جوهره مكسوره

البارت15

الڪاتبه/آيـــار الخفاجي📃💜•

ولكم لاتحرجوني تكولولي نزلي بارت اضافي ولكم لاتستغلوني ادبسزيه😂🥲.

____________________

#- كلَّ انواع السعادة تتشابه ولكن كلَّ ألم يؤلم بطريقته الخاصة.

كملت جذبتي الي ممكن تغيض هاي اساور
الي مدري منين طلعت ودرت وجهي للباب..

اشوف جراح مستند على الباب مبتسم
ومكتف ايده يستمع لحديثنه..

_ففتحت عيني بصدمه احاول اخفف من نبضات
گلبيي من الفشله...

_باوعت اساور لجراح وكالت بتعجرف..

اساور: هلاووو جروحييي شلونك شخبارك..

_فتحت عيني مصدومه نوب جروحي؟
اني مو قصه اغار يا اهمداني اغار على هذا
بس كرامتي متسمحلي مادام هو زوجي..

_رد عليها بثگل..

جراح: هلا بيج الحمدلله..

اساور: عاد زوجتك ستوها تحجيلي شلون
تعارفتو..

_باوعلي يكتم ضحكته نزلت راسي بفشله..

اساور: والله شي حلو حب من اول عصير هههههه..

_گالت هيج وضحكت ب استهزاء تقدم جراح
الي حاوطني ب ايده من خصري وباوعلي وكال
وهو مبتسم..

جراح: احلى عصير..

_حسيت عيونها راح تطلع من مكانها وكالت
وهي تحاول تكتم غضبها..

اساور: ب بسس شش شعجب تزوجت
وحده صغيره؟

جراح: حته فد نوب هيه حبيبتي وهي طفلتي
وانتي گلتيها حب من اول عصير يعني حبيتها
بعد بيدي قابل؟؟

_حاولت اكتم ضحكتي على منضرها وجهه
صار احمر وينطي الوان وجراح على نفس
وگفته محاوط خصري وايده الثانيه بجيوبه
اني واصله لمتنه اله اسئله شگد طوله جنه تيل بس
تيل ضخم هههههههه...

_گالت بتلعثم..

اساور: بب بس انته جنت ممفكر بلزواج...

_باوعتلهه بخبث وگلت..

جوهره: هسه انتي شبيج قاهره نفسج
حبيبتي والله عجيب..

_ردت بعصبيه..

اساور: اقهر نفسي ع شنووو والله يالله
تتهنون اترخص..

_دارت وجهه وطلعت من المطبخ باوعت لجراح
مبتسم وخرت ايده بنتر وخزرته وگلت..

جوهره: ديلا مو كيفت..

_غمزلي وگال.

جراح: حب من اول عصير مو..؟

_درت وجهي واني احاول اخفف من فشلتي
مشيت اطلع من المطبخ واسمع صوت ضحكاته
العاليه..