تابعو حساب التلي
zo16mo
ميم ال دليم
الجزء الرابع
----------------------------------------------
تندمت ؏ اليوم اللي تزوجتها بي اخخ لو ادري
رجعت بية ذاكرتي لليوم اللي عقدت بي عليها ..
چان واحد جاي لجدي يگله :
" بنتي بس هالوحدة الية واني مريض اخاف اخوانها يأذوها ما يحبوها اريد واحد
يتزوجها
فدواتك شيخ بلكي تلگة واحد يتزوجها "
جدي شافه هيچ انقهر عليه گام دز علينا احنة احفاده
گاللنة السالفة وولد عمي كلهم انتفضوا
واكو منهم متزوجين مثل فرقد اخوية
اني كلشي ما گلت بس ظليت صافن
عاد ما بقيت بس اني
جدي ظل يتوسل بية شاف بية مجال
واني احب جدي و ميهونلي يزعل عليه ف وافقت ؏ موده
لان بوقتها چنت ممفكر اتزوج
دز جدي ؏ ابوها و گله يحضر بنته حتى اعقد عليها
الرجال طار فرح مادريت فرحان لان حيخلص منها
رحنالهم ورة ساعتين ويانة السيد
عقدت عليها وطلعت
حتى ما شفتها
وراها بكم يوم رحت اشوفها واتفق وياها ؏ المهر
شفتها حلوة ولسانها معسول
اتفقنا و رجعت
چان مهرها قليل چنت توني دا اشتغل
و جدي بس درة رايحلهم ؏ المهر انطاني المهر اصر هوَ يدفعه وجبرني اخذه
وديته الها
وراها بشهر عقدت عليها محكمة و جبتها للبيت
مچانت عندي امكانية ان اسوي حفلة
ظلت شهرين ماشية وياية عدل
لحدما حملت بأبني اسد شو هاي تخبلت
اللبس والحركات اختلفن
حتى متستحي اريد اشوف بعينها نظرة خجل ماكو
وتحچي حچي مو حلو
اگلها اني رجال واستحي احچي حچيچ
تگلي اووي عيني تستحي
احچي وياها ارزل ماكو متستجيب
تگلي شو ما تكتلني
محمد : ما اگدر امد ايدي ؏ حرمة
سما : لعد انت مو رجال
گزگزت عليها ردت اگطعها بس تمالكت نفسي و طلعت
ظلت ؏ وضعها و تصرفاتها تلعب النفس
نفرت منها لحدما خلتني اكره ابقى البيت
اول ما جابت اسد طلگتها و أشتريتلها البيت اللي هسة گاعدة بي
من يومها لهل يوم وهي تتوسل تريد بس ترجع لذمتي
فززني من صفنتي صوت كرار
وهو يگول : ها عيني تتصفن لازم عاشگ و بفاتحة جدك شلون صلافة
أنت تقرأ
صغيرتي المتعذبه
Short Storyصغيرتي المتعذبه معاشت طفولتها مثل البنات قصه كلش حلوه وبيها عبره للبنات بالاخير تعرفون شنو العبره والرساله
