جوهره مكسوره

البارت27

الڪاتبه/آيــاࢪ الخفاجي📃💜•

_______________________

#وأنا بلا شوفتك شينفعن عيوني#

الساعه4:00العصر..

_گعدت ع صوت الباب اجاني صوتها... جوجو
ادخل؟

_رديت عليها... ادخلي عمري...

_فتحت الباب ضحكت وگالت... صح النوم يحلو..

جوهره: احلى نومه..

_ضحكنه ثنينه وگالت... يلا كومي غيري
ملابس بدنا نطلع نتسوق...

_رديت عليها ب ابتسامه... تمام..

_رادت تطلع لكن اتذكرت وگلت.. ء هاريكا..

_باوعتلي مبتسمه وگالت... شو ياروحي..

جوهره: طبعا اكيد مو بس انتي راح تشتغلين
ف هسه من نطلع اول شي نروح للكوزمتك
الي كتلج عليه قبل اشتغل بي..

_بلكت ولعل يتذكروني ويرجعوني اشتغل
صح قطعت صار سنتين بس شسوي خل نشوف..

هاريكا: لاتجبري حالك حبيبتي انا راتبي
كتير وبيكفينا بس اذا حابه بتطلعي تغيري
جو وحابه تشتغلي براحتك..

جوهره: اي عمري هو هذا قصدي ماگدر
ابقى بلبيت اطلع اغير جو..

هاريكا: مثل مابدك حبيبتي يلا تجهزي..

_هزيت راسي بقبول وطلعت گمت رحت للحمام
غسلت وجهي وفرجت اسناني بعدها رحت للكنتور
اطلع ملابس..

_طلعت قميص اسود عريض وقصير وبنطلون
جارلوس كابوي بعدها مشطت شعري سويته
كبايه عاليه ونزلت خصلتين (حركتي المفضله ههههه)

_لبست كعب ناصي حيل لون اسود نزاكته فول
بعدها خليت حمره لون بيجي وخليت مسكاره
ومشطت حواجبي هنه مرتبات حيل...

_اخذت جنطتي خليت بيها فلوس 100 الف وجنسيتي
طبعا اخذت فلوس من البيت قبل لا اطلع منهم تقريبا 500 الف وما اخذت لاذهب ولا اي شي من الي جابهم الي جراح..

_طلعت لبرا دگيت باب غرفتها اجاني صوتها... ادخلي..

_دخلت شفتها مكمله لابسه فستان بينصل لون
وردي فاتح منفوش وفاتحه شعرها طبعا شعرها
يجي لمتنها وطالعه حيل حلوه..

هاريكا: لك شو هلجمال..

جوهره: والله انتي شو هل جمال..

هاريكا: لك اسكتي فصعونه طالعه تموتي
اخ هل جراح شو ضيع جوهره اصليه..

_بلعت ريگي وگلت.. لاتجيبين طاريه گدامي فدوه..

_تقربت وهي تلبس جنطتها حضنتني وگالت.. اسفه
مو قصدي والله..

جوهره: عادي حبيبتي..

_ابتسمت وحبيت الطف الجو وگلت... انتي ماتعرفين
تحجين عراقي؟؟