صغيرتي المتعذبه

part1

بارت 1
ساعة 1:40 ظهراً في احدى مناطق بغداد

گاعد ؏ مكتبي خلصت شغلي و منتظر تصير ساعة 2 واطلع

دخلتلي للمكتب نهى بكعبها العالي بيدها اوراق
ومدري شلون تمشي يمكن دتسوي اغراءات

گالت بصوت ناصي : هذي محمد اطبعلياهم

محمد : مو علمتچ شلون تطبعيهم ؟

نهى : يلا يا عمري هسة نسيت شصارلك اطبعهم حباب
وشمرتلي بوسة بالهوة

ما حچيت شي تقربت مني حطت ايدها ع چتفي
بلا شعور رأساً وخرت ايدها ودفعتها مني

محمد : امشي خلي عبدالله يطبعهم الچ ومرة ثانية لا تلزميني لا  اموتچ
يلا برا رخيصةةة

عگدت حاجبها و عقچت وجهها رمقتني بنظرة حادة وطلعت من المكتب

رجعت راسي ؏ الكرسي : ياربي هاي شوكت اخلص منها

قطع كلامي صوت رنة فوني باوعت لارا دتدگلي
فتحت خط : الو

محمد : الو لارا 

لارا : هلو محمد سويت كيكة تعال النة اكل منها
مو صار وقت جيتك ليش ما تجي اريد اشوفك

محمد : تمام

ظليت احچي وياها لحدما صارت ساعة 2

طلعت من شغلي متوجه للبصرة
وصلت المغرب هاي عود سايق بسرعة
مشتاك لشوفتهم حيل

سلمت ؏ اهلي و ضگت كيكة لارا چانت طيبة
صبولي غدا وتغديت

مرت ابوية براء وبنتها سجى چانن يباوعنلي وسجى تبتسم

بوست ايد امي ورآسها وخدها
وحضنت لارا وبستها

صعدت لغرفتي فوگ تمددت ما اجاني نوم
ظليت افكر بالجاي ..

جريت نفس بعمق و وكلت امري لرب العالمين و غمضت عيوني

گعدت ؏ صوت باب غرفتي الديندگ

گمت من چربايتي فتحت الباب لگيتها سجى
بيدها ماعون بي دولمة تمايلت بدلع و گالت بصوت ناصي : سويت هالدولمة الك

محمد : اخذت الماعون منها وگلتلها "شكراً " وسديت الباب بوجهها

گعدت ؏ الچرباية وبيدي الماعون اباوعله شكله مُغري

بس والحسين ما اكل لو تنگلب الدنيا شمدريني شحاطة بيها

حطيت الماعون ؏ الچرباية

حسيت نفسي مخنوگ گمت بدلت ، اخذت سويچي و محفظتي و جريت الماعون وياية ونزلت

البيت هدوء ماكو احد كلهم بغرفهم
تسحبت على كيف للمطبخ لگيته فارغ

جريت علاگة سودة وفرغت الدولمة بيها و ذبيتها بالزبل

غسلت ايدي واخذت السويچ والمحفظة وطلعت من البيت