قناة تلي غيرتها هذا جديدة HrHHHi
بارت 5
شافتني گالت : البقية بحياتك ابو اسد ان شاء الله اخر الاحزان
محمد : البقاء لله
گلت هيچ و جريت اسد لحضني
بوسني وگال : بابا جدو فيض صدگ مات ؟
محمد : اي وليدي مات الله يرحمه
گلت هيچ اسد گام يبچي
محمد : لتبچي
حضنته وگعدت اهدي بي
يموت ؏ جدي هواي يحبه
جدي حنين ؏ الكل
چان يشوفني شايل اسد بيدي يضحك و يجي يبوسه و يحط بگماطه فلوس و يناغي ويروح
من كبر اسد جدو تعلق بي اكثر ..
جريت نفس بهدوء و گلت لسما تدخل جوة يم النسوان
دخلت و اني خذيت اسد و دخلت للمضيف
شافوه الشيوخ گالوله تعال بوسنة شنو ما تعرف الاصول
هوة ضحك و راح بوسهم واحد واحد وسالمهم
ضحكوله حبوه
چنت واگف واباوعله مبتسم
شوكت كبر وليدي و صار عمره 9 سنين
جريت حسرة وگعدت
كمل منهم اسد و اجة گعد يمي
ظلوا يسألوه شسمك
گلهم : اسد
كلهم گالو اسمك حلو
همة يعرفون عندي ابن اسمه اسد بس يريدون يسمعون منه
هوة باسني و رجع لگعدته جريته لحضني
صار وقت نروح للقاعة
رحنا للقاعة وية الشيوخ شوية و امتلت القاعة كومة رياجيل
يسالمونا وياخذون من خاطرنا
راسي موتني
وصيت اسد يجيبلي چاي من الگهوچي
راح جابلي واجة
شربت ... راسي بعده يوجعني
ظليت گاعد وبصفي اسد
لحدما خلص وقت الفاتحة رجعنا للبيت
اهلي وعمامي بالمضيف اني دخلت للبيت
شفت سما تساعد بنات عمي بالشغل
غلست عنها و مريت من يمها
دا ادخل صاحتني
سما : محمدددد
التفتت : ها ؟
سما : اريد ابات عادي؟
محمد : باتي منو لازمچ
سما : خوش هاهية لعد باقية
صعدت اني و اسد فوگ
نمت و حضن اسد
ثاني يوم گعدت ع صوت الباب يندگ
فتحته لگيت كرار
ابتسمت هذا شلون صبح يبووو
كرار : گوم عيني المدلل گوم جايينا شيوخ من بغداد
جريته من ياخته و شددت ؏ اسناني: تعوفني لا اموتك والله
دفعني وگال : منو يمك انت
خلة وراح
رجعت لغرفتي اخذت شاور ؏ السريع وبدلت ملابسي ونزلت
دخلت للمضيف
الشيوخ و عمامي ظلوا يحچون
شوية وصبوا الريوگ
اكلت وياهم و طلعت من البيت اصدقائي من بغداد جايين يعزوني
دليتهم شوية ووصلوا
مر اليوم بهدوء
ثالث يوم چان الاخير
نفس الايام السابقة بس الفرق سما رادت ترجع للبيت
و رجعت
مرت الايام ..
چنت طالب اجازة للسابع
خلص السابع و رجعت لبغداد
كفلت يتيم بأسم جدو
وابني وياية دائما يتصل بية
صف رابع ابتدائي ، كلما انزل للبصرة اجيبله وياية اشكال الالعاب والملابس
حيل متعلق بي
تذكرت من چان جدو فيض اذا شافني زعلان يجرني لحضنه و يقرا علية وينام
من عنده حبيت هلحركة چنت احس بيها حنية لا تُوصف
جريت نفس بهدوء .. الله يرحمه
مر كم يوم و اجة يوم الخميس توجهت للبصرة
رحت لبيتنا سلمت ؏ اهلي و ارتاحيت يمهم
شوية وطلعت لبيت جدو
شفت عمامي و ولدهم و گعدنا نسولف شوية وترخصت
رحت شفت اسد و جبته وياية لبيتنا
مرت ساعة واندگت الباب
امي نايمة و لارا تدرس و سجى وامها بغرفتهن
گمت فتحت الباب والدهشة ملت ملامحي
#بنات نشرو يمكم حسابي واتباد وذا اشوف تفاعل حنزللكم أشباه الابطال
أنت تقرأ
صغيرتي المتعذبه
Short Storyصغيرتي المتعذبه معاشت طفولتها مثل البنات قصه كلش حلوه وبيها عبره للبنات بالاخير تعرفون شنو العبره والرساله
