ترانيم الفارس

ترانيم الفارس _9_

#الكاتبة_دجلة

حساب الأنستا b4i.9
(فتاة الكتب)🌹📚

(لا تنسون التصويت والتعليق على كل فقرة)

___________________________

وسيم: رجعت بسيارتي وضليت واگف بالطريق شفت سيارتهم عبرت لحگتهم من بعيد وكف قريب من مطعم من شفتة نزل عرفت هاي فرصتي حتى احجي وياها

نور:كاعدة ومنتظرة غفران يرجع گتلة جوعانة وراح يجيبلنا غدا
فززني واحد يدگ على الجامة متت من الخوف من شفتة وسيم

وسيم: اشرتلها تنزل الجامة

_نزلتها بسرعة......شتريد انتَ لاحگني رووووححح قبل لا يجي غفران

_ما اروح قبل ما تكوليلي ليش هيج تحبينة شنو سوالج مو كلتي تحبيني وطلبت منج تنتظريني ليش استعجلتي هاااا جاوبيني

_ لانه رجال عرفت هسة ليشش يلا روح لا يجي ويشوفك

_لججججج لا تموتيني شنو العنده وما عندي

_تريد تعرف ماششي ....غفران رجال دافع عن شرفي الي اتهموني بية وكف ضد اهله وما صدگ وصدكني اني.... مستعد يتبرا من اهلة لخاطري
وانتَ امك اجت وهانتني اني وامي بنص بيتنا وشنو سويت حضرتك ما عرفت دافع عني...... روحححح منا ولا تراويني وجهك بسررعة

التفتت شفت غفران طالع التفتت على وسيم ما لكيتة

غفران: ها حبيبي جبتلج التردينة

_ضحكت مشكور عمري تعبتك

_تعبج راحة لگلبي لا تكولين هذا الحجي بعد .....حركت السيارة وانتبهت جامتها مفتوحة
صعديها عمري المن منزلتها

_بس ردت يدخل هوا للسيارة حسيت اختنگت
وصلنة للبيت واتلگني مروة وامها اجت المسعدة ام الزلم شمسويتلك وهيج تحبها وهي جايبة واحد دايس بيتك

غفران: بسسسسس ما اريد اسمع كلمة وحدة عن هذا الموضوع فاهمييين وحسابكم وياي بعدين
نور روحي للغرفة

_دخلت بعدها نفس حالها كلشي مطشر بالگاع ومكسر خليت الأكل على الميز وكعدت ارتب الغرفة لميت الكسر كلة وكومتة بمكان واحد ما طلعت خفت من صياحهم بعدهم يتعاركون ويه غفران

راح غفران لغرفتة : حبيبتي شجاي تسوين عوفيهن اني المهن تعاي ناكل

_خليني اجيب صينية ارتب عليها الأكل
طلعت والوجوه برا ما يگصها السيف رحت بسرعة للمطبخ اخذت صينية ورجعت رتبت الأكل گعدنة وكضيناها ضحك غفران خلاني اغص مرتين من الضحك
ولللك عيب كافي اهلك منا شيكولون علينة هسة
شني ضاحك ويه صاحبتي غير مرتي ابتسمت ولملمت الأكل

_طلعيلي هدوم اريد اسبح

_طلع كدامي شوية ورحت ورا وشايلة هدومي كلت بس يخلص اسبح وراه طلعت كاعد يسولف ويه امه
....ها بعدك ما سبحت