أنـت منقذي

P-2-

ڪل ظَني چنت بيك الضوّه يعيش
فاتتني الصُبح ماتبقى نجمة ..♥️

قدس : حاضنه ابوها : بابا انت ليش سميتني قدس اسمي غريب وماحبه

ابو محمد : احلا اسم اسمج ، اسمج اسم اعظم بلد بعد العراق قدس عاصمة فلسطين

قدس : زين بابا شلون سميتني يعني جان بالك

ابو محمد : ﻼ فتحت القران وجانت سورة البقره ايه (253)  لحد الان حافظها

﷽

{تِلْكَ الرُّسُلُ فَضَّلْنَا بَعْضَهُمْ عَلَىٰ بَعْضٍ ۘ مِّنْهُم مَّن كَلَّمَ اللَّهُ ۖ وَرَفَعَ بَعْضَهُمْ دَرَجَاتٍ ۚ وَآتَيْنَا عِيسَى ابْنَ مَرْيَمَ الْبَيِّنَاتِ وَأَيَّدْنَاهُ بِرُوحِ الْقُدُسِ ۗ وَلَوْ شَاءَ اللَّهُ مَا اقْتَتَلَ الَّذِينَ مِن بَعْدِهِم مِّن بَعْدِ مَا جَاءَتْهُمُ الْبَيِّنَاتُ وَلَٰكِنِ اخْتَلَفُوا فَمِنْهُم مَّنْ آمَنَ وَمِنْهُم مَّن كَفَرَ ۚ وَلَوْ شَاءَ اللَّهُ مَا اقْتَتَلُوا وَلَٰكِنَّ اللَّهَ يَفْعَلُ مَا يُرِيدُ}

صدق الله العلي العظيم

———

قدس : صداع براسي واحس برعب ڪل ماذكر وجوهم شلون هجمو عليه والالم موتني كرهت ڪل الزلم من بعدهم وحوش اشوفهم

انفتح باب الغرفه ودخل واحد وكان مبين انه دكتور

اركان : ها قدس شلون صرتي

قدس : ذكر اسمي ؏ لسانه حسيته يريد يهجم عليه محسيت اله ؏ ابويه واخواني محاوطيني

دخلت الغرفه وردت اطمئن عليها قبل ﻼ إطلع لكن صدمتني رد فعله او جان شي متوقع بنسبه لها

اخذت تشمر عليه اي شي يكدامها وتصرخ ( ﻼ تتقربلي اطلع برا )

ثواني وحسيت اخوانه جتفوني وكعدوني بالكاع وابوها ويصرخ عليه ( شسويتلها)

اركان ؛ سيدي ولله كلشي ماسويتلها اجيت اطمئن عليها واكولكم نتيجة الفحص

ابو محمد: لعد شبيها هيج تخاف

هي خاتله بحضنه وتبجي

ابو محمد : شطلعت نتيجه

اركان: عدها تصلب بشريان الابهر وانسداد بشريانين يضخن الدم القلب حاليًا تنفسه يصير بطيء وراح تحتاج اوكسجين بهاي حاله واحيانا تكون عدها حاله اغماء مفاجئ والحل الوحيد قسطره القلب مع ذلك هي منهاره نفسيًا وحاليًا تشوف اي رجل يريد يعتدي عليها