جنية البحيرة

الفصل الاول

داخل إحدي القصور العملاقه الموجوده بقلب الصعيد
كان المزمار يصيح وتستمعه البلد باكملها والاعيره الناريه تنطلق بلا توقف والذبائح تنذبح بلا عدد والجميع يتراقص بسعاده وفرح فاليوم سوف يعود الغائب إبن عمده الصعيد سوف يعود معا زوجته وأبنائه بعد غياب دام خمسه عشر عام كان يمكث بهم معا عائلته بامريكا

توجه العمده الي الخارج وردد بصياح شديد وسعاده وهو يتمسك بالسلاح ويقوم بإطلاق الاعيره الناريه بلا توقف. ولدي راجع يابلد أنا عاوز الكل يفرح عاوز الكل ينبسط كله يرجص الليله إنهارده للصبح وااااااد يازفت إنت إدبح عجلين كمان إدبح عشر عجول وفرجهم علي البلد كلياتها

قام الجميع بالتهليل والصياح وأخذو يدعو للعمده ويدعو لأولاده وأحفاده بطوله العمر ودوام الصحه والعافيه

رددت زوجه العمده بدموع وإرتجافه وهي تتمسك بيد زوجها بقوه .ولدي ياعمده ولدي راجع لحضني مش إكده

ردد العمده الذي يدعي محروس المنشاوي .إيوه ياحاجه ولدنا الكبير راجع ولدنا راجع ياحاجه ولدن

لم يكمل جملته بسبب سماع صوت السيارات الاتيه
بسرعه اليهم لينظرو هو وزوجته الي بعضهم بسعاده ودموع وقامو بالجري الي مكان السيارات

نزل هذا الرجل من السياره ليتوجه اليه الجميع وأخذو يسلمو عليه وهو يحتضنهم بإشتياق ولهفه وسعاده

ليردد بصراخ سعيد للغايه وهو يجري الي والده المتوجه اليه بسرعه والاشتياق يصرخ داخل عينه الدامعه .أبوووووووي

قالها وقام بمعانقه والده بقوه لتردد والدته بصراخ وبكاء شديد وهي تعانق ظهره .ولدي ضي عيوني إتوحشتك جوي جوي يانن عين أمك

نظر اليه بدموع وقام بمعانقتها بقوه لتبادله العناق وهي تبكي بحرقه وتشتم رائحته بلهفه وإدمان

بجانب السياره
كان يزفر بملل وضيق وهو ينظر الي الوجوه المثبته أعينهم بوجهه وجميعهم يفتحو فمهم ببلاها وشاربهم يكاد أن يدخل في فمه

رددت خطيبته بخوف وقرف وهي تتعلق بذراعه بقوه .إيه ياحاتم القرف ده دول شكلهم يخوف أوي

ردد حاتم بضيق .حانعمل إيه يعني ياسهر بابا اللي صمم نيجي الصعيد علي العموم متقلقيش كلها كام يوم وحاقنعه نرجع أمريكا تاني

رددت سهر بصدمه وهي تضع يدها علي أنفها باشمزاز. نعم ومين قالك إني حاقدر أعيش في القرف ده دقيقه واحده وبعدين إنت مش قولتلي إن باباك حاينزل بينا علي مصر علي طول

زفر بضيق وأخذ يكمل بعصبيه .أيوه قولتلك أيوه بس لازم يعقد معا جدو كام يوم ده بقاله ١٥ سنه مشافهوش

واو ياحاتم المكان يجنن قالتها شقيقته بابتسامه متحمسه سعيده لتردد والدتهم. فعلا أهو أنا دلوقتي حسيت إن روحي رجعتلي من تاني