غلطة رومان

الجزء 3

🔱 ° ° ° Error 69 ° ° °🔱

الكاتبة : أسماء عمراني

رغبة كبيرة دفعاتها ترمي خطوات موزونة وتمشي فداك الإتجاه .. تغرق وسط ديك الطريق المظلمة متبعة غير ضوء خفيف أحمر خافت .. فجأة سمعات صوت .. صوت بالة ديال الحديد كاتغرس بقوة فالأرض وتتهز .. إيقاع الضربات كايواتيو إيقاع نبضها .. مشات بيها رجليها حتى بدات كاتشكل ليها هيئة رجل !!

ريحة البلاصة خلاتها غير كاتشمر بنيفها .. والسخونية غادة وكاتزاد ..وقفات للحظة كاتمعن فضهرو العريض .. بنيتو الرجولية الشامخة .. مقادراش تميز لون بشرتوو حيت كان كولو مغطي بالفحم شعرو الطويل والفازك بعرق كتافوو مخليه على راحتو زادو وسامة .. كتاف عراض ودراع قوية تخيلات راسها كايسحقها غير بيد وحدة .. دفعة أدرينالين كبيرة سرات فعروقها .. ملي شافت رجولتو كاتمرد وسط ألسنة العاافية .. بتاسمات بخبث .. برضى .. بنشوة ... بكلمة متقطعة

صوفي : اححح بب بغييتوو ههه

ماوعاتش على راسها بلي عندها حساسية من الاماكن الضيقة .. هيئتو نساتها فمرضها .. بدات كاتضوبل ليها الرؤية وحاسة بصدرها مقبووووض مع أنفااس ضعيفة كاتخرجهم بالزز .. حتى طاحت فرمشة عين على ركابيها كاتنهج..

صوفي : "كاتلتااقط أنفاسهاا" فاااااك لاااا ماشي داااباا ... لاااا فاااك علىىى حاااالة

∆ بعد ساعة ...

صوت محرك الباخرة كايتسمع قريب من وذنيها بشكل جنوني ومزعج .. جو البحر البارد كاتحس بيه كايلسعها .. هادشي لي خلاها تحل عينيها لي جات فالسماا .. كحلة بالغيوم وقريبة تنقط .. نزلات عينيها للبحر .. قريب ليها لدرجة مرعبة قدرات تشوف قاعو الأسود بصورة واضحة ..

........... : "نطق بصوت مبحوح وخشن فنفس هادئ بطريقة مستفزة" أش كاديري هنا ؟

ضورات راسها لمصدر الصوت .. ولات كاتشوفو عن قرب .. جالس فوق كرسي مفرع رجليه ومتكي عليهم بيديه .. شوفات عينيه مفيكسيين فيها .. شوفات خلاوها تحس برغبة كبيرة تلاح بين رجليه ..

صوفي : "جلسات على ركابيها كاتشوف فيه بعيون طفلة"  غير حيت نتوما ماعندكمش الحق طلعو .. تا حنا ماعندناش الحق نهبطو ؟

.............. : "كايشوف فيها بوجه خالي من التعابير" حنا ماعندناش قوانين .. مامصعبينهاش على راسنا بحالكم!

صوفي : "بتاسمات بجنب فمها" داكشي علاش نزلت لهنا باغا نعيش بلا قوانين ... باغا نتخطى الحدود ... باغا ملي يشعل الضو الحمر ! نزيد ونزطم عليه ومانتسوقش .. "نزلات كاتمشى على ركابيها ويديها بحالا كاتحبو بطريقة مغرية حتى وصلات حدا ركابيه وحطات راسها عليهم" باغا نتصرف قبل مانفكر .. باغا نطفي دماغي ...