اتصلت بيه انفجع الساعه 4 الفجر
حذت رقمه من خيريه
انور : صباح الخير
نجمه : كنك تحفر فجعتني
انور عرف الصوت : قصة طويله
نجمه : باه عذب الشيطان وارقد وبكره فهمني
انور : اصلا بروحي تعبان ..
في الصباح في مكتبها مستغرب وجهها
وين نظارتها وفمها كنه قعد سمح ..
انور : نجمه
نجمه : ها
انور : كنه وجهك متغير
نجمه : مش وقتك كنك تحفر فهمني ؟!
انور : شن نبي نقول تضحكي عليا
نجمه : قول وانت ساكت
انور : كيف نقول ونا ساكت ..
اصلا
ونظر الى لهفتها على الاجابه
انور : اطلبي فطور باه
نجمه : واك من يومي قلت عيل سامط
طلبت له فطور
انور : انا من يوم جيت نحلم براجل ومرا
تلون وجهها
ام غزل ..ضاويه
تقولي خنقني بمخده وعرفت انه قاتلها
نجمه : و
انور : وراجل يقول تلقاني تحت الليمونه وراسه مدشدش
وعرفت بعدها انه باتها أحمد
نجمه : باهي وانت تحفر تبي تتاكد
انور : ايوه
نجمه بهدوء : واذا لقيته
انور : نبلغ الشرطه ..
نجمه : وشن يخليك تنسى الموضوع
انور : عليش ننساه الراجل مقتول وروحه هايمه
نجمه : وهو قتل اختي وروحها هايمه
انور : اختك صلو عليها دفنوها ترحمو عليها
وسكت مستوعبا
انور : نعرف اللي قاتله
نجمه : انا قتلته ......
>>>>>>>>>>>
نائله ..عز
يركض خلفها بسيارته الى ان دخلت سور منزل صدام
عز : ناااائلة
ناني : غادي عليش لاحقني هاك دبلتك يا متوحش متخلف
خليتهم يصورو بكره معش يجيني حد للمركز
لم يهتم بالخاتم المرمي تقدم يمسك يدها يمنعها صعود الدرج
عز : وين يا حلو
ارتعشت من لهجته البارده
ناني : لحوش خالي
عز : وراجلك
نائله : معش نبيك ..
عز : وهو يبيك ورفعها على يديه وهي تضربه
وصدام فوق منشرط م الضحك : صحه لك راااجل
في السياره : حول غادي
عز : مش محول
ناني : وين شايلني والله نقولها لخالي
لبيتك ؟
تبي تهجم عليا يا متوحش
المعتز بالله : ما جا في بالي بس لو خاطرك نهجم خصوصا وهو معصب ومنفعل يعلم الله يسهف ويشهي ع التوحش من كل المحاور
شهقت : سخيف وقليل الادب
عز : و واطي يا قلبي ومش ساكت وراجل يبي يمد لك ورد ..والمحاور مقصود بيهن عقلك وقلبك
نائله : عليش واخذني دور وحده ما حد يعرفها
عز : قلبي خذاك يا هبله
ناني : وين نقالي
عز : منعرفش
نائله : نقول لخالي تحسابني سايبه
عز : هاكي قولي له
رنت
نائله : خالي راهو خاطفني
ضحك معتز
نائله : نستاهل ؟!
خالي
عندك حق مش يويو نا باي
..
انتبهت لوقوف السياره
ناني : بيت من
عز : جدي ..خشي هيا
دخلت بالغصب وهو ماسك يدها ويعانق جدته
