🔱° ° ° Error 69 ° ° °🔱
الكاتبة : أسماء عمراني
قبل ماتسمع أي نقد يخليها تتراجع على فكرة متهورة بحال هادي .. خرجات بسرعة سادة الباب وراها ودخلات فأول مصعد طلع قدامها خاوي .. الباخرة كاتكون من 4 طوابق .. الطابق الأول ديال العمال .. لي متحكمين ف الفحم باش كاتحرك الباخرة .. طابق الرخيص كيفما كايسميوه مامعروفش شحال عدد العمال لي التحت أو بالأحرى غير مهم شحال بيهم مدام ماعندهمش الحق يتعداو داك الطابق ولي جرب .. كايـ.موت..
الطابق الثاني فيه أرقى المطابخ تما فين كايتوجدو الأطباق الرئيسية لي غايطلعوو ف فقرات الأكل ..
الطابق الثالث مخصوص للأجنحة .. كل ضيف عندو جناح خاص بيه .. ولي العدد ديالهم كايوصل حتال 100 جناح ..
الطابق الرابع كايتكون من مسابح شاسعة .. ريسطويات كثيرة وكل ريسطو والأكل لي كايقدم ..
باخرة سان فرانسيسكو كايركبوها غير الناس من الطبقة النبيلة ... ماكايعرفوش المستحيل .. مكايعرفوش شي حاجة سميتها عرق الكتف .. فقط كاتوصلهم باردة ومع ذلك محاسينش بحلاوة الحياة ...
عائلة صوفيا كانت وحدة من الزبناء المميزين للباخرة لي ديما كايحضاو بأجنحة VIP لكل أفراد العائلة ..
صوفيا داخل المصعد متترددة تورك على رقم 1 باش المصعد ينزل بيها .. فنفس الوقت متحمسة ولمعة الفضول كاتشعل فعينيها .. غمضات عينيها وعضات على شفايفها مغمضة عليهم .. مدات أصابعهاا للزر لي كايؤدي للطابق السفلي .. وركات عليه ونطالقات لعالم بعيييد كل البعد على عالمها ...
دقائق قليلة تحل باب المصعد قدامها .. واخا جريئة وقوية إلا أنها حسات شوية بالخوف .. ورعشة غريبة سرات فضلوعها .. البلاصة خاوية ومضلمة مكاين حد .. رمات رجل وتبعاتها الأخرى .. كاتمشى بحذر بحالا سارقة شي حاجة وخايفة تفضح .. جمعات قوتها وطلقات لعنان لصوتها
صوفي : "كاتغوت وحاضية جنابهاا" هاااااي !! كااين شي واحد هنااا ؟؟؟ بونجووووغ !! هوووولااا !! أنيوووهاااسيووو !! "خفضات صوتها" باشمن لغة غايكونو كايهضرو هادو !!
وقفات أمام جوج طرقان متعاكسين .. خلاوها فموقف صعب خاصها ضروري تختار واحد زعما ! كايبانو بحال بحال ! بجوجهم مضلمين !! بماا أنها كاتموت على القرارات الغالطين والعشوائيين .. غمضات عينيها بالخف والهزات يديها بعشوائية كاتشير بيها لأحد الممرات .. فاش حلات عينيها بتاسمات برضى ..
صوفي : "تنهدات بعمق قبل مادخل" أخيب حاجة تقدر تخلعني هي ديناصور .. وبما أن الديناصورات نقارضوو .. بييييتش أنا مكانتردعش ....
أنت تقرأ
غلطة رومان
Historia Cortaقصة "غلطة_69" للكاتبة : أسماء عمراني 🫦 القصة سافلة من أول سطر لآخر واحد .. القصة كاتعتابر غلطة لأي وحدة ماعندهاش جرأة تسرح معايا بمشاعرها رقم 69 رقم جنسي وكلو إيحاءات مغرية ..... رقم تقدر تجذب بيه بزاف ديال المنحرفين لي مراسمينش حدود .. ولكن !! إي...
