غلطة رومان

الجزء 8

🔱 ° ° ° Error 69 ° ° ° 🔱

الكاتبة أسماء عمراني

كاتشوف الناس كاتتخطاها وتجري وهي فحالة دهشة ! واش مكاتبانش ليهم ! كانت مولفة تكون محط الأنظار والإهتمام .. دابا تا واحد ماقادر يشوفها كتر مكايشوفو حياتهم ينقذوها هي الأولى ... هي حياتها أش بغات دير بيها ترميها للهلاك ! صوفياا أشنو كاديري هربي مع باباك ... حاولات ماتسمعش لصوتها الداخلي وتسمع لرغبتها فأنها تشوف رومان .. لي ممكن يكون سمع الإنذار ومشااا .. تقدر ماتلقاهش !! يكون ديجا مشاا !! ماتغامريش......

فالطابق الأول .. حركة دراعوو القوية غير ما زادت شدتهاا أكتر من الأول .. سمع البلاغ .. وسمع بلي الأولوية غاتعطى للركاب الفوق .. هضرة ريحاتو نوعا ما حيت غاتكون فآمان ... أما هو باقي مكمل فخدمتوو كايرمي الفحم باش الباخرة تحرك واخا الطابق الثاني كايتحرق ..

موقف فشكل خلاه يضحك باستهزاء على غرابة الموقف ... عينيه كايشوفو فالعافية لي قدامو وعلى فموو ابتسامة ساخرة .. هو وسط العافية ولكن غايموت غارق ...

- رووومااان

سمية طاحت فبالو بعشوائية بصوتها المغري .. سمية مكان عندها حتى معنى حتى نطقاتها وخلقات ليه معنى خاص .. غلطة رومان ! تسمع الصوت من جديد هاد المرة كان قريب وخارجي

- رووومااان نتاا هناااا !!!!!

ضور عينيه بسرعة لمصدر الصوت عاد استوعب بلي هي لي كاتعيط ليه ماشي صوت داخلي .. حط البالة الحديدية من يديه وتاجه للدخلة كايتمنى ماتكونش هي !! إيلا بالصح جات غاتعطيه سبب يخرج من هاد الباطوو حيت مايمكنش يخليها تغرق معاه !!

رومان : "بدات كاتشكل ليه هيئتها قاصداه كاتجري" هااااحنااا عاوتاني على فريع الكر

صوفي : "وصلات عندو وبدات كاتجرو من يديه وهو مكايتزعزعش" موووت وحدة لي غاتديك هي اناا "كاتحاول تجرو" يالاااه نخرجوو من هنا خلااص

رومان : "نتر من يديها حتى طاحت للأرض ووجهوو رجع حمر بالأعصاب" واااش مريضة ولا مااالك ؟؟؟؟ لاااش نااازلة عندي لهنااا غانطيير بييك اناااا ؟؟؟ يااك سمعتيييه كايقول غاتقوودوو فحالكم فالباطوويات دالإنقاد !! ايوااا لاش نازلة عندي هنايا بااش بغيتي نسيفطك بزبي !!!!!!

صوفي : "أول مرة تشوف تعابير فوجهوو كان بارد ولكن دابا قادرة تشوف غضبوو نطقات بإثارة" اووه سيكسي أز فاك !!

رومان حس بأعصابو لي كايتحرقو .. عاد حس بخطورة الموقف ملي ولا الأمر كايتعلق بحياتها .. بعد عليها شوية جمع النفس فصدرو وزفرو بعنف عاد رجع عندها بخطوات رجولية ثابتة مد ليها يديه باش يعاونها توقف ..

صوفي : "بتاسمات لجنتلمانيتو معاها وتكلمات بلغة إسبانية مغرية" اوووه موتشاس ݣراثياس (شكرا)

جرها لعندو حتى وقفات وهو سرح بدماغوو كايتخيل هندسة الباخرة فالتصميم ديالها باش يعرف يتوقع أنابيب الغاز لي جايين من الطابق الثاني وشاعلة فيهم العافية باش يتفاداهم .. على حساب خبرتووو كمصمم ومهندس فباخرات فخمة بحال سان فرانسيسكو قدر يتوقع هيكلة الباخرة .. وبما أن قوارب الإنقاذ كايدوزو ليهم من الطابق الرابع إذن ضروري يكون ممر الطوارئ دايز من الطابق الأول لي كايكون مخصص لحالات طارئة بحال هادو ....