ياريتني ما ريت سود انظاره !! مناي ابراهيم

الثانيه ..ياريتني ما ريت سود انظاره

بقلم مناي ابراهيم

مي تنتظر عرب يمر عليها في المدرسة اللي اشتغلت فيها بعد التخرج
رنت عليها جنى

مي : امتي روحتي عنشكلك
جنى : ليا ساعه جايه هيا تعالي
مي : باهي نبدل بس وسعي بالك

في الطريق
مي : جنى جايه
رد بدون نفس : ماشاء الله انست ..
سألت بهدوء : نمشو ؟
عرب : بعد نرتاح شويه نوصلك ..وراهو مش جاي للعشا ما تحرجيني لا نحرجك
ردت بهدوء : اوك..

مسك اعصابه مايحبش هذه ال اوك ..المستلمه ولا يحب عنادها وراسها اليابس ورد كلمه بكلمه
..
تغدى ورقد ..
لم توقظه بقيت فالصاله اي حد يتصل تقوله عرب مرهق من العمل ..
واي حد يعرض عليها يجي يوصلها ترفض ..

استيقظ بعد ما شبع نوم لقى العصر مأذن له ساعه ..
لم يجدها ..

توضا وصلى وطلع كانت في الصاله تشرب قهوة وتتفرج على الشاشه ..
وقفت : نسخن لك قهوة
عرب : لا هيا نوصلك
لبست عبايتها وطلعت ..كانت فاتنه لكن لم يخبرها
تشوف نفسها عليه ساد الفرق المادي بينه وبين عيلتها يقول لها سمحه معش تشوفه بكل..
خصوصا انه مش سمح زي جمال مجدي
بل وسامة رجوليه اسمر وطويل وملامحه عاديه

توقفت السياره
مي : ما تبي تسلم
عرب ب استهزتء : ما نسلم على صبايا و صالح بعد نبي نروح بيك نسلم عليه ..
مي : تمام..

لم تدخل للبيت جلست في الكراج تبكي حظها العاثر والبائس ..

مالك : حبيبتي مي
مي : خااااالي وانفجرت بالبكاء
طلعها ركبها في سيارته ..
هو يقود وهي تبكي وتبكي
مالك : ما مليتي من البكا ...مش قتلك نطلقك منه
مي : دوب سكرنا سنه خالي بالك يتغير

عرب : وبالك يتمرد اكثر شن مش عاجبه
مي : وين نعرف معش فهمته نحسه يكره هلي واحيانا انا يكرهني او هك نحس ..
عرب : مازال بدري نطلقك نا مش اول وحده ولا اخر وحده امالا عليش في طلاق..ليش شرعه الله ..
مي : بس
مالك : بس شن
مي : نتاكد اذا في حمل او لا
مالك : ان شاء الله لا
سكتت كم تمنت طفل يشبهه

مي : خالي ..نحبه انا
انفجر مالك :  شن فيه ينحب بس
معقد وحصله وعنده عقد نقص بالك يحساب الفيلا اللي ساكنين فيها نا وخوتي ورث
ههههه تي نا وعبدالعاطي سنين نبو فيها
كنا في شقة دارين وصاله وحمام واحد
او باتك وارث ثروته لا والله الا قرا وحضر واجتهد واشتغل على روحه ولا قال فلان غني وكرهه
..
عادت غسلت وجهها جددت مكياجها وعانقت جنى وبكن كالعاده ..

في بيت والدته ..
مريم : وين السنيورة
عرب : اسمها مي يا امي
مريم : اللي هي
عواطف : اختها جايه من مصر
مريم : مممم ما عزموك للعشا
عرب : اعتذرت
مريم : وعليش تعتذر شن ناقصك عشان ما اتعشى مفش حد خير منك

عرب : اخر مره عرفتيني غادي قعدتي ترني صبيت من فوق الصفره وجيت مفش داعي نعاود اللقطه مش حلوة في حقي صح او لا ..