سُــر دُلهم

بارت السابع

سُــــر دُلـــهـــم

﴿الكاتبة::- مــيــمــي✍️✨﴾

الــفـصـل الـسـابـع

🎀🎀✨🎀🎀

وجــدان::- جنت متحمسة لجيـه محمد وعلى الأغراض الوصيتة يشتريهم إلي مناك ، حتى بالمدرسة ما نتبهت على شرح مدرسات بس اريد الوقت يخلص علمود ارجع من وقت واستقبل محمد أول وحده وكل شوي وكارصتني سيرينا من أيدي...

_هاي شبيچ سيرو أيدي!!!!

سيرينا::- طبچ طوب على كولت غيث هههه.

:- ها ها صايره تقلدين كلام غيث ؟!!

:- انجبيي واسكتي لأ يروح بالج بعيد تره غيث حالة حال علي أخوي.

:- أي ، لجج سيرو لأ تزعلين اشاقه والله.

:- لأ عليمن أزعل ما أزعل من أطفال ههههه.

ضربتها على أيدها::- أيا حقيره إني اطفال ؟! .

رادت تحجي وصاحت بينه أم الرياضات سكتنه وسوينه نفسنه نتبهه إلها وبلكوه لازمين الضحكة.

بألف يا علي يلا خلص درس وطلعت مُـدرسة..

وأحنا نفجرنا بالضحك بنات بقن يسألن شكو وليش تضحكن ما حجينه عفناهن وطلعنه بالساحة كعدنا بمكانه الـلي يصير قريب من حديقة..

سيرينا::- ايي وجدان شكو ماكو ؟؟!!

::- سلامتچ كلشي ما كو.

::- امم ، نزين سؤال محمد شوكت يجي؟؟

باوعتلها وغمزت::- ليشش؟؟؟؟

:- هيچ مجرد أسأل لأن إبن عمي حسين سأل عليه علي هذاك اليوم وكالة ما اعرف.

::- هاا ، اليوم يجي أول بارحة خابرني أو بالأحرى بارحة لأن جانت ساعه 2:30 خابر هههه.

::- اكو واحد يتصل بهذا الوقت ؟!!

:: أييي إخواني.

:: ههههه ، الله يساعدچ إني علي لو يتصل بهيچ وقت احظره واكمل نومتي.

:- هاي أنتِ مو إني هههه وثانيا ما اكدر إلا أرد لأن جان شي ضروري كلشش.

سألت بفضول وحماس::- شنو ؟؟ شراد لچ وجدان تحمست أعرف.

:- وأنتِ ليش هيج فضولية؟!!!

:- وجدان نجبي واحجي صارلنة 18سنة سوه حتى رسبت علمودچ.

::- اهووو سيرو ليش تعيدين هل مقولة والله حفظتها على غيب.

::- أي عبالي حبيبي يلا احجي شكو ؟!

فتحت شالي وخليته على كتافي أخذت شهيق وزفير وسيرينا تباوع عليِّ ومتعجبة..

::- الله يستر شنو راح تكولين مدام هيچ سويتي معناتها شي خطرررر.