الكاتبة_دجلة
حساب الأنستا b4i.9
(فتاة الكتب)🌹📚
(لا تنسون التصويت والتعليق على كل فقرة)
___________________________
_ دخلت للغرفة وشاهت عيوني على جمالها وكفت گدام المراية البتار بعده واكف برا ويركص على الاغاني والهوسات .... دخلت امي وكعدت يمي بدت تنصحني .... من الليلة انسي انتِ بنيتي المدلله هسة صرتي مرة متزوجة وعندج مسؤولية والمرة كلما نصى حسها وقل كلامها
صار الها قدر عند رجلها
وبعد الشفتة اليوم وكل الي سواه بتار عرفت انو هو يعشكج مو يحبج حب عادي كبري هذا الحب بكلبة بأحترامج اله ولأهله
وصيري فطنة كل ساعة والها تدبيرها ساعة صيري تحت جناحة مثل الحمامة التمسح لصدر ذكرها
تبين محبتها وانو هو امانها
وساعة الي تشوفينة تعبان صيريلة الراحة والحضن الي هجرة من فطمتة امه وصار يستحي ينام بية عود كبر علية
الرجال شما يكبر يضل يدور الحضن الدافي
اعرفج ما راح تفشليني
وكلنة مثلج رحنة خايفات وما نعرف شنو منتظرنا عبالنه العرس صفگة وهلهولة
بس الحمد لله مشت بخير والدنيا يوم حلو ويوم مر
ولأجل خاطر الايام الحلوة والنفوس الطيبة وجه حبيبج الحلو
دنكت مستحية من كالت هيج مع انو تعرف شكد احبه ولا مرة استحيت منها بس ما اعرف شنو صارلي هسة ..... كملت كلامها
ترا الايام مو دومها تمشي مثل الماي الرجل يرادلة مداراة ويريدج ساكتة بوكت الي يعصب
ومثل نسمة بالهوا تبارين راحتة
تحملين اهلة وطلبات الطاب والطالع
مو تكضينها امك هذا فعلها واختك هيج گالت
هيج ما يعمرلج ساف حايط
كل ما صرتي بشرة وتضحكين بالوجوة وتتلكين رجلج واهلة بالهلا والمرحبا
كلما كبرتي بعين رجلج
بتار: ها عمة ناوية تباتين هنا
_ يااا ولك غير جاية احجي ويه بنيتي
_ خليني اني احجي وياها وغمزتلها
طلعت امي وهي تدفع البتار على سوالفه يحجيها بالخط العريض عادي عندة
بتار: شفتها تلعب بخصلات شعرها من التوتر گعدت يمها وخرت ايدها
واخذت شعرها فليتة خصلة خصلة الها واني اوصف الها بكلمات شوگ الي بگلبي وعن عشگي الكبر بگلبي وصار ينبض ويه الروح
مثل ما تملكت روحي بدون سبب ولا تعب
امتزجت روحي ويه روحها ودمي ويه دمها تملكت كيانها بكل مودة وهدوء
جنة ثنينة مثل الشمس والقمر والتقن بعد طول انتظار بكسوف الشمس
اعلنت عن اثبات رجولتي وطهرها وبرائتها
بهوسات الفرح والهلاهل
نور: اسبوعين وعرس البتار قائم ناسنة ما تخلص وابوي ما يرضى احد يطلع بدون ما يضيفة وكلنة واگفات للناس الي تروح وترد بس فرحتي بأخوي منسيتني التعب
أنت تقرأ
ترانيم الفارس
Любовные романыاتسائل كيف سيكون شعور النهاية السعيدة لشخص أعتاد ان يخذله الطريق؟ كيف هي العلاقات الٱمنة بالنسبة لأنسان قضى عُمره مرتجفاً؟ كيف هو النوم بلا محاربة الأرق؟ وكيف هو اليوم دون رعشة اليدين؟ اود أن أعيش هذه اللحظات عندما تُعطينا الحياة فرصة حقيقية لل...
