صغيرتي المتعذبه

part7

قناة تلي HrHHHi
بوت تواصل ma_2022m86BOT

بارت 6

شجابها !

بهتت ملامحي و ظليت صافن عليها

چانت لابسة عباية و شال بيجي شايلة بيدها صينية بيها مواعين زردة

منتبهتلي چانت دتشيل ماعون من الصينية
شالتها و قدمته الي و رفعت راسها

هية هم انصدمت بلعت ريگها ونزلت عيونها

زهراء : هذا ثواب ؏ روح خالي
ايدها ترجف اخذت الماعون منها

محمد : باوعي بعيني

رجعت انظارها الية

محمد : وليش متباوعيلي بالله !

زهراء : ما اقصد عن اذنك

خلت وراحت اباوعلها راحت لجيراننا انطتهم ماعون و شافتني راساً بعدت انظارها

هييين متباوعيلي مو
سديت الباب ودخلت للصالة معصب

شافني اسد الچان ديكتب واجبه
اسد : بابا منو دگ الباب

محمد : الجوارين جابولنا زردة عمري تاكل ؟

اسد : اوك بس لازم نبقي لخالة وبيبي و سجى وامها

محمد : اروح فدوة لابن الاصول
گلت هيچ وشمرتله بوسة هوائية

جبت خاشوگتين و گعدت يمه
اكلنا من الماعون چانت الزردة كلش طيبة

بقينا للاهل وگمت ضميتها بالثلاجة

رجعت گعدت يم اسد اگلب بفوني
شوية وكمل طلب مني اسمعله
سمعتله حافظ زين

علاقتي بي كلش حلوة نحشش ونسولف و حتى دراسة مرات ادرسه اذا يريد بس هو بشكل كلي معتمد ؏ نفسه يطلب مني اتستمعله او ادرسه نادراً

رحنا ننام

ثاني يوم چان جمعة اخذت اسد وجبنا كاهي وگيمر
جبت النا و لفرقد و لسما و لبيت عمامي
كل واحد انطيته اللي جبته اله و رجعنا

گعدنا ناكل سوة
كملنا ، رحت اخذت شاور طلعت شفت اسد يلعب سابوي

شافني گال : أتحداك تفوز علية

ضحكت و جريت منه الفون : واذا فزت شتنطيني ؟

اسد : بكيفك

محمد : خوش لعد حضر نفسك للخسارة
ظليت العب لحدما خسرت جمعت 786 عملة

اخذ مني الفون اسد و گعد يلعب شوية وخسر جمع 47 عملة

محمد : هااا منو اللي يحچي بزوده ويتحداني افوز

اسد : مادريت بيك هلگد لاعوب

محمد : انچب
گلت هيچ ورحت اجيب كليچة من غرفة امي
جبت واجيت گعدنا ناكل لحدما نمنا

السبت گعدت من وقت شفت اسد بعده نايم
گمت ؏ كيفي و طفيت الضوة عليه وسديت الباب

شفت امي ولارا گاعدات
سوت ماما دولمة من أيدها التجنن و خلتها تتهدر

لارا گعدت تسولف وياية
لحدما كملت الدولمة

اسد طلع من الغرفة توة گعد
شفته فتحت ايدي

ركض اسد لحضني شافتنا هيچ لارا هية هم جتي حضنتني فوگ اسد

اسد يدفع بيها يگلها : بابا بس الي

و لارا تگول : شنو بس الك لعد واني

الة شوية يتكافشون
وخرت من حضنهم وگعدتهم بصفي

خربان ضحك شكلهم دماار
شوية واجتي امي شايلة الصينية گمت ساعدتها و اجينة نتغدة

سما جتي اخذت اسد گالت طالعة امرلكم بدربي واخذه

رجعت لبغداد

حياتي صارت بس شغل و صلاة و نوم
و ادگ ؏ اهلي واسد اتطمن عليهم وارجع انام

طول هالفترة هية ببالي
من افكر بيها راساً اطرد افكاري و اگول

" محمد ليش تفكر انت متستحي تفكر بوحدة بگد ابنك "

بس ماگدر ما افكر بيها 
متمر علية ثانية اذا ما جتي ؏ بالي

اويلي عيونها ،
عيونها إسرتني ..

مرت 7 أشهر نجح اسد للصف الخامس وبدا يداوم
؏ هل حالة دومها ببالي

احس الشوگ كتلني

لا ارادي توجهت لغرفة المدير

سلمت عليه و گلتله : اريد انتقل لفرع الشركة بالبصرة
لان صارلي ظرف و ضروري ارجع لاهلي

المدير : ولو يعز علية فراگك الله يشهد بس تتدلل هسة انطي امر نقلك

انطاني امر النقل
تشكرته وطلعت

رجعت للبيت لميت غراضي و قفلت البيت وتوجهت للبصرة

الطريق كله افكر وين بيتهم وشلون هلگد چانت قريبة من بيتنا

زين ليش صدفت سألتها من دون الناس و ليش شفتها مرة ثانية

نفضت غبار افكاري و نزلت من السيارة مُعلن وصولي للبصرة

جريت حسرة
محمد : اجيت من بغداد لهنا الها ..
وفاة جدي بكبره الميت عَليه ما رجعتني وسكنت البصرة

من وراها عفت مكاني المتعود عليه و ذكرياتي وجاي ميت شوگ الها

يارب تستاهل ..     

تفاعل حته استمر حنزل أشباه الابطال بس اكملهم +نطوني رايكم بالكتابه استمر لو احذفها