جوهره مكسوره

البارت35

الڪاتبه/آيــاࢪ الخفاجي📃💜•

كل عام وانتم بخيررر حبايبيي🌚💜💜.. ادري ادري گطعت عليكم اعذرونيييي والله انشغلت وضروف مو طبيعيه بس اليوم البارت طويل وبي احداث تخبل وقراءه ممتعه❤❤❤.

_______________________

#هل يُمكنني أن؟#

_فزيت على صوت صياح قوي من هاريكا
وخرت الغطه مفزوعه وركضت واشوف الصياح
من الحمام بحركه سريعه فتحت الباب ماشوف
غير هاريكا واگعه والدم ع طول الارضيه..

_صرخت قوي ومدا اعرف شسوي لا اكدر
الزمها من الصدمه ولا اكدر اتحرك بمكاني
الرجفه احتلت جسمي..

_مدا اعرف شسوي بس صافنه واشوفها تضيع
مني ضربت نفسي راشدي قوي اصحي نفسي
بعدها ركضت للتلفون طلع كدامي رقم شهم اتصلت
وكلساع التلفون يريد يوگع من الرجفه الي ب ايدي..

_رد شهم وحجيت بسرعه.... شهمممم الحككك
جيب الاسعاف وياككك وتعال بسرعه..

_خطيه انخبص ومدا يعرف شكو صاير واني
خبصته بس بسرعه تعال وبسرعه جيب الاسعاف..

_رحت اركض لهاريكا ودموعي تتسابق ركعت يمها
ولزمت وجهه فاقده الوعي ابجي مفرفحه واحجي.. لا
لااا هاريكا خليج قويه هسه ح توصل الاسعاف..

_هاريكا شوفييييي كومي يلا كومي مو انتي
تنتضرين ابنج؟

_شجاج يروحي شجاج غير تنتبهين...
كل ضني متزحلكه بلحمام بس هي جانت
وضعيتها طبيعيه ماعرف جانت ستوها مخلصه
سبح ومبدله وله ستوها داخله للحمام ومتزحلكه...

_بست راسها وباوعتلهه.. ماكدر بدونج ماكدر..
نزلت عيني لبطنها يبس دم جسمي واني اشوف
بنص بطنها طلقه!!!!..

_فرفحت روحي وخرت عنها ولطمت على خدي
بكل حيلي ملخت شعري واصرخ بكل صوتي
حسيت الدم صار ينزل من خدي والرجفه صارت اقوى..

_لالالالا هاريكااا لا يماااا لااااا ولججج منووو سوهه
هيججج بيججج ولج هاريكاااا لاتموتينييييي فدوه
رحتلج...

_ضليت ابجي بهستريه واسمع صوت الاسعاف
وصوت الباب نفتح بسسرعه كمت اركض اشوف
شهم عيونه حمر دخل هو والممرضين..

_شافني فز ولزم ايدي وحجه بخوف... شبي
وجهج هاي شبيججج شكووووو شش شنو صاير.

_باوعت للحمام وكلت... ح تموتتت شهمم
الحكك عليهااا..

_عافني وركض للحمام بس شاف الوضع
رجع لورا مفزوع تدارك الوضع وركض شالاها
ونزل والممرضين يركضون ورا..

_وصلنه لباب العماره والناس تباوع ملتمه واني
مفرفحه خلاها عل سديه وصعدوها بسياره
الاسعاف واني صعدت ويه شهم وياهم ونطلقو..