ترانيم الفارس

ترانيم الفارس _10_

#الكاتبة_دجلة

حساب الأنستا b4i.9
(فتاة الكتب)🌹📚

(لا تنسون التصويت والتعليق على كل فقرة)

___________________________

ياقوت: لا تحجون اله اي شي واذا وحدة منكم فكت حلكها ابتلي بيها

نور: يمة من شوكت انتِ هيج

ياقوت: مو مصلحتة يتزوج هاي

نور: غير تكولين شبيها شنو المانع

_ حياتهم تختلف عن حياتنة وبتار كلبة طيب ما يعرف لدسايس النسوان اني اعرف منين اخطبلة وحدة تصونة

_ مو دوم اختيارج صح ....لا تفرضين علية شي ما يريدو

_ لحد تكول اني رحت الهم والله اذا عرف من وحدة منجن ما تشوفن خير

نوار: كافي سكتي بتار مو طفل واذا الله كاتبلهم النصيب يصير غصباً عن الكل لا تعبين روحج

نور: هاي مو امي عمري ما شفتها هيج

_الله كريم  منا لوكتها يحلها الحلال.......هسة عوفج من هالتفكير

رجعو من الشغل كلهم وجمعهم البتار حتى احنا گعدنة يمهم ......عمة ياقوت متربعة بالكاع وحاطة ايدها على خدها ما تباوع على احد

مُهاب: احجي اكو شي جمعتة وصارلك ربع ساعة ساكت

بتار: جنت منتظر امي تحجي بس شكلها ما راح تكول شي ......بوية اني قررت اتزوج وفاتحت امي بالموضوع اليوم بس رفضت

ندار مُهاب على ياقوت ......وليش ما موافقة ؟

ياقوت: سئلة بلأول منو الي يريدها

بتار: شبيها يمة شنو ناقصها يعني احنا المو مثل طبعنا ننفر منه هيج ترا حتى الانبياء تزوجو نسوان مو من عوايدهم ولا اطباعهم

ياقوت: انتَ تحط روحك بمكان الأنبياء ولللك ...... اسمعني مُهاب الزواج هذا اذا ساندت بيه البتار يحرم علية هالبيت

مُهاب: بتار حبيبي اجيبلك شيختها ......تعرف شنو سمعتها هي وامها ليش نجيب القال والقيل النا

وكفت البتار يرجف ويحجي ....... انتَ وابنك الجبتولنا الحجي من شققكم لشربكم ونسوانكم وهسة جايين تحاسبوني لأن اريد اتزوج بس الي اريدها ما عاجبتكم شنوووو من بشرر انتو

مُهاب: شو صاير ما تحترم تريد امدك هنا واذبحك

بتار: ياااا ريت والله موتوني وخلصو مني شمنتظر يلا موتني .......كل عمري متحمل وساكت تحملت حجي الناس ومشاكلكم صرت اخجل منكم واليوم كلكم ضدي حاسبو رواحكم شوفو اغلاطكم

ياقوت: اذا تريدها لا اني امك ولا تعرفني فاااهم

بتار: اصلاً انتِ مو امي