أنـت منقذي

P-26-

ومٍثل نٌار بگطّن ما بيٓنٍت
مهًموُم بِارد بآلوجُة
وانٌه احترگ سكَته

الـــمهــر 
  الـــڪاتـبه زهــراء مهــند الموسوي   
ﻼ تنسون لايك والكومنت بين الفقرات  وعذرًا عن الاخطاء الاملائية ان وجدت  قراءة ممتعه جميلاتي 🤍

__

هـــيف.
جاوبه عمي يتردد.

ابـــو محمد؛ قـــــــــدس؟

العسكري؛ اي وعدنه امر بتحقيق وياها بالمركز فورا..

احمد؛ ترا الي كدامك عقيد واني ملازم امر بتحقيق شنو..

العسكري : هاي بالمذكره مكتوب.. رفع ورقه بيده َوكال؛ لعدم حضورها المحكمه  اداء شهادة المتهم؛ اركـــــان مأمون وتصديق الافاده بمرافعة المتهم  الموافق يوم ~~..

بعده مامكمل وعمي قاطعه

ابو محمد : روح ابني مسافة الطريق يمك..

طلعو وعمي فات حاط ايده ع راسه وأحمد مادري عليمن يتصل اشرلي اصعد لــــقـــــــــدس اكعدها
وخالتي لتلوب ع بنتها

__

روز

جرني من جتفي ودار ركبتي وعيونه جمر

غيث : هاي منو هيج مسوي بركبتج

هـــيام : شبيك غيث ماما شنو منو هاي من كلت طفر دهن
..
دفعني وصرخ بوجها

غيث : شبيج يمه غشيم كدامج غير هاي استغفر الله خل اخابر عليه يجي يشوف صرفه ويه هاي الكح** الي مخلفها..

هـــيام : لا خطيه غيث أبوك تعبان وهسه بشغل غير داكلك بالدهن يامي حتى ابوك يدري

بقى يصرخ ويكسر بالغرض واتهجم عليه يريد يضربني وهي خلصتني من ايدها و دخلتني الغرفتها وقفلت الباب هو كل ضربه يضرب الباب أحسه راح يوكع ويتفلش

شفت كنتورها هي ذاك اليوم منعتني افتحه يعني بي كمت عليه فتحته ونزلت كل الملابس بقيت اداور هم ماكو فلوس ورحت على الميز وشلت الجربايه نفشت الغرفه نفش

هم ماكو اي أثر وصوت غيث هم ماكو ادك الباب عليها ماتجاوب

صارت الساعه ب10 واني فايته الغرفه من 2 الظهر
وبس صوتي بالبيت محبوسه بالغرفه اصرخ يرجع عليه الصدى الصوت ضليت افتر بالغرفه حايره شسوي رجعت ادك ع باب ماكو جاوب

انتظرت أكثر من ساعه ونص والمي اليمي خلص واريد اطلع اختنكت
فتحت هي عليه باب

روز؛ شنو انتِ ماتحسين ماتكولين بني آدم حابسه هنا انتِ شنو من كلب شايله

هيام : يلا لج هاي فوك مجايبتها هنا وتتباوسين ويا

روز؛ وين جنتي وليش محد بالبيت؟