ترانيم الفارس

ترانيم الفارس _1_

#الكاتبة_دجلة

حساب الأنستا b4i.9
(فتاة الكتب)🌹📚

(لا تنسون التصويت والتعليق على كل فقرة)

____________________________

بأحدى بيوت محلة باب النبي اجه للدنيا
مُهاب سنة 1942 اخ لخمسة اخوة وثلاث بنات

وبنت عمه ياقوت سنة1952 اخت لسبع بنات وثلاث اخوة

سنة 1965 محلة باب النبي
الجانب الأيمن للموصل

ياقوت :بسبب العادات والاعراف بهذاك الوقت
تزوجت ابن عمي مُهاب
تزوجتة بعمر صغير اني 14 سنة ومُهاب 24 سنة
ما جنت افهم شي بيوم العرس
لبست البدلة البيضا وكعدوني على كرسي
بصوت طفولي امي اريد ارگص

جاوبتني امي عيب انتِ عروسة هسة
بس يخلص وتروح الناس ارگصي براحتج

جانت ماسكة اكتافي وتضحكلي من گلبها
واني ابتسم ما جنت عارفة شنو المنتظرني
ابتسم واني اشوف البنات والنسوان حوالي
بفرح ويركصون واغاني

دخلوني للغرفة وبرعب وصدمات خلص
الليل علية مُهاب قاسي ما يعرف الرحمة

ثاني يوم ابجي ما اعرف شنو الصار
من الوجع الي ما عرفت من اي جزء بجسمي
طلع مُهاب من الصبح وما شفتة الا من
رجع بليل خفت يتكرر الصار
حشرت نفسي بزاوية حضنت رجليني
وغمضت عيوني بقوة

تقرب واحس حتى بظلة ثقيل علية
صارت دكات كلبي مسموعة حسيتة راح
يطلع من مكانة سحبني من أيدي
وتكرر الصار يتقرب ويبتعد بدون مشاعر
عيوني بالسگف واتمنى بكل لحظة
اموت تعذبت على ايد مُهاب

ارتاح منو من يروح للدوام
عسكري ما يعرف الرحمة من تزوجنة ما
شفتو يبستم

اكتشفت انو راعي نسوان وشرب ولعب
بهذل احوالي تعب جسدي ونفسي عذاب
بعذاب محد رحمني بيت عمي

صار الصبح ومُهاب بالدوام گعدت مرتاحة
بس طلعت عمتي طلبت مني اخبز واني
ما اعرف بس سكتت اهم شي ما يسمعوني
كلمة لو يكولون لمُهاب وراح يكتلني
رحت بدون ما انطق كلمة احاول
اشغل التنور

ما احس الا انفجر بوجهي الغاز ابتعدت
بسرعة الحمد لله ما صارلي شي
كاعدة على الأرض واتلمس بنفسي
بعدني عايشة ما بية شي من الصدمة
حتى اصواتهم ما اسمعها

شوية وعيت على نفسي واول شي سمعتة
الله ياخذج فجرتي الغاز والتنور
منين الله جابج الية ودعاوي اشكال
والوان

توجهت عمتي علية تريد تضربني بس عمي
رجعها
ركضت لغرفتي وگعدت على الفراش
هملت دموعي ارجف من كد ما بچيت
حطيت راسي ونمت ايامي مثل بعضها

مرت سنة على زواجي من مُهاب اذية وتعب من كل ناحية وأمي ما عدها غير كلمة المرا تصبر عند زوجها هذا الموجود والزاد همي مرتت هالسنة وما
صار عدنة اطفال خفت ما اعرف ليش
الي بمكاني لازم تفرح انو ما يصير
عدها اطفال من واحد مثل مُهاب
ماعنده ذرة رحمة بكلبة علية