الخالات ..الحن الخالص العفوي كحنان الامهات
الخالات السر الالهي البديع ..تربي تحن تقسى وتحضن وتعطي بلا حدود ..
الخاله والده ..
****************
صباحا
بيت بسيط ..شعبي
غزل : اخويله
خيريه تزين حلوياتها رفعت راسها : نعم ..نجي السماحه يا بنت
قالت وهي تثني على الملابس الكاجول الانيقه جدا
غزل : سلمك ..نبي فلوس
نجمه : شن تبيهن
غزل : مذكرات وراس اخويله
نجمه : معش تحلفي براسي شي مره تكسريه
خيريه : عدي فالشنطه وافطري مش تجي تديري نص وتقعدي بلا غدا
غزل : حاضر ..باي
نجمه تتافف : مع السلامه
عادت خيريه تزين طلبية حلويات ..
والمنظومه الصغيرة تدندن ..ساكن في حي السيده وحبيبي ساكن في الحسين ..
في سيارة خالتها نجمه ..قربها رهف جارتها وصديقتها المقربه
وقفن تحت شقة الصديقة الثالثه جود اللي نزلت تنفخ كالعاده
رهف تمد لها شوكلاته
جود : ما نبي ..لبزي وقولي نبي منديل معطر
رهف : جود المزاج زيرو عالصبح وسلم صاحبتي الموسوسه ديمه بمناديلها
كشرت جود
غزل : حتى خالتي سيارتها ديمه فيها معطر وجاف
وكنه صباحك جاف يا جود
كانت على شفير البكا
رهف : تبكي نوريك ..
جود : حرام لهم ثلاث ايام معانا تعبت انا
رهف : وامك
جود : على قلبها عسل
غزل : وباتك
جود : حان عليا قال عدي ل غزل
غزل : تعالي مرحبتين
جود : ونخلي لها بيتنا هي وراجلها وعيالهم
رهف : فوتيهم كأنهم مش قاعدين
جود : والدنيا الشايله ..
غزل : وهي ما تدير شي
جود : لا وحمها شين
رهف : تمشي لهلها
جود : بالك ملخبطه تحسابنا هلها
غزل : خلنا منها توا ...صبح ..
في مكانهم المعتاد يفطرو بعد المحاضره
شلة الشياب اسمهم في الجامعه لانهم فصل تخرج..
تستمع لحديث جبريل عن سفره ومغامراته
وتحسده
غزل : ياعونه
جود في ملكوت اخر : للاسف خاطب
غزل : يوه ما قلت نبيه حسدته على حياته
جود : مش راضيه بحياتك ..عارفه معنى ما يكون عندك مرت خو خالتين زي العسل بيت كله صبايا الله
غزل : قل اعوذ برب الفلق ..عندك بات وام يا هبله نا ماعندي ..
رهف تهمس : يا فتيات شكلي كويس ..
جود : يجنن شكلك ..بس بالك عيب يا بنت
رهف : امتى نحب امالا هذا اخر فصل فالجامعه
جود : حبي بعد الزواج
ضحكت غزل ورهف
جود : كنكن
غزل : مفش حب بعدين توا خوك يحب مرته
جود : امالا كنه جايبها فوق راسي له اسبوع كان ما يحبها
غزل : يبي يتخلص منها اكيد يسهر برا
جود : اه صح
غزل : شفتي
جود : قصدك عالفاضي الزيزا ياصبايا
رهف : لا تزوجي جيبي عيال ..
رن السمح
غزل : توا عرفتي شكله..
رهف : لا اليوم نتعرف مش مهم شكله ..رن من رقم اخر
هيا باي
جود : را تطولي ..
