جبريل ..
كان طالع من شركة شاهين فالليل تلاقى معاه
قربه مي ..معقوله مرته...عليك بخت
يوووه وين دبلتها حتى هي ..
اليوم الثاني
مكشر وخلاص ..
رهف : يا ليد كنك رقالي احكي
جبريل : مي
رهف : اه كنها
جبريل : متزوجة
رهف : لا مطلقة
جبريل : كيف..امس شفتها في سياره شاهين فتحي مديري
رهف : نعرف انها مطلقه وساكنه مع خوالها ..
عاد الامل يرقص في قلبه ..
تلاقى معها شايله قهوتها
جبريل : في وقتها ومد يده
ارتبكت : فيها سكر
جبريل : عادي حتى لو سم
ابتسمت : تفضل ..
حبريل : شفتك امس مع مديري المسائي
مي : خالي
جبريل : ايوه ..نحسابك مرته
مي : ههههههه لا منفصله زيك
سأل بفرح : سألتي عني ؟
مي : لا ..صوتك عالي تحكي لرهف قلت لها من طلقتها ونيه مفتوحه
جبريل : هههههههههه وانت نيه انفتحت ؟
تقدمت وتقدم معها : ايوه رديت للحياة تقدر تقول
جبريل : ما يستاهلك الا حد بعقله يطلقك ..تقول نسمه من الرقه
ارتبكت مجددا
جبريل : متزعلش مني مي انا ما انابش الا في زميلاتي جود ورهف وغزل ..بس جد اكيد هبل وهبل بكل ..
ابتسمت : شكرا جبريل
وابتعدت في هدوء سرقت ما تبقى من قلبه ..
جبريل : تجنن يارهف
رهف : اخطب يا زعيم عمري ما شفتك هايم
حتى وانت مزوز يا ليد
جبريل : ههههههههه ..
تحكي لجنى عالنقال
مي : قال تقول نسمه من الرقه
جنى : يا عيني يا ليلي
مي : وقال اكيد اللي طلقك هبل وهبل بكل
جنى : قولي له مريض
مي : ما قتله شي فرحت بالكلمتين كأي مراهقه ومن العمل للبيت نسمع في ام كلثوم
حنى : هههههه اسمعي ..شن شكله
مي : لطيف ..جنتل ..بشوش مؤدب
جنى بحماس : دوري له صورته
..
فتحت صفحة المشروعات لقت تعليق له خشت صفحته..
صور له ..ل بنته ..
كلماته عنها ذكرتها بدلال والدها لها وخوالها ..
صورة مع باته
صور التخرج ..
بعثت مسج / انا مي ..
رد بعد ساعه بعدة قلوب /هلا وغلا
مي / كنت نحكي عليك لوحده قالت شن شكله
جيت لصفحتك بس بدل ما نقول لها شن شكلك
كتبت لك انا مي
مبتسم راسه على ركبة امه وبنته في كتر باته راقده ..
جبريل يكتب / احلى مي
مي / مممم
جبريل / اصلا انت اول مي نعرفها
وانا اخر جبريل رح تعرفيه
مي / يا سلام
حبريل / حكيت لرهف عليك
قلت لها تجنن
مي /هههه حلوه صحبتكم ومن قتلي اخرى
جبريل / غزل وجود ..مازال جود خطوبتها هاليومين
غزل انخطبت للصايع انور
مي / هههههه وانت مؤدب
جبريل / نبي نتعلم نصيع شن رايك
مي / خليك مؤدب وجنتل
جبريل / شكرا للنصيحه ..ها نخش فالموضوع
مي / في موضوع هو ؟!
جبريل / ايوه كنت نبي نحكي لك بكره بس جيتي ..زينك جيه جيتي ..قال سيف النصر
مي / احكي
