انفصال الروح

مشهد

السلام عليكم +مساء الخير 🌺
شلونكم شخباركم شكو ماكو
جيتكم اليوم بمشهد حيل حيل حيل حلو (طبعاً كاتبة اكثر من مشهد وحرت اي واحد انزلة فا اخذو هذا)
ـــــــــــــــــــــــــــــــــــــــــــــــــــــــــــــــ
 

اركض و الكرة تصعد و اطخ بأيدي و تنزل للأرضية وشعري الي شادته ذيل  حصان يتطاير  وراي و ملابسي المكونة من تيشيرت ابيض مخطط بأحمر و اكمامة قصيرة و الهوت شورت مالتة الي يصل لنص الفخذ... قابلني اصغرهم ضحكت واني اراوغة و هوة يحاول ياخذ الكرة مني تقرب مني حيل وطبع بوسة على خدي ضحكت واني اعبره و توجهت لثاني واحد بيهم درت جسمي كلة و انطيته ضهري ركض ولزمني من خصري رفعني جان تگع الكرة من ايدي باسني بخدي الثاني
=والله غش ليش
كلتهه واني اضحك نزلني جان اخذ الكرة من جديد وعلى نفس الوضعية و اخيرا عبرتهم وصلت للعملاق جان اطكهه بضحكة
=لك انتَ هيج طويل و عملاق
=انتي قزمة اني شسويلج
ضحكت اكثر اجه عليه بسرعة راد ياخذ الكرة مني بس راوغته و مررتهه من فوكه واني كمزت من يسارة ضحكت بفرحة گمزت ولگحت الكرة و اخيرا اجتي بالسلة ضحكت واني ابوع للتلاثة بغرور
=و اخيراً سجلت عليكم واحد ههههه
=1 مقابل 31 هااا محررة القدس وهيج فرحانة
=اييي شبيك كب...
بعدني ممكملة كلامي و سمعنة صوت رمي رصاص قوي خارج النادي اني اخذت وضع القرفساء و حطيت ايديه على اذاني و دمعت عيوني
الولد مصدومين ممفتهمين شي واني دموعي تنزل بصمت.... سمعت صوت الباب جان يدخل واحد ملثم و اتقرب عليه باوعت للشباب واكفين ماعرف شبيهم سحبني هذه الكلب من ايدي وصار ضهري على صدرة اني خفت كلش و راد يغمى عليه واحد من الشباب راد يتقرب بس حط السلاح على خصري وخفت من سمعتة يگول
=گليله خلي يوكف لو اوديچ يم ربچ و اخلي يلحگج
خفت عليه كلش و بچيت بصوت عالي واني اللعن الي كان السبب
= لا لا لا تتقرب امانة
ما سمع مني و اتقرب اكثر و وجهه محتقن بغضب صار بوجهي و راد يسحبني من ادين هذه الحقير....
بس جمدت كل حواسي من سمعت صوت الرصاصة الي انطلقت... و الدم انتشر بكل مكان وصار بوجهي.... اختلطن دموعي الي نزلن مثل اللهيب على خدي ويه الدم وصرخت برعب و خوف
=لاااااا
ــــــــــــــــــــــــــــــــــــــــــــــــــــــــــــــــــــــــــــــ

تتوقعون منو ه‍ل شباب و البنية الوياهم و ليش صار عليهم هل هجوم و راح تتأذة  بسببة لو لا ومنو الي تصوب
طبعاً الي يجاوب صح راح اخلي اسمهه او اسمه بالرواية 😂خوش اغرائات هااا 😂

باي رماناتي على گولة احم احم ما راح اگول 😂😂