تبعثر الكلمات (اسكربتات)

اسكريبت

اسكربت جديد🙈🤭

صلوا على رسول الله صلى الله عليه وسلم 🌹

كانت واقفة بتعيط وكلو واقف حواليها بيصور الحدث ..كلو عاوز ياخد التريند ويتشهر ويكون اول من نشر الحدث !!

كانت بتبص للنيل وليهم وتزيد في البكا ..هى قررت تخلص حياتها !! طب واقفة لي يالله نطي

دخل واحد وسط الزحمة ..والناس اللى واقفين زي الصنم كل اللي بيعملوه بيصوروا !!خلاص السوشيال والتريند لحس عقلهم

قال بهدوء :انزلي يا انسة غلط اللي بتعمليه دا

وكأنها كانت مستنية حد يكلمها عشان تعاند معاه ردت بجمود وهى لسا بتعيط : ملكش دعوة ..دي حياتي وانا حرة

ابتسم بسخرية وقال :حرة في اي يا فندم !!! هو انتي فاكرة روحك ملكك ولا اي

نظرت له بطرف عينها وقالت بضيق وهى تصرخ : ايووووة ملكي وانا حرة اموتني اولع فيا محدش لي دعوة انتو بتئذوني وبعدها تحاسبوني محدش ليه يحاسبني ..و محدش ليه دعوة بيا انتو فاااااهمين

قالتها بإنهيار وزاد الاصرار في عينيها على ان تقفز لتبتلعها المياه .ولا تخرج لهذا العالم مجددا

قال بجدية : بس هى روحك فعلا مش ملكك ..ملك اللي خلقك !!..هى معاكي امانة بس ...ولو انتى اذيتيها ربنا هيعاقبك عقاب شديد ..متفتكريش انك كدة هترتاحي

التفتت بكامل جسدها وهى تقول :ربنا هيسامحني ..عشان هو عارف انا حاسة بإيه وقلبي واجعني ازاى ..انت عارف يعني اي يبقى حواليك ناس كتير بس بردو انت لوحدك ..ونظرت الى شاشات الهواتف المصوبة نحوها وهى تكمل:شايف..دى الحياة انهم بس يشوفوا اوجاعك و يتفرجوا ..محدش بيهتم ..ولا حد هيهتم ..وانا خلاص قررت مش هتتم تاني ..كفاية كدة انا تعبت من كل حاجة ..ومن الناس ..وربنا عارف اللي فيا وهيسامحني ..عشان انا بحبه وعملت حاجات كتير حلوة عشانه

نظر لها برهة وضحك بملئ فاهه قائلا : عشانه!!!! عشان مين معلش ...انتي بتعملى عشان نفسك !! عشان انتى عارفة ان فى ثواب وفى عقاب ..في جنة وفي نار ..لو كفر اهل الارض كلهم ربنا هو الغني بردو !! وبعدين انتي فاكرة ان الكام حاجة اللى عملتيهم فى حياتك هيشفعولك لذنب كبير زي دا !!! غريب اوي الانسان بيحب ياخد اكتر من اللي ليه
وبعدين انتي فاكرة انك لو قتلتى نفسك هيزعلوا مثلا ويقولوا ظلمناها واحنا السبب!!! مفيش الكلام دا انتي هتضري نفسك بس

قالت بدموع وهى تلوح بكفها : بردو ربنا هيسامحني ..و الناس مش مهمة عندي ..المهم اني هرتاح من كل دا

ابتسم وقال :بردو مفهمتيش ..انتى عارفة اي شعور اللى بيموت غرقان!! او غير الغرق اللي بيقطع شراينه او بينط من سطح عمارته اللى فيها عشر ادوار!!! او اللى بيشرب شريط دوا ..

اصل اقولك هتحسي بالوجع الرهيب وتموتي خلاص وخلصت الحدوتة !! بس دا للاسف فكر غلط لانك مشيتي من دار الاختبار لدار الابدية بقا ...انتي عارفة ان رسول صلى الله عليه وسلم قال :《يبعث المرء على ما مات عليه》يعني سيادتك لو نطتي من سور النيل وانا مش بمنعك دى حريتك زى ما بتقولي ..بس عاوزك تتخيلي معايا كدة انك لما ينفخ فى السور ونطلع من القبور اللى افتكرنا انها اخر حاجة وخلاص ارتاحتنا تفضلى تغرقي كل شوية وتحسي بنفس الشعور وكذلك الانتحار بأي طريقة

طب تعالى اقولك حاجة تانية ..تخيلي واحد مات وهو بيذكر ربنا وعنده راحة رهيبة..يبعث وهو بيذكر ربنا وجواه نفس الراحة ..و حضرتك بتتعذبي ..دا غير طبعا ان اول يوم من يوم القيامة ٥٠ الف سنة مما تعدون ..تفضلى كل دا بتغرقي نفسك وتقومي وتشعري بالوجع ونفسه ونفسه لحد ما يجي معاد حسابك بقا!!عشان اي ..عشان ناس مش عاملين ليكي اى اهتمام !! عشان حياة بتعدي ونقدر اننا نرميها ورا ضهرنا ونفكر في الاحسن ..بس عارفة المشكلة فى اى اننا ضيعنا طريق ربنا ...حبي ربنا ..عارفة لو بتحبيه بجد ..عمرك ما هتُزْهِقِي روحه كدة اللى وهبها ليكي عشان دنيا وناس!!!
دا غير طبعا عذاب القبر ..و اشياء كتير احنا في غنى عنها ..لأن ببساطة محدش هينفعك ..لما يجي يوم القيامة وربنا يسئلك لي عملتى كدة ..تقولى عشان فلان ..فلان هيقولك مليش دعوة اني برىء

يا بنتي دا ابليس اللى قاعد فوق دماغك دا وبيحرضك على كل حاجة ..هيقولك اني برىء منك اني اخاف الله رب العالمين !!!

بقى اللي مطرود من رحمة ربنا يخاف من عقابه ..و انتى قلبك يصورلك انك كدة مش بتعصيه !!

الذنب ذنب مفيش مبرر للذنب عشان كدة ..ارجعي لعقلك وفكري هل انتى بتحبي ربنا بجد ولا لا ..لو بتحبيه معتقدتش انك هترجعي تقفى الوقفة دى فى حياتك ..ولو العكس ..ادي ضهرك للحياة ونفذي اللي انتى عاوزاه ..ما انتي حرة بقى

و اختفى !! زى ما ظهر فجأة اختفى فجأة لفت بصت للنيل وازدادت فى البكا ..الناس زهقت وقررت تمشي ..سابوها لضميرها ..بصت عليهم وهما كلهم بينسحبوا ..وادركت ان هى لي عاملة للناس مكانة اكبر من حجمهم !! نزلت من على الجسر ومشيت بتوهة والدموع في عينها وكلام الشخص دا بيتردد فى ودانها :
《بقى اللي مطرود من رحمة ربنا يخاف من عقابه ..و انتى قلبك يصورلك انك كدة مش بتعصيه !!》

غادرت الى منزلها و توضئت ووقفت امام الله جل جلاله .يقشعر جسدها من هول ما كنات ستقوم به

و لكن كان الله ارحم بها وبقلبها ففى سجودها وتضرعها وتوبتها عن هذا الذنب العظيم قبض الله روحها ..ليأخذها طاهرة بلا ذنوب ..فأنت تدري عزيزي ان التوبة تجب ما قبلها ..يبدو ان صغيرتنا ستبعث وهى ساجدة تتضرع لرب العالمين 💛

لذا عزيزي لا تتعجل على الموت فهو آتيك ..فأصنع ما يشفع لك عند الله جل جلاله ..ان الله لا يحتاجك ولكن انت من تحتاجه دائمًا ..عد إلى الله وتوكل عليه و اترك كل ما يؤذيك فَ في سجدة خاشعة يفيض بها لسانك بما لا يطيقه قلبك ..اتركها لله .. و لا تؤذي روحك ولا جسدك "فبدنك عليك حق "

حفظكم الله من وسوسة الشيطان 🤲🥺

دمتم في نعمة الله 🥺🌎

صلوا على رسول الله صلى الله عليه وسلم 💛🌹

#اسكربت_الانتحار_مش_حل
#مريم_صقر