ياريتني ما ريت سود انظاره !! مناي ابراهيم

الاخير ...ياريتني ماريت سود انظاره

تركض زيزي نحوه عبايه مفتوحه فستان سهره الوشاح ملفوف ب اهمال ..واخر مكياج
زيزي ترمي نفسها عليه : حبيبي حبيبي انور
شهقت غزل ومسكت يده لم تكن ترى شي من طرحتها .. ..
نجمه :  من التافهه هذه
انور يوخر وزيزي تتقدم وتلتصق
خيرية ونجمه تقدمن منها وغزل تسب فيه : نهارك اسود انود
...

نجمه مسكت يدها بغضب :  من انت
زيزي :  حبيبته اسأليه نسيت شهر عسلنا حبي
نسيت زيزو قلبك ؟
شاهين يكلم انور المنصدم :  امشي لسيارتك عنشكلك توا نتعامل معاها ..

غزل : صدق عنشكلك وعنشكلي
نجمه تمسكها من شعرها وجمال ميت ضحك يراقبها تخشش فيها لسياره جاسر ومعاه خيريه

نجمه : والله لو نعرفك قربتي البنت او راجلها نهايتك على  يدي

لحقت غزل اللي اكيد رح تخرب الليله
نجمه : هيا جمال
جمال يضحك :  هيا يا حمش انت
شاهين يشعر  بقهر ان تفسد ليلة البنت يرن على انور مقفل ..

في العماره : مش راكبه لشقتك حول مش نحبك
عض فمه :  بلا فضايح يا بنت العماره فيها ناس
غزل : ايوه اتحشم جنابك بدل ما تعطيها كف يبرمها خفت منها و وخرت
انور : والله انصدمت ومازلت مصدوم
غزل : ومازال تنصدم ..
نجمه جت :  ارقي لشقتك يا بنت شنو تبيها تفرح باللي دارته
..

مع خالتها ف دار النوم دموع في عيونها

نجمه : غزل هبله انت قتلك ضربتها وخيريه وجاسر شالوها وتوا تشوف امها وبوها اللي ماربوها
غزل بقهر وغيرة : الدنيا مستكثرة عليا نفرح
نجمه : عذبي الشيطان ورا تنكدي الراجل
سكتت غزل

نجمه : غزل ربحك بشوي عليه شن دخله
غزل بوعيد : ايوه بشويش

النبره لا تطمئن
طلعت : شد حويلك يا انور فاصله العروس
انور راقيله :  شن كنت تديري جوا
نجمه : ما قدرت عليها
جمال يضحك
انور بقهر : مهو تنقو عليا كلكم منهم لله
طلعو يضحكو

خش لقاها مقعمزة على الكنبه اللي اختارتها هي
عاقده يديها والطرحه معزوقه والقفازات معزوقات
والتسريحه حولت
والغثيث سحن كبده
تفنص فيه

انور : حبيبي
غزل : مش حبيبك نبي نعرف كنك ما ضربتها
انور : م الصدمه بس توا نحش لها كرعيها
غزل : بعد شنووو خلاص خربتها
انور : شن خربت يا قلبي حبيبي هو
جلس على ركبته ع الارض يقبل يدها وهي برمت وجهها وشعرها الطويل جا على كتفه وخده

انور : اه ..منه يجنن فيا
غزل : حول غادي بعيد
انور : مش بعيد هو حبيب انور وانور حبيبه
وقفت تفنص :  بنبدل حول
..

خشت الحمام بعد ما طرداته م الدار
لقى نقاله الثاني يرن شاهين

انور : النجده الليله خربت وحق ربي نقيتو عليا
شاهين : ازعل بس وكشر ودير روحك مسكين توا تحن
انور : مش باين بس نحاول وخلاص ..