ترانيم الفارس

ترانيم الفارس _5_

#الكاتبة_دجلة

حساب الأنستا b4i.9
(فتاة الكتب)🌹📚

(لا تنسون التصويت والتعليق على كل فقرة)

___________________________

ياقوت: كبرت وتعبت من الي يصير
وياي گاعدة على القنفة ورابطة
راسي من الصداع مخلية ايدي
على راسي

ترانيم: ماما ماما لعابتي وييين

ياقوت: اشوفها حاطة ادينها على خصرها
بالكوة رافعة راسي ما بية
حيل احجي وياها
روحي حبيبتي دوريها بغرفة امج

ترانيم: ماما بيج شي

_خلت ايدها على راسي حضنتها
ماكو شي ماما بوستها
روحي دوري لعابتج راحت تركض دور
تدخل وتطلع من غرفة لغرفة
دخل مُهاب

_السلام عليكم

_ وعليكم
دخل للغرفة ما اعرف على شنو يدور
ولا رحت سألتة تعبانة طلع مستعجل
غمضت عيوني مقهورة وتعبانة
البيت صاير لا يُطاق بتار واسِر يرجعون
اخر الليل متأخر ومُهاب يوم نشوفة وعشرة
لا

صحت على نوار تسوي الغدا اليوم
طلعتلي تطوطح وكفشتها عالگة
غمضت عيوني شمسوية بروحج
ليش هيج

نوار: عمة عندج حبوب راس احس راسي
راح ينفجر من الوجع

ياقوت: خليج هيج هاملة روحج وبنتج
راح تضيعين بيتج بأيدج الرجال راح يضيع تاخذة
النسوان وتضلين محد بحالج

نوار: هههههه......ههههههه.....هههه والله عمة ضحكتيني اسِر ضاع من زمان
عمة الزواج عشرة عمر يرادلها زلم مو واحد يرجف
لو شاف النسوان

دخلت غرفتي وسديت الباب

ياقوت: رحت للمطبخ اسوي اكل لنور
وترانيم سويت شي خفيف
ما طبخت محد راح يجي كالعادة واني
تعبانة ونوار بعالم ثاني

نور توكل ترانيم اني تركتهم ورجعت لمكاني

صار الليل رجع مُهاب وگعدت انتظر شوية
ودخل البتار تعبت ورحت للغرفة اعرف مُهاب جاي
شارب عصبت وما تحملت اسكت بعد
ضربتة على كتفة:- كافي كافي مُهاب الى متى
صرت جد صارو عندك احفاد
الى متى تبقى على هذا حالك ما شبعت ما مليت
خلي ربك يبارك بفلوسك واولادك عيب والله
عيب على شيبتك

واني احجي وفحطانة بحركة سريعة
صارت ايدة على رگبتي ورجعني ع الحايط

_ ليش اللغوه الزايدة بشنو قصرت وياج
كم مرة كتلج مالج شغل بية شنو اسوي بكيفي
سامعة لو لا هاااااا موفرلج كلشي
احسن بيت واحسن عيشة شنو تردين
ليش ما تخليني راسي بارد

_ترا الدنيا مو بس فلوس تعبت واني اشوفك بالحرام كل يوم تغرگ
اكثر وشوف ابنك اسِر صار نسخة منك
ضاع
هامل بيتة وزوجتة وتاليتة شنووو