صغيرتي المتعذبه

part2

:ترا اليكتب على النسيان ، ما ناسي .
*************************
بارت 2

فرقد گام يضحك

شوية و گال : ترة حلو ليش تگول هيچ

ابتسمت كلها تگول حلو بس احس ملامحي طبيعية و مو ذيـﭻ الحلاة‌

خليت وطلعت لبيت جدي

وصلت هناك سلمت ؏ جدي وبوسته و عمامي هم
حطيت راسي بحضن جدي
و گعدنا نسولف

- في مكان آخر في البصرة -

چنت توني مكملة دراستي

دخلتلي امي كتلتني گطعتني تگطع
شعري صار وصل بيدها

كل عضة تجيبها الي ولا اللخ
اخر شي چوتني برجلي

ماگدر اقاومها ميتة تعب

من گد الكتل تخدرت بعدما احس بالوجع
تفلت عليه وطلعت

هذا كله لان رفضت ابن خالتي فيصل

واهلي كلهم من ورة هالسالفة صاروا يكتلوني حتى بابا واخواني

ليش اوافق واني توني اول متوسط عمري 13 سنة ؟ بعدني صغيرة ؏ الزواج

ليش اضيع مستقبلي و اروح لشخص ما اعرفه زين لو لا

فيصل يريدني يعرف ما راضية بس يريدني غصب فوگاها يگول متكمل دراسة

ايع شگد مكروه

گمت غسلت واني ابچي

غيرت ملابسي و مشطت شعري هواي وگع منه شعر
لان گطعت شعري

هزيت رآسي بألم
و نمت

ثاني يوم بدلت وطلعت لمدرستي

اخذت دروس و امتحنت و جاوبت ورجعت

مرت الايام ..

محمد ..

ودعت جدي الي ما رضة لطلعتي

محمد : جدو والله وراي دوام چان ظليت تدري بية شگد احبك بس اتأخر اذا بقيت وراية رجعة لبغداد

عاد من گلت هيچ اقتنع

بوسته و حضنته وودعت عمامي وطلعت

شوية ورجعت للبيت ودعت اهلي و خذيت اغراضي

رحت لابو الاسواق جبت لأسد وليدي حلويات
توجهت اله

طلعلي بوسته وانطيته الحلويات و مصرف اله
حضنته

شوية و ودعته و رجعت لبغداد

ثاني يوم رجعت للشغل و نهى من يوم المكالمة ما واصلتلي

جريت نفس براحة
كملت شغلي و رجعت

الايام بعدها نفس الشي ..
اروح لبيتي اكل و انام
اگعد الصبح لشغلي و للظهر اني راجع

مرت شهرين ..

چنت نايم و ساعة 1 الفجر دگلي ابن عمي يگول الحگ جدي دينازع