جبريل ..
في المكتب قرب رهف يشرب قهوة وينتظر السياره عشان ماشي للموقع
خبط المكتب
رهف تدقق في خريطه : شوف من
جبريل : مفتوح الباب ..
تقدم كانت بنت : صباح الخير وابتسمت برقه
جبريل : صباح النور
.....: نبي بش مهندس جبريل ممكن تكلمه
جبريل : تفضلي انا ..
.......: استاذ نبيل يبيك
جبريل : حاضر توا انجي ..
ورجع ل رهف
جبريل : من هذه
رهف : من
جبريل : اف عدت ما شفتيها
رهف : لا ماشفت حد ..
دخل المكتب لقاها ترتب طاولة الاجتماع ..
جبريل : دورتني
نبيل : ايوه خلي حد يمشي مكانك واحضر الاجتماع
جبريل : نكلم رهف
ردت البنت : كلمتها نا ..بالتيلفون ..
جلست قربه في الاجتماع ..رقيقه جدا وبشوشه
من هذه ..!!
بدلة قونه وطرف زي الاسدال قصير وكعب متوسط
والوشاح زهري ..
من ذاك اليوم يوميا يشوفها
يوصلها واحد لكن يبدو مش راجلها شكله خوها ..
عرف انها من سكرتيرات مكتب المدير
احيانا تطبع تكتب تقارير تتحرك من مكتب لاخر
لطيفه بشكل ملفت لكنه اصبح يخاف النساء ولم يتجرا يسأل رهف
اكتفى بالمشاهده من بعيد وقراءة هدوءها العذب
حتى اناقتها كيوت زيها لقى روحه متعود عليها زي قهوته ..
جاء من الموقع بعد العصر لقاها في مكتبه واقفه تصور
.....: ايوه خالي
ممم
هيا توا مروحه ..مم
نسك جايه فالطريق ..
ممم..لا نصور في تقرير للمدير
اوك ..
باي
جبريل : مساء الخير
لفت : اهلا مساء النور
.......،: معلش بش مهندس قال المدير ماعندك مانع
نصور تقريرك
جبريل : ابدا خوذي راحتك يا
ابتسمت : مي فيصل
تنهد يتلذذ باللحن : تشرفنا يا مي
او مهندسه
مي : لا مانحب الهندسه بكل ولا هلها افف
جبريل ب احباط : ظلمتينا
مي : اه سوري مش هندسه المدن ههه
رن نقالها
مي : ايوه نسك..هيا طالعه
سلام بش مهندس
تقدم خلفها : سلام مي ..بس كنك قاعده للعشيه ما تخافي
مي : مش ديمه ومدير والبنات فالمكتب قاعدين
جبريل : اها..موفقه مي
مي : شكرا ..باي
واشارت بيدها
يكلم نفسه / يدها التي على قول كاظم
حطت على قلبي
لا هي حطت على كتفي
&&&&&&&&&&&&
جود ..
في مكتبها اجتماع مصغر مغلق
دخل كالعاده بدون تخبيط وجلس قربها
مأمون : صباح الخير يا جماعه
الكل : صباح النور
مأمون : كملو اجتماعكم
كانت المترأسه للاجتماع تخطط تشرح تنقد وتصيغ القرارات..
تستمع للاخرين ثم تقول كلمتها الاخيره
اين التي قال والده حاصله في روحها
انتهى الاجتماع وخرج الكل
جود : نعم يا مأمون راهو اشاعات المكتب
مأمون : جد شن يقولو
جود : يقولو يحبو بعضهم
مأمون : واضح مش طايقتني
جود : مهو قالن تستعبط ..شن رايك تخطبني تريحني
