"تارةً تجد نفسك قادرًا على حمل مالا يحتمل،
وتارةً تختنق بسبب نسمة."
أركان:
گوه شايل روحي بيدي
وخاف من روحي اطيح
هنه كلهن يوجعني منين ماتلزمني أصيح
وهذا هو گلبي اليدك بضلوعي
گلبي ميت وانتهى موضوعي
انت والدنيا علي وهمومها
انت شايف عين تبچي بنومها
أأنـــــــت مــــنقذي
الـــڪاتـبه زهــراء مهــند الموسوي
ﻼ تنسون لايك والكومنت بين الفقرات وعذرًا عن الاخطاء الاملائية ان وجدت قراءة ممتعه جميلاتي 🤍
__
هــــيف
صوت صدى الراشدي يرن بأذني واني اشوف عمي عيونه حمر وقـــــــــدس المصدومه منه اول مره
بحياته يضربها نزلت راسها وامير طلعها لنا
وخالتي عيونها متروسه دموع بس تريد تفتهم الصار
ام محمد؛ أمير شصار يمه ليش، هيج ابوك ضرب اختك كدام الناس
أمير؛ يمه قـــــــــدس لكو بتليفونها محادثه ويه رقم مجهول وطلع هو لساجن أركان
ام محمد : لا قـــــــــدس ماسويها لا.. كامت واختل توازنها ركض أمير سحبها كعده ؏ كراسي واني جبت جهاز الضغط وهي تردد : قـــــــــدس ماتسويها
طلعو الناس ودخل عمي لازم راسه واحمد شرايين راسه ناطه وحايريين شيسون.
محمد : من البدايه كتلكم اجه الولد يريدها جان منطيها وفاضين السالفه
صرخ احمد بوجه؛ لك انت شنو من شنو مصنوع اختك هاي والولد ماردها انت هددته بيها انت السبب الرئيسي بهاي المشاكل كلها
صرخ عليه محمد بنبره اعلى
محمد : اني سبب لمشاكل اني استاذ احمد بعد شسوي اختك علمود تنزل راسنه شسوي اختك
ها شو حتى صرنه كو**
تفل بوجها عمي وصرخ بيهم اثنينهم اندار ؏ خالتي
ام محمد؛ هي تالي تربيتنه لهم هذولي بجرج حتى ماحترمونه احنا بنصهم ويتعايطون وفوكها واحد يعير بثاني باخته لج يكولون ؏ نفسهم كو** يعني ترفعين شنو اختهممم
هذول خوان ينعدون اخوان ذول
بقى يصرخ هم نخسو طك خشمه دم من ورا الصرخ ركضو عليه دفعهم اثنينهم وأمير سحب ايد عمي كعده ومحمد صعد الغرفته
احمد : يأبه نروح المستشفى؟
خزره واحمد بقى يباوع وطلع الحديقه
ام محمد؛ كوم يأبه كوم الغرفه هي هاي خلفتنه شنسوي بدل مايصيرون سند لاختهم يوكفون ضدها ..
أخذته خالتي وراحت وامير الغرفته طلعت الحديقه شفت احمد يدخن وعيونه جمر مثل الباجي
هــــيف؛ كوم احمد كوم الغرفتنه بارده هنا.
أنت تقرأ
أنـت منقذي
Romanceستقابل في حياتك شخصًا وأحدًا سيحبك كما تمنيت لكن ... انت ﻼ تود هذا الحب منه وستعتبره نزوه او شيء غير مهم وانما هو يراك شمس الذي تنير حياته كان لقاء عصيب بينك وبين قلبي وعقلي كانت حرب دامية تجري داخلي حين اختطف نظره منك احبك حتى البعاد احبك بقدر ﻼ...
