🔱 ° ° ° Error 69 ° ° ° 🔱
الكاتبة : أسماء عمراني
بعد مرور عام بالضبط ف عاصمة الميكسيك - ميكسيكو
كاتمشى بطايتها المثيرة لي زادت تنحتات كتر فممر طويل فنص الليل .. لابسة كسوة حمراء حريرية فيها فتحة طويلة ... طقطقات كعبها العالي كاتشكل إيقاع سمفونية أنثوية ساحرة .. شعرها جامعاه بإهمال فوق راسها الشيء لي خلا بعض الخصلات طايحين كايحركهم الهواا.. وكايحركوو شهوة فلي شاف فيهم ...
ممر طويل .. هادئ بطريقة مستفزة.. الإنارة قوية مخلي رشاقة خطواتها تبان بعجرفة بحال نجمات هوليوود ولكن بلا جمهور .. ملامح وجها الميكسيكية باردين بحالا الروح تسلبات من أعماقها .. أولا شي حاجة كانت كاتعطيها النشاط شحال هادي مابقاتش ...
وصلات أمام مطعم زجاجي قادرة تشوف العمق ديالو لي كان فخم بستيل وديزاين ميكسيكي أصيل ... هزات راسها للافتة لي معلقة الفوق ولمحات رقم ! رقم كاتعرفو مزيان ، رقم 69 سيكستي ناين...
دخلات مع الباب الزجاجي لي تحل تلقائيا مدات يديها للكونطوار لي حداها هزات كاس ديال النبيذ بعشوائية بلا ماتشوف اشنو ختارت حيت متأكدة بلي أي حاجة هنا تحطات بعناية من أيدي دواااقة مكاتشكش فاختياراتو ....
يالاه غاتكمل طريقها حتى وقفاتها يد قاسحة تحطات على خصرها .. مرجعها عندوو اللور .. يد رجولية كاتلمس إنحاناءات خصرها .. ونيفوو فعنقها كايتنفس منو الهواء ! أولا كايتنفس منو ريحتها !! لي بالنسبة ليه هي الأكسجين باش كايعيش ...
هي غير حسات بقربوو ليها بتاسمات والحياة رجعات فوجهاا .. عاضة على شفايفها من السخونية لي طلع معاها فهاد الثواني لي قاسها فيهم ...
صوفي : "نطقات بنبرة أقرب للهمس" غلطة سيكستي ناين ... مع سيكستي ناين ..... ف لازون د السيكستي ناين ....
رومان : "همس فوذنيها خلا لحمها يتشوك" لي هي ؟ أبيلا (ألزوينة)
صوفي : "بإبتسامة خفيفة" غلطة رومان مع رومان ف لازون ديال رومان
هزها بخفة حطها فوق للكونطوار لي وراها حيد ليها كاس الكحول لي فيديها حطو بلباقة وضار عندها .. حل رجليها داخل وسطهم وكايدوز يديه ببطئ على وجهاا لي كايرتاعش من ملمس يديه .. عينيها فيهم لمعة واشتياق حاضية مع حركاتو والفرشات كايلعبو فيها .. هو نطق بصوتو الغارق كيف عادتوو كايعطيها تذكير بأشنو كاتعني ليه عارفها توحشات تسمع هاد الهضرة
رومان : نتي ديك الغلطة لي كانديرها وانا فرحان .... نتي هي الغلطة لي إيلا ماقتلاتنيش كاتحييني .. "وصل حدا شفايفها ودوز صبعو عليهم ببطئ" وكون رجعات بيا الوقت للور .. غانعاود نغلط ... غانعاود نحويك فوق الفاخر ... غانعاود نخربق ليك المشية .... غانعاود نسيفطك فباطوو ونغرق بوحدي
صوفي : "تفكرات داك الحدث المأساوي لي دازت عليه عام وغرغرو عينيها" عتقوك قبل ماتغرق !!
رومان : "كايشوف فعينيها وراسم ابتسامة جانبية" هه الغرقة فالبحر مكاتعني والو قدام الغرقة فعينيك ... غير هو الفرق بيناتهم .. الاولى كاتقتل والتانية كاتحيي ..
أنت تقرأ
غلطة رومان
Cerita Pendekقصة "غلطة_69" للكاتبة : أسماء عمراني 🫦 القصة سافلة من أول سطر لآخر واحد .. القصة كاتعتابر غلطة لأي وحدة ماعندهاش جرأة تسرح معايا بمشاعرها رقم 69 رقم جنسي وكلو إيحاءات مغرية ..... رقم تقدر تجذب بيه بزاف ديال المنحرفين لي مراسمينش حدود .. ولكن !! إي...
