جوهره مكسوره

البارت3

الكاتبه/آيـــار الخفاجي📃💜•

طبعا مو موعد نشر البارت لكن نشرته اول شي لان مكملته من زمان وثاني بس علمود احجي وياكم كم كلمه•

شوفو قبل لتقرون البارت حبايبي يعني تشوفون البارت كامل
وتكملونه ليش متصوتون؟شنو راح يأثر عليكم شوي قدرو تعبي الله يخليكم دا اضوج من هل موضوع حيل خلصتو البارت صوتو رجاءا🙂❤️‍🩹•

قراءه ممتعه♥♥•

________________________

_الخوف شي جبير احيانا اكو امور
نخاف منها من بعد مانتكتشفها هي شنو..

_خوفي جان من امي شي جبير بديت
احس انو الي دا اسوي هو مو مجرد
لعبه هو شي جبير بلنسبه لغيري..

_اريد شخص يوعيني اريد شخص
يگلي هذا غلط اريد احد يفهمني
الي دا اسوي شنو؟؟...

_باوعتلها وعيوني تلمع بخوف حجت
من بين شفايفها الي يرجفن وعيونها
الي جان الغضب مبين بيهن...

نسرين: سوالج شي ولججج؟؟؟؟؟؟

_رجفن شفايفي بخوف ووجهي الصغير
ودمعتي مثل كل طفله تخاف هزيت راسي
بنفي..

_باوعتلي بعدم اقتناع وعادت السؤال
بغير صيغه دتفهمني وگالت بترجي..

نسرين: شش شو شوفي م ماما حبيبتي
انيي امجج اني صندوق اسرارج
احجيلي امي انتي اكو شي صار شي
سوالج شي  احجيلي ماما لل لتخافين
باوعيلي..

_رفعت راسي ب ايدها وهيه منتضره
الجواب مني...

_باوعت لدموعها واحس خلص اني
اكيد مسويه شي كلش غلط لو هو مو غلط
مجان ماما ذرفت هل دموع كلها وهيه خايفه
عليه..

_بس بس اني شنو ذنبي اني محد علمني
طفله اني محد نصحني محد كبر عقلي
وذا صغيره؟ واذا صغيره مو المفروض
هيه تعلمني هيه توعيني..

_باوعتلهه ب اسف ودفعتهه وركضت
لغرفتي واني احاول اخفف من دموعي
واسمع بس صرخاتهه ب اسمي..

_شمرت نفسي عل جربايه واني ارجف
ياترا شنو الي صارلي؟؟ شنو هل خدعه
الي خدعني بيهه جبار؟ خفت حيل معقوله
اموت؟؟ لالا ما اموت..

_بين افكاري المتراكمه سحبتني من ايدي
حسيتهه انخلعت شفتهه خازرتني وعيونهه
حمر دم ودموعها على خدها بلعت ريگها
ومسحت دموعها ب ايديها ورجعت گعدت
عل جربايه..

_حضنت وجهي بكفوفها وحلكها يرجف
وشفتها يابسه بللت شفتها وگالت بحيره..

نسرين: يمه لاتشلعيننن گلبيي يمه
ولج روحييي راح تطلعع يمهه احجييي
فدوه رحتلجج امي انتي احجي ولجج
فرفحتينيييي ولججج احجييييي..

_شفتها تخبلت وفقدت ضلت تصرخ
وتزلغ بخدودها من شافتني ابجي
وساكته..

نسرين: ولجججج احجيييي بت الزماللل
انعل ابوججججج انعل عشيرتججج
احجيييي ولجج يمهههه مرمرتي گلبيييي
ولججج حراممم عليججج احجيييي..