيتة و غلطت علي و گال
عثمان = لك انتَ تمد ايدك عليه
نوح=و نسوي الأكثر اذا مسيت نيرڤانا بحجاية متعجبهه اني محترمك لعمرك الچبير و لأني گتلك بيوم بابا.... والله ثم والله ثم والله اذا مس نيرڤانا سوء المرة الجاي راسك مكان المزهرية.....
كالهه بنبرة تهديد كلش و اضحة
رئبال =اصعد للحفر مالتك لأن راح يعفن جرحك ما عايزين تلوث
صعد لفوگ وهو لازم جرحة و يتمتم بكلمات منفهمة
رئبال = نوح اخذ نيرڤانا لغرفتهه بعدهه مصدومة من الي صار
ابريس=استغفرالله ربي شوكت نخلص
ــــــــــــــــــــــــــــــــــــــــــــــــــــــــــــــــــــــــــــــــــ
~نيرڤانا~
گعدت ثاني يوم ادحگ على الساعة بـ 2:32 دقيقة الضهر
گمت للحمام سبحت و بدلت و مشطت شلون ما كان و طلعت.
شفت الكل گاعد على ميز الطعام دينتظروني
... سحبت كرسي و گعدت بصف ابريس
ابريس = ونعم مخترتي يختي
ابتسمت بدون كلام...
منضرهم وهمة محاطين بالجثث مدا يروح من بالي ابد
نوح =شخبارج رمانتي شلونج اليوم احسن؟
هزيت براسي بدون ما احجي و حطيت خاشوگة التمن بحلكي...
ميتة جوع مماكلة شي من البارحة عده النستلة الي اكلتهه بالنادي و صارتلي سم.....
كملنة و گمنة للصالة.... گعدت بصف الكسندر و ذكرت شغلة
=نوح احم ممكن طلب؟
=اييي اطلبي بعد اخوج
=شسمة احم.... عندي رحلة لمتحف بغداد اسبوع الجاي و اريد اروح
=نيرڤانا تعرفين احنه شنو شغلنة و اي شي يأذيج يأذينة... من الأخر اتركي الشغلة
عصبت و تنرفزت من تحكمهم بيه و گلت
نيرڤانا = و مفتخر بشغلك..... انتَ دكتور بالنهار و مجرم باليل... تقتل القتيل و تمشي بجنازته... كافي تتحكمون بيه.... و اگلك اني رايحة و شيريد يصير خلي يصير
حجيت كلشي بگلبي و بين كلمة و كلمة اجر نفس
نوح باوعلي بهدوء و گال
نوح =تروحين بس بشرط ... ابريس و جبريل و لهيب يروحون وياج
تنهدت و هزيت راسي مأيدة حجية
ابريس =اگول رمانة..... صديقتج الملبن نيرة هم تروح؟
باوعتلة بأستغراب اول مره اسمع هل كلمة هذي
تقرب رئبال من ابريس و ضربة ضربات متتالية وره رقبتة
رئبال = گعدت نص ساعة ويه شيطان و عِداك.... ملبن شنو ابن الحم**
يسولف و وره كل كلمة يضربة
وخر عنه و ابريس فرك رقبتة بتألم
ابريس=احمد ربك ما اخذت منه شتعلت جكارتي
=شتعلت جكارتي.... شگد لاگف منه كلمات
عض رئبال على ايده يحاول منع نفسة من انه يگوم و يكتل اياس
عفتهم و صعدت لغرفتي و اسمع صياحهم يجيب التايهه
ــــــــــــــــــــــــــــــــــــــــــــــــــــــــــــــــــــــــــــــــــ
***
دخل شيطان الفيلا و اني نزلت رگض علي صارلي شگد مشايفتة
=شيطان الشياطين شچبتلي وياگ
=شتعلت جكارتي.... ولج بوبة مو هيج غير افوت ارتاح
=لا والله... وين جنت حتى ترتاح..... اشو شغلك و سهل مقضيهه... بحر.. وناسة... ضحك... وشقة؟
ما عبرني وفات جوه تنرفزت كلش منه وفتت ورا.... لگيتة متمدد عله القنفة و حاط ايده على راسه
=شيطان شبيك الله عليك شجبتلي؟
=بويه.... هسه شيخلصني منج ولج شهيده فكي ياخه مني تعبان مووت
حجاهه بنترة و نرفزة
شهد=ok ok  Chill out رايحة
گلت هيج ورحت امشي للمطبخ
دا امشي و ادردم علي و استوقفني النسخة المصغرة منه
=لماذا تتلمين هكذا يا ثَهد؟
دحگت علي معرف اضحك لكلماتة المگروطة لو اعصب منه من وره شيطان
=شجابك مدبلج.... خليني بضيم شيطان
=لماذا العثبية.... تتلمي بهدوء لن اتلتي اقثم.... و ثم ثيطان عاد من ثفرة؟بهذا الوعت هذا عريب